ବୋଲଗଡ,୨/୩( ଆପ୍ର) ଖୋର୍ଦ୍ଧା ବଲାଙ୍ଗିର ୫୭ ନମ୍ବର ଜାତୀୟ ରାଜପଥର ବୋଲଗଡ ମଙ୍ଗଳା ମନ୍ଦିର ଛକ ନିକଟସ୍ଥ ରେଲଓ୍ବେ ଓଭରବ୍ରିଜ ଉପରେ ବୁଧବାର ସକାଳେ ଏକ ନବଜାତ ଶିଶୁପୁତ୍ରର ମୃତଦେହ ପଡିଥିବାର ଦେଖାଯାଇଥିଲା। ମୃତ ଶିଶୁଟିକୁ ଏକ ଲୁଗା ଉପରେ ଶୁଆଇଦେଇ କେହି ଏଠାରେ ଛାଡିଯାଇଥିବାର ଅନୁମାନ କରାଯାଉଛି। ଶିଶୁଟିର ନାଭି ସହ ନିମ୍ନସ୍ଥାନରେ ତୁଳାବ୍ୟଣ୍ଡେଜ ଲାଗିଥିବାରୁ ଏହା କୌଣସି ଡାକ୍ରରଖାନା କିମ୍ବା ନର୍ସିଂହୋମରେ ଜନ୍ମ ନେବା ପରେ ଏଠାରେ ରାତି ଅନ୍ଧାରରେ କେହି ମୃତ କିମ୍ବା ଜୀବିତ ଅବସ୍ଥାରେ (ପରେ ମୃତ) ଛାଡି ଚାଲିଯାଇଛି। କୁମାରୀ ମାତୃତ୍ବ କାରଣରୁ ଲୋକଲଜ୍ଜା ଡରରେ କେହି ଏପରି କରିଥାଇପାରେ ବୋଲି ଉପସ୍ଥିତ ଲୋକମାନେ ସନ୍ଦେହ ପ୍ରକଟ କରିଛନ୍ତି। ଖବର ପାଇ ବୋଲଗଡ ଥାନାଧିକାରିଣୀ ବିଦିତା ନାୟକଙ୍କ ନିର୍ଦ୍ଧେଶକ୍ରମେ ପୋଲିସ ନବଜାତ ଶିଶୁପୁତ୍ର ମୃତଦେହକୁ ବୋଲଗଡ ଗୋଷ୍ଠିସ୍ବାସ୍ଥ୍ୟ କେନ୍ଦ୍ରକୁ ଆଣିଛନ୍ତି।
