ବେତନଟୀ/ ବୈଶିଙ୍ଗା : ବୈଶିଙ୍ଗା ଥାନା ଅଧିନ ରଘୁପୁର ଗ୍ରାମପଞ୍ଚାୟତରେ ସରପଞ୍ଚ କିମ୍ଵା ଜିଲ୍ଲା ପରିଷଦ ଆସନ ପାଇଁ ଯେତିକି ପ୍ରଚାର ବା କ୍ୟାମ୍ପେନିଂ ନ ହେଉଛି ତା ଠାରୁ ଢେର ପରିମାଣରେ ପଞ୍ଚାୟତ ସମିତି ସଭ୍ୟପଦ ପାଇଁ ପ୍ରଚାର ଚାଲିଛି। ଏହି ପଞ୍ଚାୟତରେ ୫ ଜଣ ଜ୍ଞାନୀ, ଗୁଣୀ, ମାନୀ, ଅଭିମାନୀ ଆଉ ବେଇମାନୀ ଭଳି ହେଭି ୱେଟ ନେତାମାନେ ନିର୍ବାଚନ ରଣାଙ୍ଗନରେ ଅବତୀର୍ଣ୍ଣ ହୋଇଥିବାର ଜଣା ଯାଇଛି I
ସ୍ଵର୍ଗତ ଚିନ୍ତାମଣୀ ମିଶ୍ରଙ୍କର ସୁଯୋଗ୍ୟ ସନ୍ତାନ ଅକ୍ଷୟ କୁମାର ମିଶ୍ର ଜଣେ ଦକ୍ଷ ସଙ୍ଗଠକ ,ଉଚ୍ଚଶିକ୍ଷିତ,ଅଧ୍ଯୟନ ସମୟରେ ଛାତ୍ର ନେତା,ଚାକିରୀ ସମୟରେ ରାଜ୍ୟ କମିଚାରୀ ସଂଘର ସଭାପତି ରହି ନିଜର ପରାକାଷ୍ଠା ପ୍ରତିପାଦନ କରିପାରିଛନ୍ତି। ଅବସର ପରେ ରାଜଧାନୀ ଛାଡି ନିଜ ଗ୍ରାମ ଖୁଣ୍ଟାପୁରରେ ରହି ଜନସେବା କରିବାର ପ୍ରୟାସ ରଖି ସମିତି ସଭ୍ୟ ପାଇଁ ପ୍ରତିଦ୍ଵନ୍ଦିତା କରୁଥିବାର ଜଣାଯାଇଛି। ସେହିପରି ଜନତା ଦଳ ସହିତ ଅନୁବନ୍ଧିତ ତଥା ପରବର୍ତ୍ତୀ ସମୟରେ ବିଜେଡି ର ଜଣେ ଆଗ ଧାଡିରେ ନେତା ଭାବେ ପରିଚିତ ଭୀମ ଚରଣ ମହାନ୍ତଙ୍କର ପୁତ୍ର ସନ୍ତୋଷ ମହାନ୍ତ ସମିତି ସଭ୍ୟପଦ ପାଇଁ ନିର୍ବାଚନ ମଇଦାନରେ ଅବତୀର୍ଣ୍ଣ ।
ଆଉ ଜଣେ ଅତି ମେଳାପୀ ଓ ମିଷ୍ଠ ଭାଷି ଭାବେ ପରିଚିତ ବଳରାମ ସାହୁଙ୍କ ପୁତ୍ର ସର୍ବେଶ୍ଵର ସାହୁ ପ୍ରତିଦ୍ଵନ୍ଦିତା କରୁଛନ୍ତିି। ସେହିପରି ଜଣେ ଅତି ସରଳ ସ୍ୱଭାବର ପରୋପକାରୀ ଭାବେ ଜଣାଶୁଣା ଯୁବକ ପିତାମ୍ବର ଦାସ ଙ୍କ ପୁତ୍ର ଶଶୀ କାନ୍ତ ଦାସ ମଧ୍ୟ ସମିତି ସଭ୍ୟପଦ ପାଇଁ ଅବତୀର୍ଣ୍ଣ ହୋଇଛନ୍ତି। ଏହି ଆସନ ପାଇଁ ମୂଖ୍ୟ ପ୍ରତିଦ୍ଵନ୍ଦୀ ଭାବେ ବିଜେପି ର ଜଣେ କର୍ମୀ ପ୍ରଫୁଲ୍ଲ ପାଣିଗ୍ରାହୀଙ୍କ ପୁତ୍ର ଚନ୍ଦ୍ରହାସ୍ୟ ପାଣିଗ୍ରାହୀ ନିର୍ବାଚନ ମଇଦାନରେ ଅବତୀର୍ଣ୍ଣ ହୋଇ ପ୍ରଚାର ଚଳାଇଥିବା ଜଣାଯାଇଛି। ସରପଞ୍ଚ ପାଇଁ ପ୍ରଚାର ସେତେ ସରଗରମ ନଥିଲେ ମଧ୍ୟ ବିଜେଡି ସମର୍ଥିତ ପ୍ରାର୍ଥୀନୀ ପ୍ରଚାରରେ ଆଗୁଆ ଥିବାର ଜଣାଯାଇଛି।
