ନୀଳଗିରି-୦୮/୦୨ : ନୀଳଗିରି ଉପଖଣ୍ଡର ଔପଦା ବ୍ଲକ ୨ନମ୍ବର ଜୋନ୍ରେ ଜିଲ୍ଲାପରିଷଦ ଭାବେ ଶାସକଦଳ ଓ ବିରୋଧି ଦଳ ମଧ୍ୟରେ କଡ଼ା ମୁକାବିଲା ହେଉଥିଲା ବେଳେ ଆଜିର ସ୍ଥିତିରେ ଫୁଲର ବାସ୍ନାରେ ଏବେ ଶଙ୍ଖ ସ୍ୱର ବେସୁରିଆ ହେବାକୁ ଲାଗିଛି । ସୂଚନା ଅନୁସାରେ ତ୍ରିସ୍ତରୀୟ ପଂଚାୟତ ନିର୍ବାଚନରେ ଦୁଇ ଇଟା ଭାଟି ମାଲିକଙ୍କ ପନôୀ ଜିଲ୍ଲା ପରିଷଦରେ ପ୍ରତିଦ୍ୱନ୍ଦିତା କରୁଥିବା ବେଳେ ବିଜୁ ଜନତା ଦଳ ପକ୍ଷରୁ ଶ୍ରଦ୍ଧାଂଜଳି ଜେନା ଲଢ଼ୁଥିବା ବେଳେ ବିଜେପି ପକ୍ଷରୁ ଉଷାରାଣୀ ରାଉଳ ପ୍ରତିଦ୍ୱନ୍ଦିତା କରୁଛନ୍ତି ।
ଗତ ପଂଚାୟତ ନିର୍ବାଚନରେ ଶ୍ରଦ୍ଧାଂଜଳି ଜେନାଙ୍କ ସ୍ୱାମୀ ଶୁଭେନ୍ଦୁ ଶେଖର ଜେନା ବିଜେଡି ଜିଲ୍ଲା ପରିଷଦ ଭାବେ ନିର୍ବାଚିତ ହୋଇଥିଲେ । ବିଗତ ୫ବର୍ଷ ମଧ୍ୟରେ ଉକ୍ତ ଜୋନରେ ସେପରି କୌଣସି ଆଖିଦୃଶିଆ କାର୍ଯ୍ୟ କରି ନ ଥିବା ବେଳେ ଅଂଚଳବାସୀଙ୍କ ଠାରୁ ଶୁଣିବାକୁ ମିଳୁଛି । ଗତ ୫ବର୍ଷ ମଧ୍ୟରେ ଶ୍ରୀ ଜେନା ଜିତିଲା ପରେ ଜୋନ୍ ବାସୀଙ୍କର ସୁଖଦୁଃଖରେ ନ ଥିବା ବେଳେ ଚଳିତ ନିର୍ବାଚନରେ ତାଙ୍କର ସ୍ତ୍ରୀ ଜିଲ୍ଲାପରିଷଦ ପ୍ରାର୍ଥା ଭାବେ ନିର୍ବାଚନ ରଣାଙ୍ଗନରେ ଛିଡ଼ା ହୋଇଥିବା ବେଳେ ଭୋଟରଙ୍କୁ କିଭଳି ଆକୃଷ୍ଟ କରିବେ ତାହା ଆଗାମୀ ସମୟ କହିବ ।
ତେବେ ନବୀନବାବୁଙ୍କର ଲୋକାଭିମୁଖୀ କାର୍ଯ୍ୟକୁ ପାଥେୟ କରି ଶ୍ରୀମତୀ ଜେନା ନିର୍ବାଚନୀ ବୈତରଣୀ ପାରିହେବାକୁ ଆପ୍ରାଣ ଚେଷ୍ଟା କରୁଛନ୍ତି । ଅନ୍ୟପଟେ ବିରୋଧି ବିଜେପି ଦଳର ଜିଲ୍ଲାପରିଷଦ ପ୍ରାର୍ଥୀନୀ ଉଷାରାଣୀ ରାଉଳ ଗତ ୫ବର୍ଷ ଧରି ଶ୍ୟାମସୁନ୍ଦରପୁର ପଂଚାୟତରେ ସରପଂଚ ଭାବେ ଜିତି ପଂଚାୟତବାସୀଙ୍କ ସୁଖଦୁଃଖର ସାଥୀ ହୋଇ ବହୁ ଉନ୍ନୟନ ମୂଳକ କାର୍ଯ୍ୟ କରିଥିଲେ । ଚଳିତ ନିର୍ବାଚନରେ ପଦ୍ମଫୁଲ ଚିହ୍ନରୁ ଲଢ଼ୁଥିବା ବେଳେ ନିଜର ମିଷ୍ଟଭାଷୀ , ସୌହାର୍ଦ୍ଦ୍ୟପୂର୍ଣ୍ଣ ବ୍ୟବହାର, ପରୋପକାରୀ ମନୋଭାବ ଭୋଟରଙ୍କୁ ମନ ଜିଣିପାରିଛି । ତେବେ ଆଜିର ଦିନରେ ଫୁଲର ପାଲା ଭାରି ରହିଥିଲା ବେଳେ ଶଙ୍ଖର ସ୍ୱର ବେସୁରା ହେବାକୁ ଲାଗିଛି ବୋଲି ଶୁଣିବାକୁ ମିଳୁଛି । ତେବେ ଏଇ ଦୁଇ ପ୍ରାର୍ଥୀନୀଙ୍କର ସ୍ୱାମୀମାନଙ୍କର ଇଟାଭାଟି ଥିବାବେଳେ ବେଆଇନ ଇଟାଭାଟିର ଅର୍ଥ କାହାକୁ ଜିତାଇବ ନିର୍ବାଚନ ଫଳାଫଳକୁ ଅନାଇ ବସିଛନ୍ତି ଜୋନ୍ବାସୀ ।
