ବାଲିପାଟଣା : ବାଲିପାଟଣା ବ୍ଲକ ଅଂଚଳରେ ମିଲରମାନଙ୍କ ସମସ୍ୟା ପାଇଁ ଅଧିକାଂଶ ମଣ୍ଡି ଏପର୍ଯ୍ୟନ୍ତ ଖୋଲି ପାରିନାହିଁ।ଖରିଫ ଧାନ ଅମଳ ହେବାର ମାସ ମାସ ପରେ ମଧ୍ୟ କାଟ ଛାଣ୍ଟକୁ ନେଇ ଚାଷୀ ଓ ମିଲର ବିବାଦ ଉଗ୍ର ରୂପ ଧାରଣ କରିଥିଲା।ଯାହାଫଳରେ ଚାଷୀ ରାସ୍ତା ଅବରୋଧ ଓ ମିଲରଙ୍କ କଯ୍ୟାଳୟ ଆଗରେ ଧାରଣା ଦେଇଥିଲେ।କିନ୍ତୁ କିଛି ମିଲର ଫାଇସଲାରେ ରାଜି ହୋଇ ନଥିଲେ।ତେଣୁ କମ ସଂଖ୍ୟକ ମିଲରଙ୍କୁ ନେଇ ଧାନ ଉଠାଇବା ସମ୍ଭବ ହୋଇପାରିନଥିଲା।ଯାହା ଫଳରେ ଅନେକ ମଣ୍ଡି ଖୋଲା ଯାଇପାରିନଥିଲା।ଜିଲ୍ଲାପାଳଙ୍କ ହସ୍ତକ୍ଷେପ ଯୋଗୁଁ ବାହାର ଜିଲ୍ଲାର ମିଲରଙ୍କୁ ଆମନ୍ତ୍ରଣ କରାଯାଇଥିଲା।ଏହି ପରିପ୍ରେକ୍ଷୀରେ ଆଜି ସୋମଣାସାଶନ ସମବାୟ ସମିତିରେ ପ୍ରଥମ ଧାନ ମଣ୍ଡି ଉଦଘାଟନ ହୋଇଅଛି।
ଉକ୍ତ ଧାନ ମଣ୍ଡିକୁ ଆଜି ପୂର୍ବାହ୍ନ ୧୧ ଘଟିକା ସମୟରେ ଚାଷୀ କମିଟିର ଅଧ୍ୟକ୍ଷ ଶୁଭେନ୍ଦୁ କୁମାର ଦାଶ ଆନୁଷ୍ଠାନିକ ଭାବେ ଉଦଘାଟନ କରିଥିଲେ।ଅନ୍ୟମାନଙ୍କ ମଧ୍ୟରେ ଚାଷୀ କମିଟିର ରାଜକିଶୋର ଘୋଷ, ସୋମନାଥ ଖଟେଇ, ଏମ ଡି ଜହୁରୀ, ଆର ସିଏମ ସଭ୍ୟ ସୁଦୀପ୍ତ ପ୍ରଧାନ, ସୁଦର୍ଶନ ପାତ୍ର, ଦୁଇ ସମିତି ସମ୍ପାଦକ
ଚିନ୍ମୟ ମହାନ୍ତି, ଓ ପ୍ରଭୁପ୍ରସାଦ ଜେନା ପ୍ରମୁଖ ଉପସ୍ଥିତ ଥିଲେ। ୮ ଜଣ ଚାଷୀଙ୍କ ଠାରୁ ୫୦୨ କ୍ୱିଣ୍ଟାଲ ଧାନ କିଣା ଯାଇଥିଲା।ମିଲର ସମସ୍ୟା ଦୂର କରିବା ପାଇଁ ବରଗଡ଼ ସିଧେଶ୍ୱର ରାଇସି ମିଲ କୁ ଧାନ କିଣା ପାଇଁ କ୍ଷମତା ପ୍ରଦାନ କରାଯାଇଛି।ଆଜି ସବୁ ଧାନ ସେ ଉଠାଇଥିଲେ।
