କାକଟପୁର ୩୧/୧,ପ୍ରେମିକାକୁ ଲାଇଭ ଭିଡିଓ ଦେଖାଇ କାକଟପୁର ର ଏକ ଡ୍ରେସ ଦୋକାନରେ କାର୍ଯ୍ୟ କରୁଥିବା ପ୍ରେମିକ ଜଣକ ଆତ୍ମହତ୍ୟା କରିଥିବା ଘଟଣା କାକଟପୁର ଅଞ୍ଚଳରେ ଚର୍ଚ୍ଚା ଜୋର ଧରିଛି. ଖବର ନେବାରେ ଜଣାପଡିଛି ପୁରୀ ଜିଲ୍ଲା କାକଟପୁର ମୁଖ୍ୟ ବଜାର ଠାରେ ଥିବା ଏକ ଡ୍ରେସ ଦୋକାନରେ କାମ କରୁଥିବା ପ୍ରେମିକ ଜଗତସିଂହପୁର ଜିଲ୍ଲା କେଣ୍ଡାଳ ଗ୍ରାମର ପ୍ରତ୍ୟେୟ ଜେନା. ସବୁ ଦିନ ଭଳି ଦୋକାନ ବନ୍ଦ କରି ଦୋକାନ ଉପର ରହୁଥିବା ନିଜ ରୁମକୁ ଚାଲିଯାଇଥିଲା l .କିନ୍ତୁ ବିଳମ୍ବିତ ରାତ୍ରିରେ ନିଜ ପ୍ରେମିକାକୁ ଭିଡିଓ କଲ କରି କଥା ହେଉଥିବା ସମୟରେ ହଠାତ ପ୍ରତ୍ୟେୟ ଫ୍ୟାନ ରେ ରଶି ଲଗାଇ ଆତ୍ମହତ୍ୟା କରିବାକୁ ନିଷ୍ପତି ନେଇଥିଲା. ଏହା ଦେଖିଲାପରେ ପ୍ରେମିକା ଜଣଙ୍କ ଭିଡିଓ କଲର ସ୍କ୍ରିନସଟ ନେଇ ପ୍ରତ୍ୟୟ ର ସାଙ୍ଗ ମାନଙ୍କୁ ପଠାଇ ତୁରନ୍ତ ପ୍ରତ୍ୟେୟକୁ ଉଦ୍ଧାର କରିବା ପାଇଁ ନିବେଦନ କରିଥିଲେ. ଆଜି ସକାଳେ ପ୍ରତ୍ୟେୟର ଘର ଲୋକ ଓ ଗ୍ରାମବାସୀ ମାନେ ପହଞ୍ଚି ନିକଟସ୍ଥ କାକଟପୁର ଥାନାରେ ଏକ ଲିଖିତ ଅଭିଯୋଗ କରିବା ସହ ପୁଅ ବଂଚିଥିବ ଆମେ ପୁଅକୁ ଦେଖିବୁ ବୋଲି ପୋଲିସ ପାଖରେ ନେହୁରା ହୋଇଥିବା ପ୍ରକାଶ କରିଛନ୍ତି l
ପୋଲିସ ଶୁଣି ନଥିଲା l ପରେ ସନ୍ଧ୍ୟା ପାଞ୍ଚଟା ରେ ଫୋରେନସିକ ଟିମ,ପୁରୀ ଆଡିସିନାଲ ଏସପି ପୂର୍ଣଚନ୍ଦ୍ର ପ୍ରଧାନ,ନିମାପଡା ଏସଡ଼ିପିଓ ଦେବାଶିଷ ମିଶ୍ର,ସ୍ଥାନୀୟ ତହସିଲଦାର ତଥା ମାଜିଷ୍ଟ୍ରେଟଙ୍କ ଉପସ୍ଥିତିରେ କବାଟ ଭଙ୍ଗାଯାଇ ଝୁଲନ୍ତା ଅବସ୍ଥାରେ ପ୍ରତ୍ୟେୟର ମୃତଦେହ ଉଦ୍ଧାର କରାଯାଇଥିଲା l ଶବ ବ୍ୟବଚ୍ଛେଦ ପାଇଁ ଚାରିଛକ ସ୍ୱାସ୍ଥ୍ୟକେନ୍ଦ୍ର କୁ ପଠାଇ ଏକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ ଚଳାଇଥିବା ପୁରୀ ଆଡିସିନାଲ ଏସପି ପୂର୍ଣଚନ୍ଦ୍ର ପ୍ରଧାନ କହିଛନ୍ତି.ଘାଟଣା ଘଟିବାର ଦଶ ଘଣ୍ଟା ବିତିଯାଇଥିଲେ ମଧ୍ୟ କାକଟପୁର ପୋଲିସ ପକ୍ଷରୁ ଜାଣିଶୁଣି ଅଯଥା ବିଳମ୍ବ କରାଯାଇଥିବା ନେଇ ପ୍ରତ୍ୟେୟଙ୍କ ପରିବାର ଅଭିଯୋଗ କରୁଥିବାବେଳେ ସ୍ଥାନୀୟ ଜନସାଧାରଣ ବୃଦ୍ଧିଜୀବୀ, ନାଗରିକମଞ୍ଚ,ସୁରକ୍ଷା ମଞ୍ଚ, ବିଶ୍ଵହିନ୍ଦୁ ପରିଷଦ, ଦୁର୍ନୀତି ସଂଘର୍ଷ ମଞ୍ଚ ପୋଲିସର କାର୍ଯ୍ୟକୁ ନାପସନ୍ଦ କରିଛନ୍ତି l ପ୍ରତ୍ୟୟ ବାପା ମା ର ଏକ ମାତ୍ର ପୁତ୍ର ତଥା ରୋଜଗାରକ୍ଷମ ହୋଇଥିବା ବେଳେ ଏଠାରୁ ଯାହା ଦରମା ପାଏ ସେଥିରେ ବାପା ମା ଓ ଛୋଟ ଭଉଣୀ ର ଗୁଜୁରାଣ ମେଣ୍ଟଉ ଥିଲା l ପୁଅକୁ ହରାଇ ବାପା ପବିତ୍ର କାନ୍ଦି କାନ୍ଦି ଘଟଣା ସ୍ଥଳରେ ଏକ ଶୋକାକୁଳ ପରିବେଶ ସୃଷ୍ଟି କରିଥିଲେ l
