ବୁଗୁଡ଼ା : ତା୨୯/୦୧/୨୨ : ଆଗାମୀ ତ୍ରିସ୍ତରୀୟ ପଞ୍ଚାୟତ ନିର୍ବାଚନକୁ ଦୃଷ୍ଟିରେ ରଖି ଗ୍ରାମାଞ୍ଚଳରେ ଆଇନ ଶୃଙ୍ଖଳା ରକ୍ଷା କରିବା ସକାଶେ ଆଜି ବୁଗୁଡ଼ା ପୋଲିସ ପକ୍ଷରୁ ବିଭିନ୍ନ ଗ୍ରାମରେ ଫ୍ଲାଗ୍ ମାର୍ଚ୍ଚ ଦ୍ବାରା ଲୋକଙ୍କୁ ସଚେତନ କରାଯାଇଛି । ବୁଗୁଡା ଥାନା ଆଇଆଇସି ଚିତ୍ତ ରଞ୍ଜନ ବେହେରାଙ୍କ ନେତୃତ୍ବରେ ପୋଲିସ ବାହିନୀ ଆଜି ବୁଗୁଡ଼ା ବ୍ଲକ ଅନ୍ତର୍ଗତ କରସିଙ୍ଗି , କରଚୁଲି , ଉଦୟପୁର , ମତାଝରି , ତାକରଡା , ବି.କରଡ଼ାବାଡ଼ି ଓ ବିରଞ୍ଚିପୁର ଆଦି ସମ୍ଭାବ୍ୟ ଉତ୍ତେଜନା ପ୍ରବଣ ଗ୍ରାମ ଗୁଡିକରେ ଫ୍ଲାଗ୍ ମାର୍ଚ୍ଚ କରିଥିଲେ । ଉକ୍ତ ଫ୍ଲାଗ୍ ମାର୍ଚ୍ଚରେ ଏସ୍ଆଇ ସମୀର କୁମାର ସେଠୀ, ସ୍ନେହ ମଞ୍ଜରୀ ସାହୁ, ଏଏସଆଇ ଅମୀୟ କୁମାର ପାଢୀ ଓ ରାଜ କୁମାର ମହାପାତ୍ରଙ୍କ ସମେତ ସଶସ୍ତ୍ର ପୋଲିସ ବାହିନୀ ସାମିଲ୍ ଥିଲେ । ଆଗାମୀ ଦିନରେ ମଧ୍ୟ ଅଞ୍ଚଳରେ ଶାନ୍ତି ଶୃଙ୍ଖଳା ବଜାୟ ରଖୁବା ପାଇଁ ପର୍ଯ୍ୟାୟ କ୍ରମେ ଅନ୍ୟାନ୍ୟ ଗ୍ରାମ ଗୁଡିକରେ ପୋଲିସର ଫ୍ଲାଗ୍ ମାର୍ଚ୍ଚ ହେବ ବୋଲି ପୋଲିସ ସୂତ୍ରରୁ ପ୍ରକାଶ ପାଇଛି ।
