ପୋଲସରା: (ରଞ୍ଜୟ ପାଣିଗ୍ରାହୀ ଗଞ୍ଜାମ ଜିଲ୍ଲା ପୋଲସରା ବ୍ଳକ ଅନ୍ତର୍ଗତ ସାନ ବରଗାଁ ଗ୍ରାମ ସ୍ଥିତ କପିଳେଶ୍ୱର ଶୈବପୀଠରେ ଗୁରୁବାର ଦିନ ଦିବ୍ୟାଙ୍ଗ ସହାୟକ ସମିତି ପକ୍ଷରୁ ସଞ୍ଜୟ କୁମାର ଗୌଡ଼ ଙ୍କ ନେତୃତ୍ୱରେ ଜନସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଉକ୍ତ କାର୍ଯ୍ୟକ୍ରମରେ ପୋଲସରା ବିଧାୟକ ଶ୍ରୀକାନ୍ତ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ପୋଲସରା ବିଡ଼ିଓ ସୁରଞ୍ଜନ କୁମାର ସାହୁ ସମ୍ମାନିତ ଅତିଥି ଭାବେ ଯୋଗଦେଇ ଦିବ୍ୟାଙ୍ଗ ମାନଙ୍କ ଲାଗି ରହିଥିବା ସୁବିଧା ସୁଯୋଗ ଉପରେ ଆଲୋକପାତ କରି ଶିକ୍ଷା କ୍ଷେତ୍ରରେ ବକ୍ତବ୍ୟ ରଖି ବିଗତ ଦିନରେ ଭାରତୀୟ ପ୍ରଶାସନିକ ସେବା କ୍ଷେତ୍ରରେ ସୁଯୋଗ ମିଳୁ ନଥିଲା ବର୍ତ୍ତମାନ ଏହି ଭାରତୀୟ ପ୍ରଶାସନିକ ସେବା କ୍ଷେତ୍ରରେ ସୁଯୋଗ ରହିଛି।ତେଣୁ ଦିବ୍ୟାଙ୍ଗ ଭାଇ ଓ ଭଉଣୀ ଙ୍କୁ ମୋର ନିବେଦନ ସମସ୍ତେ ପାଠ ପଢି ଆଗକୁ ବଢ଼ନ୍ତୁ ବୋଲି ବିଡ଼ିଓ କହିଥିଲେ।ରାଜ୍ୟ ସରକାର ଦିବ୍ୟାଙ୍ଗ ମାନଙ୍କ ଲାଗି ବହୁ ଯୋଜନା କାର୍ଯ୍ୟକାରୀ କରିଛନ୍ତି ଶିକ୍ଷା ବ୍ୟବସ୍ଥା ରେ ଉର୍ଣ୍ଣତୀ ଆଣି ବାଣୀଶ୍ରୀ ଛାତ୍ର ବୃତ୍ତି ଯୋଜନାରେ ପ୍ରଥମମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ବାର୍ଷିକ ୨୦୦୦ ଟଙ୍କା ଏବଂ ଷଷ୍ଠ ଶ୍ରେଣୀ ଠାରୁ ଦଶମ ଶ୍ରେଣୀ ପର୍ଯ୍ୟନ୍ତ ୨୫୦୦ ଟଙ୍କା ପ୍ରଦାନ କରୁଛନ୍ତି।ସରକାର ଙ୍କ ଭିନ୍ନକ୍ଷମ ସହାୟତା, ବାହାଘର ସହାୟତା ପ୍ରଦାନ କରି ଆସୁଛନ୍ତି।ଦିବ୍ୟାଙ୍ଗ ମାନଙ୍କ ଲାଗି କର୍ପସ ଫଣ୍ଡ ଗଠନ କରି ସମସ୍ତଙ୍କୁ ସହାୟତା ଯୋଗାଇଦେବାର ବ୍ୟବସ୍ଥା କରାଯିବ ବୋଲି ବିଧାୟକ ଶ୍ରୀକାନ୍ତ ସାହୁ ନିଜ ବକ୍ତବ୍ୟ ରେ କହିଥିଲେ। ଏହି ଅବସରରେ ୧୦ଜଣ ଦିବ୍ୟାଙ୍ଗ ଙ୍କୁ ଟ୍ରଫି ସହ ମାନପତ୍ର, ଓ ବହୁ ଭିନ୍ନକ୍ଷମ ଓ ଦିବ୍ୟାଙ୍ଗଙ୍କୁ ଶୀତ ବସ୍ତ୍ର ପ୍ରଦାନ କରଯାଇଥିଲା।ଉକ୍ତ କାର୍ଯ୍ୟକ୍ରମରେ ବିଧାୟକ ସମେତ ଜକର ଗ୍ରାମସେବକ ଗୌରଙ୍ଗ ଦଳେଇ, ଓ ଶିବରାମ ଗୌଡ଼ , ଅଭୟ ସାହୁ, ରମେଶ ଗୌଡ଼, କବିରାଜ ସାହୁ,ପ୍ରମୁଖ ବହୁ ବୁଦ୍ଧିଜୀବୀ ଉପସ୍ଥିତ ଥିଲେ।
