ବାସ୍ତୁ ଟିପ୍ସ : ଦୀପ ଜଳାଇବା ସମୟରେ କରନ୍ତୁ ନାହିଁ ଏପରି ଭୁଲ,ହୋଇପାରେ ଅତ୍ୟନ୍ତ କ୍ଷତି

ଆମ ହିନ୍ଦୁ ପରମ୍ପରା ଅନୁସାରେ ପ୍ରାୟ ସବୁଦିନ ସକାଳ ଓ ସଂଧ୍ୟାର ପୂଜା ସମୟରେ ଦୀପ ଜଳାଇବା ଗୋଟିଏ ପରମ୍ପରା ରହି ଆସିଛି l ମାନ୍ୟତା ରହିଛି ଯେ ଯଦି ଘରେ ଦୀପ ପ୍ରଜ୍ବଳନ କରାଯାଇ ଥାଏ ତେବେ ସମସ୍ତ ନକାରାତ୍ମକ ଶକ୍ତି ହ୍ରାସ ହୋଇଥାଏ l ତା ସହିତ ଈଶ୍ୱରଙ୍କ କୃପା ମଧ୍ୟ ଲାଭ କରାଯାଇ ଥାଏ l ଏହି କାର୍ଯ୍ୟଟି ପ୍ରାୟ ସମସ୍ତ ହିନ୍ଦୁ ପରିବାରରେ ଗ୍ରହଣ କରି ଥାଆନ୍ତି l କିନ୍ତୁ ଦୀପ ଜଳାଇବାର ମଧ୍ୟ କିଛିଟା ନୀତି ନିୟମ ରହିଛି l

* ଦୀପ ଦାନ ସମୟରେ ସର୍ବଦା ନାରୀମାନେ ନିଜ ମସ୍ତକ ଉପରେ ଶାଢ଼ୀ କାନି କିମ୍ବା ଓଢଣୀ ଦେବା ଆବଶ୍ୟକ l ଏହାଦ୍ୱାରା ଲକ୍ଷ୍ମୀଙ୍କ ଆଶୀର୍ବାଦ ପ୍ରାପ୍ତ ହୋଇଥାଏ l ଏଥିପ୍ରତି ବିଶେଷ ଧ୍ୟାନ ଦେବା ଉଚିତ l ପୁରୁଷ ମାନେ ଦୀପ ଦାନ ସମୟରେ ନିଜ କାନ୍ଧ ରେ ଗାମୁଛା ନଚେତ ମୁଣ୍ଡରେ ରୁମାଲ ପକାଇବା ନିହାତି ଜରୁରୀ ଅଟେ l

* ଦୀପ କୁ କେବେବି ସିଧା ସଳଖ ତଳେ ରଖିବା ଉଚିତ ନୁହେଁ l ସବୁବେଳେ ଦୀପ ତଳେ କିଛି ଚାଉଳ ରଖିବା ଆବଶ୍ୟକ l  ନଚେତ ଏହାଦ୍ୱାରା ଶ୍ରୀ ହାନି ହୋଇଥାଏ ଓ ଅପଯଶ ବୃଦ୍ଧି ପାଇଥାଏ l

* ଦୀପ ଜଳାଇବା ଦ୍ୱାରା ସୁଖ ସମୃଦ୍ଧି ବୃଦ୍ଧି ହୋଇଥାଏ l ନକାରାତ୍ମକ ଶକ୍ତି ହ୍ରାସ ହୋଇଥାଏ l ଘରର ପବିତ୍ରତା ଦୀର୍ଘ ସ୍ଥାୟୀ ହୋଇଥାଏ l

* ସବୁବେଳେ ଘରର ସମ୍ମୁଖ ଦ୍ୱାର ଓ ପଛପଟ ଦ୍ୱାରରେ ଦୀପ ଜଳାଇ ରଖିବା ନିହାତି ଆବଶ୍ୟକ l କାରଣ ଏହାଦ୍ୱାରା ପୂର୍ବ ପୁରୁଷଙ୍କ ଆତ୍ମାକୁ ଶାନ୍ତି ମିଳିଥାଏ ଓ ନିଜର ପରିବାର ଉପରୁ ଅଶୁଭ ଶକ୍ତି ଦୂର ହୋଇଥାଏ l

* ଦକ୍ଷିଣ ଦିଗକୁ କେବେବି ମୁହଁ କରି ଦୀପ ଦେବା ଉଚିତ ନୁହେଁ l ତେଣୁ ସବୁବେଳେ ଦୀପ ର ମୁହଁ ସାମାନ୍ୟ କଣେଇକି ରଖିବା ଆବଶ୍ୟକ l ଦୀପ କେବେବି ଗର୍ଭକୁ ଜାଳିବା ଉଚିତ ନୁହେଁ l ସେଥିପ୍ରତି ବିଶେଷ ଭାବରେ ଧ୍ୟାନ ଦେବା ଆବଶ୍ୟକ l

* ଘରର ଯେଉଁଠି ମଧ୍ୟ ଦୀପ ଦିଅନ୍ତୁ ସର୍ବ ପ୍ରଥମେ ପୂଜା ଘର ଭିତରୁ ଆରମ୍ଭ କରିବା ଆବଶ୍ୟକ l ସର୍ବ ପ୍ରଥମେ ଭଗବାନ ଙ୍କୁ ଦୀପ ଦାନ କରି ଅନ୍ୟ ସ୍ଥାନରେ ଦୀପ ଜଳାଇବା ଉଚିତ l