ସାଧାରଣ ଲୋକଙ୍କ ସମସ୍ୟା ପ୍ରତି ଗୁରୁତ୍ବ ଦେବାକୁ ପ୍ରଶାସନିକ ଅଧିକାରୀ ଙ୍କୁ ସାଂସଦ ପିନାକୀ ମିଶ୍ରଙ୍କ ପରାମର୍ଶ

ଗୋପ : ଗ୍ରାମାଞ୍ଚଳ ରେ ବସବାସ କରୁଥିବା ସାଧାରଣ ଲୋକଙ୍କ ସମସ୍ୟା ସବୁ ସମୟରେ ରହିଛି ।୨୦୦୧ ମସିହା ଠାରୁ ଏ ପର୍ଯ୍ୟନ୍ତ ରାଜ୍ୟ ସରକାର ସବୁ ବେଳେ ଗ୍ରାମାଞ୍ଚଳ ର ବିକାଶ ପ୍ରତି ଗୁରୁତ୍ବ ଦେଇ ଆସିଛି ।  ଏହି ସବୁ ବିକାଶ ର କାର୍ଯ୍ୟ କୁ ବିଭିନ୍ନ ବିଭାଗ ର ଅଧିକାରୀ ମାନେ ଦେଖୁଛନ୍ତି । ତେଣୁ ସାଧାରଣ ଲୋକ ମାନଙ୍କ ସମସ୍ୟା ଆସିଲେ ପ୍ରଶାସନିକ ଅଧିକାରୀ ମାନେ ତୁରନ୍ତ ଏହାର ସମସ୍ୟା ସମାଧାନ କରନ୍ତୁ ବୋଲି ମଙ୍ଗଳବାର ବରିଷ୍ଠ ବିଜେଡି ନେତା ତଥା ପୁରୀ ସାଂସଦ ପିନାକୀ ମିଶ୍ର ଗୋପ ବ୍ଲକ ସଭାଗୃହ ଆୟୋଜିତ ସମୀକ୍ଷା ବୈଠକ ଉପସ୍ଥିତ ପ୍ରଶାସନିକ ଅଧିକାରୀ ମାନଙ୍କୁ ଏହା କହିଥିଲେ ।

ଗୋପ ବ୍ଲକ ଅଧ୍ୟକ୍ଷ ପ୍ରକାଶ ଚନ୍ଦ୍ର ପରିଡା ଙ୍କ ସଭାପତିତ୍ବରେ ଆୟୋଜିତ ଏହି କାର୍ଯ୍ୟକ୍ରମରେ କ୍ରିଡ଼ା ଓ ଯୁବ ବ୍ୟାପାର ମନ୍ତ୍ରୀ ତୁଷାରକାନ୍ତି ବେହେରା, ପୂର୍ବତନ ଜିଲ୍ଲାପରିଷଦ ଅଧ୍ୟକ୍ଷ ଦିବାକର ପାତ୍ର, ସାଂସଦ ଙ୍କ ପ୍ରତିନିଧି ବାଲୁଙ୍କେଶ୍ୱର ସାହୁ, ଜଗସିଂହପୁର ସାଂସଦ ଙ୍କ ପ୍ରତିନିଧି ସୁକାନ୍ତ କୁମାର ମହାନ୍ତି, ବ୍ଲକ ଉପାଧ୍ୟକ୍ଷା ଯୋସ୍ନାରାଣୀ ମହାନ୍ତି, ଜିଲ୍ଲା ପରିଷଦ ସଭ୍ୟା ସରୋଜିନୀ ନାୟକ, ଜ୍ୟୋତି ରଞ୍ଜନ ନାୟକ, ବିଡ଼ିଓ ଦୀପ୍ତି ରାଣୀ ଦାସ, ଅତିରିକ୍ତ ତହସିଲଦାର ଶରତ କୁମାର ପରିଡ଼ା ଉପସ୍ଥିତ ଥିଲେ ।

ପୁରୀ ସାଂସଦ ପିନାକୀ ମିଶ୍ର ଗୋପ ବ୍ଲକ ରେ ପହଞ୍ଚିବା ପରେ ପ୍ରଥମ କରି ବ୍ଲକ କୁ ସାଂସଦ ଆସିଥିବାରୁ ତାଙ୍କୁ ବିଭିନ୍ନ ସଂଗଠନ ପକ୍ଷରୁ ସ୍ବାଗତ କରାଯିବା ସହିତ ପୁଷ୍ପଗୁଚ୍ଛ ଦିଆଯାଇଥିଲା । ପୁରୀ ଲୋକସଭା ଅଧିନ ରେ ଥିବା ଗୋପ ବ୍ଲକ ର ଛଇତନା,ଇତିଭୁଆ, ଗଡଭିଙ୍ଗୁରା ପଞ୍ଚାୟତ କୁ ୨୦୧୪ ରୁ ଏ ପର୍ଯ୍ୟନ୍ତ ସମସ୍ତ ସାଂସଦ ଙ୍କ ହାତପାଣ୍ଠି ହୋଇ ଥିବା କାର୍ଯ୍ୟ ଠିକ୍ ଭାବରେ କରା ଯାଇଥିବା ସହ ସାଧାରଣ ଲୋକ ମାନେ ଏହାର ସୁଫଳ ପାଇଥିବାରୁ ସାଂସଦ ଖୁସିବ୍ୟକ୍ତ କରିଥିଲେ । ତା ପରେ ସାଂସଦ ଗୋପ ବ୍ଲକ ର ବିଭିନ୍ନ କାର୍ଯ୍ୟ ଉପରେ ମଧ୍ୟ ଆଲୋଚନା କରିଥିଲେ ।ଫନି ବାତ୍ୟା ପରେ ଏ ପର୍ଯ୍ୟନ୍ତ କେତେକ ଗରିବ ଲୋକ ଫନି କ୍ଷତିପୂରଣ ଦେବା ପାଇଁ ତହସିଲଦାର ଙ୍କୁ ନିର୍ଦ୍ଦେଶ ଦେଇଥିଲେ ।ପରେ ସାଂସଦ ଏରବଙ୍ଗ ନୋଡାଲ ଉଚ୍ଚ ବିଦ୍ୟାଳୟ ରେ ପହଞ୍ଚି କେତେକ ଉନ୍ନୟନମୂଳକ କାର୍ଯ୍ୟ ଦେଖିଥିଲେ ।

ଅବସରରେ ଗୋପ ବ୍ଲକ ସଭାଗୃହରେ ଆୟୋଜିତ ସଭାରେ ସରକାରୀ ଯୋଜନା ସମ୍ପର୍କରେ ବିଭିନ ତଥ୍ୟରଖିଥିବା ବେଳେ ୫ଟି ଆଧାରରେ କାର୍ଯ୍ୟ କରିବାକୁ ପ୍ରଶାସନିକ ଅଧିକାରୀ ଓ ସରକାରୀ କର୍ମଚାରୀ ମାନଙ୍କୁ ପରାମର୍ଶ ଦେଇଥିଲେ ।ଯେପରି କୌଣସି ଯୋଗ୍ୟ ହିତାଧିକାରୀ ସରକାରୀ ଯୋଜନାରୁ ବାଡ଼ ନପଡନ୍ତି ସେଥିପ୍ରତି ଯତ୍ନବାନ ହେବାକୁ ପରାମର୍ଶ ଦେବା ସହ ସାଧାରଣ ଲୋକଙ୍କ ପ୍ରତି ସହନଶୀଳତା ହେବା ପାଇଁ ମଧ୍ୟ କହିଥିଲେ । ଏହି ଅବସରରେ ପ୍ରେସକ୍ଲବ ଗୋପ ପକ୍ଷରୁ ସାଂସାଦ ଶ୍ରୀ ମିଶ୍ରଙ୍କୁ ସମ୍ବର୍ଦ୍ଧିତ କରାଯାଇଥିଲା ।ମନ୍ତ୍ରୀ ତୁଷାର କାନ୍ତି ବେହେରା କାର୍ଯ୍ୟକ୍ରମରେ ଯୋଗ ଦେଇ କୈାଣସି ଜରୁରୀ କାର୍ଯ୍ୟକ୍ରମ ଥିବାରୁ ବୈଠକ ରୁ ଯାଇଥିଲେ । ଏହି ସମୀକ୍ଷା କାର୍ଯ୍ୟକ୍ରମରେ ସମିତି ସଭ୍ୟ କାଶୀନାଥ ନାୟକ,ସରପଞ୍ଚ ଶୁଭଶ୍ରୀ ନାୟକ,ଶୁଭଶ୍ରୀ ଦାସ,ସମିତିସଭ୍ୟ ସୁମନ୍ତ ବେହେରା,ଅମ୍ଳାନ ପାଣି ,ଙ୍କ ସମେତ ୧୦ରୁ ଉର୍ଦ୍ଧ୍ଵ ସରପଞ୍ଚ ସମିତିସଭ୍ୟ ଓ ବରିଷ୍ଠ କର୍ମୀମାନେ ଉପସ୍ଥିତ ଥିଲେ ।