ତିହିଡ଼ି,୩୦ା୦୮: ତିହିଡି ବ୍ଲକ ଅନ୍ତର୍ଗତ ତିହିଡି ମିର୍ଜାପୁର ଗାଁର ସମାଜସେବିକା ଅମ୍ବିକା ନାୟକଙ୍କ ୨୯ ତାରିଖ ଅପରାହ୍ଣ ପ୍ରାୟ ୪ଟା ବେଳେ ପରଲୋକ ହୋଇଯାଇଛି । ମୃତୁ୍ୟ ବେଳକୁ ତାଙ୍କୁ ୮୫ ବର୍ଷ ବୟସ ହୋଇଥିଲା । ଗତ କିଛି ମାସ ହେଲା ସେ ବାର୍ଦ୍ଧକ୍ୟ ଜନିତ ରୋଗରେ ପୀଡିତା ଥିଲେ । ଭାଟପଡା ପଞ୍ଚାୟତର ପ୍ରାକ୍ତନ ସରପଞ୍ଚ ତଥା ବରିଷ୍ଠ ନାଟ୍ୟକାର ସ୍ୱର୍ଗତ ଜଗବନ୍ଧୁ ନାୟକଙ୍କ ଧର୍ମପତ୍ନୀ ଅମ୍ବିକା ଦେବୀ ଜଣେ ଧର୍ମ ପରାୟଣା ଓ ପରୋପକାରୀ ମହିଳା ଭାବେ ବେଶ ଜଣାଶୁଣା ଥିଲେ । ବ୍ୟକ୍ତିଗତ ଜୀବନରେ ସେ ଜଣେ ସରଳ, ନିଷ୍କପଟ ଓ ଶ୍ରଦ୍ଧାଶୀଳା ମଣିଷ ଥିଲେ । ତାଙ୍କ ଚାଲିଚଳନ, କଥାବାର୍ତ୍ତା ଓ ଆଚାର ବ୍ୟବହାର ବେଶ ରୁଚିଶୀଳ ଓ ପରିମାର୍ଜିତ ଥିଲା । ତାଙ୍କ ଅନ୍ତିମ ସଂସ୍କାରରେ ୪ପୁଅ ଅଶୋକ କୁମାର ନାୟକ, ରମେଶ ଚନ୍ଦ୍ର ନାୟକ, ପାର୍ଥସାରଥୀ ନାୟକ ଓ ସିଦ୍ଧାର୍ଥ ଶଙ୍କର ନାୟକଙ୍କ ସମେତ ଝିଅ, ଜ୍ୱାଇଁ ଓ ନାତିନାତୁଣୀ ମାନେ ଉପସ୍ଥିତ ଥିଲେ । ବଡ ପୁଅ ଅଶୋକ ମୁଖାଗ୍ନି ଦେଇଥିଲେ । ତାଙ୍କ ମୃତୁ୍ୟରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
Comments are closed.