ନୂଆପଡା-୮/୮ ସକାଳ ଖବର ( ସୁରେନ୍ଦ୍ର ପ୍ରସାଦ ତିୱାରି) : ଭିଜିଲାନ୍ସ ହାତରେ ଧରା ପଡିଲେ ନୂଆପଡା ମୁଖ୍ୟ ପ୍ରାଣୀ ଚିକିତ୍ସାଧିକାରୀ ତ୍ରିଲୋଚନ ଧଳ । ଆଜି ରାତ୍ରି ପ୍ରାୟ ଦୁଇଟା ବେଳେ ନୂଆପଡାରୁ ନିଜ ସରକାରୀ ଗାଡିରେ ନିଜ ଗାଁ କଟକର ନରାଜ ଯାଉ ଥିବା ବେଳେ ନୂଆପଡା ତାରିଣୀ ମନ୍ଦିର ପାଖରେ ଭିଜିଲାନ୍ସ ଚଢାଉ କରି ଥିଲା ।
ତାଙ୍କ ସରକାରୀ ଗାଡିରୁ ୨ ଲକ୍ଷ ୭୭ ହଜାର ଟଙ୍କା ଜବତ କରା ଯାଇ ଥିଲା । ଏକ ବ୍ୟାଗରେ ଥିବା ୨ ଲକ୍ଷ ୭୭ ହଜାର ଟଙ୍କାର ହିସାବ ଦେଇ ପାରି ନ ଥିଲେ । ପରେ ତାଙ୍କ ସରକାରୀ ବାସଭଵନ, ସରକାରୀ କାର୍ଯ୍ୟାଳୟ ସହ ନରାଜ କଟକର ପୈତୢକ ଘରେ ଭିଜିଲାନ୍ସ ଚଢାଉ କରୁଛି । ଭିଜିଲାନସ୍ ଡିଏସପି ସତ୍ୟବାନ ମହାନନ୍ଦଙ୍କ ନେତୢତ୍ବରେ ନୂଆପଡା ଓ ଭଵାନୀପାଟଣା ଭିଜିଲାନ୍ସ ଟିମ୍ ଚଢାଉ କରୁଛି । ଖବର ଲେଖା ହେବା ଯାଏଁ ସବିଶେଷ ତଥ୍ୟ ମିଳିପାରି ନାହିଁ।
Comments are closed.