ଆଜି ପାରାଦୀପ ଅଠରବାଙ୍କୀ ପୋର୍ଟ କଲୋନିରୁ ୨୬.୭୦ ଗ୍ରାମ୍ ବ୍ରାଉନସୁଗାର ଜବତ ହୋଇଛି । ଜବତ ବ୍ରାଉନସୁଗାରର ମୂଲ୍ୟ ୨ ଲକ୍ଷ ୭୦ ହଜାର ଟଙ୍କା ହେବ । ଏହାସହ ବ୍ରାଉନସୁଗାର ବିକ୍ରି କରୁଥିବା ସମରେନ୍ଦ୍ର ବରାଳ ଓରଫ ମିଟୁକୁ ଅବକାରୀ ଥାନା ପୁଲିସ ଗିରଫ କରିଛି ।
ଏକ ବିଶ୍ୱସ୍ତ ସୂତ୍ରରୁ ଖବର ପାଇ ଅବକାରୀ ଥାନା ଇନ୍ସପେକ୍ଟର ପ୍ରତାପ କୁମାର ଦାସଙ୍କ ନେତୃତ୍ୱରେ ଏକ ଟିମ୍ ଚଢ଼ଉ କରି ମିଟୁକୁ ଗିରଫ କରିବା ସହ ବ୍ରାଉନସୁଗାର ଜବତ କରିଥିଲା । ଏତେ ପରିମାଣରେ ବ୍ରାଉନସୁଗାର ଜବତ ହୋଇଥିବାରୁ ମିଟୁ ଜଣେ କୁଖ୍ୟାତ ବ୍ରାଉନସୁଗାର ବେପାରୀ ବୋଲି ଅନୁମାନ କରାଯାଉଛି । ବହୁ ଦିନ ହେଲା ସେ ପୁଲିସ ଆଖିରେ ଧୁଳି ଦେଇ ଏହି ବେପାର କରୁଥିଲା ।
