ବାଲିପାଟଣା : ଆଜି ପୂର୍ବାହ୍ନରେ ବାଲିପାଟଣା ହାଇ ସ୍କୁଲ ଖେଳ ପଡିଆ ରେ ରାଜ୍ୟ ସରକାର ଙ୍କ ଦ୍ଵାରା ପ୍ରବର୍ତ୍ତିତ ମୋ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମର ଶୁଭାରମ୍ଭ ହୋଇଛି।ଭିଡିଓ କନଫରେନ୍ସ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଶୁଭାରମ୍ଭ କରି ଆଗାମୀ ଦିନରେ ଏକ ବିକଶିତ ଓଡ଼ିଶା ଗଠନ ପାଇଁ ସମସ୍ତଙ୍କ ସହଯୋଗ କାମନା କରିଥିଲେ।ମଞ୍ଜୁର ଅର୍ଥକୁ ସୁବିନିଯୋଗ କରି ତଥ୍ୟ ପ୍ରଦାନ କଲେ ଆହୁରି ଅଧିକ ଆବଶ୍ୟକ ଅର୍ଥ ପ୍ରଦାନ କରାଯିବ ବୋଲି କାର୍ଯ୍ୟକ୍ରମ କୁ ସଂଯୋଜନା କରୁଥିବା ଫାଇବ ଟି ଓ ଆମ ଓଡ଼ିଶା ନବୀନ ଓଡ଼ିଆ ର ଅଧକ୍ଷ ଭି କାର୍ତ୍ତିକେୟନ ପାଣ୍ଡିୟାନ ପ୍ରତିଶ୍ରୁତି ଦେଇଥିଲେ।କାର୍ଯ୍ୟକ୍ରମ ରେ ବାଲିପାଟଣା ବ୍ଲକ ଚେୟାରମେନ ହରପ୍ରିୟା ଦାସ ଅଭିଭାଷଣ ରଖିଥିଲେ।ଅନ୍ୟମାନଙ୍କ ମଧ୍ୟରେ ବିଡ଼ିଓ ସ୍ମୃତିପ୍ରଜ୍ଞା ପ୍ରିୟଦର୍ଶିନୀ,ଅତିରିକ୍ତ ତହସିଲଦାର ମିଲନ ଜୟସ୍ୱାଲ, ବ୍ଲକ ର ସମସ୍ତ କର୍ମଚାରୀ,ସରପଞ୍ଚ,ସମିତି ସଭ୍ୟ, ହଜାର ହଜାର ସଂଖ୍ୟାରେ ମହିଳା ସଂଗଠନ ର ସଭ୍ୟା ଯୋଗଦେଇଥିଲେ।
