କରୋନା ଭାଇରସ୍‌: ସଚେତନତା ବାର୍ତ୍ତା ବିଶିଷ୍ଟ ନୃତ୍ୟ ଭିଡିଓ ଭାଇରାଲ୍‌, ପ୍ରଶଂସା କଲା ୟୁନିସେଫ୍‌

ନୂଆଦିଲ୍ଲୀ: ମାରାତ୍ମକ କରୋନା ଭାଇରସ୍‌ ଥମିବାର ନାଁ ଧରୁନି। ଦିନକୁ ଦିନ କାୟା ବିସ୍ତାର କରିବାରେ ଲାଗିିଛି ଏହି ମହାମାରୀ ଭାଇରସ୍‌। ଏବେ ସୁଦ୍ଧା ଭାରତରେ ସମୁଦାୟ ୨୮ ଜଣ କରୋନା ଆକ୍ରାନ୍ତଙ୍କୁ ଚହ୍ନଟ କରାଯାଇଛି। ଗତ ଦୁଇ ଦିନ ଭିତରେ କେବଳ ଭାରତରେ ୧୯ ଜଣଙ୍କ ଭିତରେ କରୋନା ଭାଇରସ୍‌ ଚିହ୍ନଟ କରାଯାଇଛି। ସେମାନଙ୍କ ମଧ୍ୟରୁ ୯ ଜଣ ଭାରତୀୟ ହୋଇଥିବା ବେଳେ ଆଉ ବାକି ସବୁ ଇଟାଲିର ନାଗରିକ ବୋଲି ଜାଣିବାକୁ ମିଳିଛି।

ପୂରା ବିଶ୍ବରେ ସ୍ବାସ୍ଥ୍ୟ ବିଭାଗ ପକ୍ଷରୁ ସଚେତନତା ବାର୍ତ୍ତା ଜାରି କରାଯାଉଛି। କରୋନା ଭାଇରସ୍‌ରୁ ନିଜକୁ ବଞ୍ଚାଇବା ପାଇଁ ବିଭିନ୍ନ ପ୍ରକାରର ସଚେତନତା ବି ଅବଲମ୍ବନ କରୁଛନ୍ତି ଲୋକେ। ତେବେ, ଏ ନେଇ ଦୁଇ ଜଣ ପିଲା ନୃତ୍ୟ ପ୍ରଦର୍ଶନ କରି ସଚେତନତା ବାର୍ତ୍ତା ପ୍ରଦାନ କରୁଥିବାର ଏକ ଭିିଡିଓ ଦେଖିବାକୁ ମିଳିଛି। ୟୁନିସେଫ୍‌ ଏହି ନୃତ୍ୟ ଭିଡିଓକୁ ପସନ୍ଦ କରିଛି। ଭିଡିଓରେ ଦୁଇ ଜଣ ପିଲା ହାତ ଧୋଇବା ବାର୍ତ୍ତା ଦେଇ ନୃତ୍ୟ କରୁଥିବାର ଦେଖିବାକୁ ମିଳିଛନ୍ତି।