ଜଗତସିଂହପୁର ସହର ସ୍ଥିତ ଯୋଗଧାରୀ ଛକ ନିକଟରେ ଥିବା ଶ୍ରୀଗଣେଶ ହୋଟେଲ ଉପରେ ଗତ କାଲି ରାତିରେ ଜଗତସିଂହପୁର ପୋଲିସ ଅଚାନକ ଚଢ଼ାଉ କରି ଆପତି ଜନକ ଅବସ୍ଥାରେ ଜଣେ ଯୁବତୀକୁ ଉଦ୍ଧାର କରିଥିବା ବେଳେ ଯୁବତୀଙ୍କ ସହିତ ଥିବା ୪ ଯୁବକ ଫେରାର ହୋଇ ଯାଇଛନ୍ତି ।
ତେବେ ଏମାନେ ଆସିଥିବା ଏକ କାରକୁ ପୋଲିସ ଜବତ କରିବା ସହିତ କାର ଚାଳକକୁ ଥାନାକୁ ନେଇ ପଚରା ଉଚରା ଚଲାଇଛି । ଯୁବତୀ ଜଣକ ଭୁବନେଶ୍ୱର ରୁ ଆସିଥିବାର ପ୍ରାଥମିକ ତଦନ୍ତରୁ ଜଣା ଯାଇଛି ।
ଏହି ହୋଟେଲରେ ଦେହ ବ୍ୟବସାୟ ଚାଲିଥିବାର ସୂଚନା ପାଇ ଜଗତସିଂହପୁର ପୋଲିସ ରାତି ପ୍ରାୟ ୯ଟା୩୦ ସମୟରେ ଅଚାନକ ହୋଟେଲ ଉପରେ ଚଢ଼ାଉ କରିଥିଲା । ଲକ ଡାଉନ ଯୋଗୁ ହୋଟେଲ ବ୍ୟବସାୟ ଏବେ ମାନ୍ଦା ପଡିଥିବା ବେଳେ ଜିଲାର ବିଭିନ୍ନ ସ୍ଥାନରେ ଥିବା କେତେକ ହୋଟେଲ ଦେହବ୍ୟବସାୟ ଚଳାଇ ଭଲ ଦୁଇ ପଇସା ରୋଜଗାର କରୁଥିବାର ଅଭିଯୋଗ ହେଉଛି ।
