ଆସିକା : ଆସିକା ବଡ଼ ନଦୀ ପୋଲ ଉପରେ ମର୍ମଦୁନ୍ତ ଦୁର୍ଘଟଣା। ତିନି ଆରୋହୀ ସ୍କୁଟି ଗାଡ଼ି କୁ ହାଇୱା ଧକ୍କା ଦେବାରେ ଝିଅ ମୃତ ମା ଓ ଗୋସାଇଁ ବାପା ଗୁରୁତର ଆହତ ହୋଇଛନ୍ତି। ମୃତକ ହେଲେ ପୂଜାସ୍ମିତା ମୋହିନୀ(୮)।ଗୁରୁତର ଆହତ ପୂଜାସ୍ମିତାଙ୍କ ମା ସ୍ଥାନୀୟ ଜୟପୁର ପ୍ରାଥମିକ ବିଦ୍ୟାଳୟ ବିଦ୍ୟାଳୟ ର ଶିକ୍ଷୟତ୍ରୀ ଗୀତାଞ୍ଜଳି ମୋହିନୀ ଓ ପୂଜାସ୍ମିତା ଙ୍କ ଗୋସାଇଁ ବାପା ବିନାୟକ ମୋହିନୀ। ଧରକୋଟ ଥାନା ଅନ୍ତର୍ଗତ କୁଶରାଵ ଗ୍ରାମ ଘରୁ ବୋହୂ ଓ ନାତୁଣୀ ଙ୍କୁ ଧରି ସ୍କୁଟି ନମ୍ବର ଓ ଆର୍ -୦୭ କ୍ୟୁ – ୭୦୮୫ ଯୋଗେ ଜୟପୁର ବିଦ୍ୟାଳୟ କୁ ଯାଉଥିବା ବେଳେ ପଛପଟୁ ଆସୁଥିବା ଏକ ହାଇୱା ଧକ୍କା ଦେଇଥିଲା। ତିନି ସ୍କୁଟି ଆରୋହୀ ଗାଡ଼ି ରୁ ଛିଟିକି ପଡ଼ିଥିଲେ।ଫଳ ରେ ଘଟଣା ସ୍ଥଳରେ ହିଁ ୮ବର୍ଷ ର ଝିଅ ପୂଜାସ୍ମିତା ମୋହିନୀ ମୃତ୍ୟୁ ହୋଇଥିଲା। ମା ଗୀତାଞ୍ଜଳିଙ୍କ ଦୁଇଗୋଡ଼ ଉପର ଦେଇ ହାଇୱା ଚକ ଚଢି ଯାଇଥିବାରୁ ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ଆସିକା ମେଡିକାଲ ଓ ପରେ ବ୍ରହ୍ମପୁର ସ୍ଥାନାନ୍ତର କରାଯାଇଛି। ତେବେ ସ୍କୁଟି ଚାଳକ ବିନାୟକ ମୋହିନୀ ଆସିକା ମେଡିକାଲ ରେ ଚିକିତ୍ସିତ ହେଉଛନ୍ତି।ଘଟଣା ସ୍ଥଳରେ ଆସିକା ପୋଲିସ ପହଁଚି ଦୁର୍ଘଟଣା ଘଟାଇଥିବା ହାଇୱା ଓ ସ୍କୁଟିକୁ ଜବତ କରିଛି । ଘଟଣା ନେଇ ମୃତକ ଙ୍କ ସଂପର୍କୀୟ ରାଜେନ୍ଦ୍ର ମୋହିନୀ ଙ୍କ ଆସିକା ଥାନାରେ ଅଭିଯୋଗ କୁ ନେଇ ଥାନା କେସ ନଂ ୫୬୯ ରେ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଥିବା ଥାନା ଅଧିକାରୀ ପି. ସ୍ୱରୂପ କ୍ରିଷ୍ଣା କହିଛନ୍ତି।ଦୁର୍ଘଟଣା ଘଟାଇଥିବା ହାଇୱା ର ଡ଼୍ରାଇଭର ଫେରାର ଥିବା ଜଣାଯାଇଛି।
