ଏହି ୫ଟି ଅଭ୍ୟାସ ଦ୍ୱାରା ଆପଣ ନିଜ କିଡ୍ନୀ କୁ ସୁରକ୍ଷିତ ରଖି ପାରିବେ, ଆସନ୍ତୁ ଜାଣିବା ଏହି ଅଭ୍ୟାସ ଗୁଡିକ କଣ

ଆମେ ଆମ ଦୈନନ୍ଦିନ କାର୍ଯ୍ୟ ପ୍ରଣାଳୀରେ ଏପରି କିଛିଟା ଭୁଲ କରିଦେଇ ଥାଉ, ଯାହାର ପ୍ରଭାବ ଆମର ଶରୀର ଉପରେ ପଡିଥାଏ l ଆମ ଶରୀରର ସମସ୍ତ ଅଙ୍ଗ ଖୁବ ମହତ୍ଵପୁର୍ଣ କିନ୍ତୁ ଏପରିକିଛି ଅଙ୍ଗ ରହିଥାଏ ଯାହା ଖୁବ ଗୁରୁତ୍ୱପୂର୍ଣ୍ଣ ଅଟେ l ସେଥିରୁ ଗୋଟିଏ ହେଲା କିଡ୍ନୀ l ଆମର କିଛିଟା ଭୁଲ ଓ ଖରାପ ଅଭ୍ୟାସ ଦ୍ୱାରା କିଡ୍ନୀ ରେ ସମସ୍ୟା ଦେଖା ଦେଇଥାଏ l କିଡ୍ନୀ ଶରୀରର କିଛିଟା ଖରାପ ପଦାର୍ଥ କୁ ବାହାର କରିବାରେ ସାହାଯ୍ୟ କରିଥାଏ ଓ ରକ୍ତରେ ଥିବା ବର୍ଜ୍ୟ ବସ୍ତୁକୁ ମଧ୍ୟ ବାହାର କରିବାରେ ସାହାଯ୍ୟ କରିଥାଏ l ତେଣୁ ଏହି କିଡ୍ନୀ କୁ କିପରି ଭାବରେ ଜୀବନସାରା ସୁରକ୍ଷିତ ରଖିବା ଆସନ୍ତୁ ଜାଣିବା l

* ଶାରୀରିକ ବ୍ୟାୟାମ ଆବଶ୍ୟକ :
ଶାରୀରିକ ଭାବରେ ସକ୍ରିୟ ରହିବା ଖୁବ ହିତକର, ବିଶେଷ ଭାବରେ ଯେଉଁ ସମୟରେ ଶରୀର ଅଧିକ ଅସୁସ୍ଥ ରହିଥାଏ l ଶାରୀରିକ ଭାବରେ ମଣିଷ ସକ୍ରିୟ ରହିବା ଦ୍ୱାରା କୌଣସି ରୋଗ ବୈରାଗ ମାଡି ବସିଥାଏ l ଅତି କମ୍ ରେ ଦିନକୁ ୩୦ ମିନିଟ ବ୍ୟାୟାମ କରିବା ଆବଶ୍ୟକ l ଯଦି ନିୟମିତ ଭାବରେ ଆପଣ ବ୍ୟାୟାମ କରିବେ ତେବେ ବାର୍ଦ୍ଧକ୍ୟ ପର୍ଯ୍ୟନ୍ତ ଆପଣଙ୍କ କିଡ୍ନୀ ସୁରକ୍ଷିତ ରହିବ l

* ପର୍ଯ୍ୟାପ୍ତ ମାତ୍ରା ରେ ପାଣି ପିଅନ୍ତୁ :
ଆମ ଶରୀରରେ ୨ଟି କିଡ୍ନୀ ରହିଥାଏ l ଯାହା ରକ୍ତରୁ ଅଶୁଦ୍ଧ ପଦାର୍ଥକୁ ବାହାର କରିବାରେ ସାହାଯ୍ୟ କରିଥାଏ l ଏହି କାର୍ଯ୍ୟକୁ କରିବା ପାଇଁ ପାଣିର ବହୁ ଆବଶ୍ୟକତା ରହିଥାଏ l ପାଣି ଅଧିକ ପିଇବା ଦ୍ୱାରା ଶରୀରରୁ ଅଶୁଦ୍ଧ ବସ୍ତୁ ପରିସ୍ରା ମାଧ୍ୟମରେ ବାହାରି ଯାଇଥାଏ ଓ ଶରୀର ହାଇଡ୍ରେଟ ରହିଥାଏ l

* ପୌଷ୍ଟିକ ଆହାର ଜରୁରୀ :
କିଡ୍ନୀ କୁ ସୁସ୍ଥ ରଖିବା ପାଇଁ ପୌଷ୍ଟିକ ଖାଦ୍ୟର ଆବଶ୍ୟକତା ରହିଛି l ଯଦି ଖାଦ୍ୟରେ ଏହିସବୁ ଜିନିଷ ରହି ନଥାଏ ତେବେ କିଡ୍ନୀ ଉପରେ ପ୍ରଭାବ ପଡିଥାଏ l ମଧୁମେହ ଓ ଉଚ ରକ୍ତଚାପ ବ୍ୟକ୍ତିଙ୍କର କିଡ୍ନୀ ସମସ୍ୟା ଦେଖା ଯାଇଥାଏ l ତେଣୁ ନିଜ ଖାଦ୍ୟରେ ସବୁଜ ପନିପରିବା, ଫଳ, ଶସ୍ୟ ଜାତୀୟ ଜିନିଷ, ଦୁଗ୍ଧ, ଦହି, ଲୋ ଫ୍ୟାଟ ଫୁଡ, ଲୋ କାର୍ବସ୍ ଫୁଡ, ଲୋ କ୍ୟାଲୋରୀ ଯୁକ୍ତ ଖାଦ୍ୟ ସାମିଲ କରିବା ଆବଶ୍ୟକ l

* କିଛିଟା ଖାଦ୍ୟ ଠାରୁ ଦୁରେଇ ରହିବ ଉଚିତ :
କିଡ୍ନୀ କୁ ସୁସ୍ଥ ରଖିବା ପାଇଁ ରାସ୍ତା କଡ଼ର ଜଙ୍କ ଫୁଡ ଠାରୁ ଦୁରେଇ ରହିବା ଉଚିତ l ଏହା ଛଡା ଛୋଲେ ପୁରି , ବାହାର ମସଲା ଯୁକ୍ତ ଖାଦ୍ୟ, ଧୁମ୍ରପାନ, ମଦ୍ୟପାନ ଇତ୍ୟାଦି କିଡ୍ନୀ ପାଇଁ କ୍ଷତି କାରକ l

* ନିଜର ନିୟମିତ ସ୍ୱାସ୍ଥ୍ୟ ପରୀକ୍ଷା କରନ୍ତୁ :
ଯେ କୌଣସି ଜିନିଷକୁ ସୁରକ୍ଷିତ ରଖିବା ପାଇଁ ଦେଖା ଚାହାଁ କରିବା ନିହାତି ଜରୁରୀ l ସେହିଭଳି ଶରୀରକୁ ସୁସ୍ଥ ରଖିବା ପାଇଁ ଡାକ୍ତରୀ ପରୀକ୍ଷା ନିହାତି ଆବଶ୍ୟକ l ରେଗୁଲାର ଚେକ ଅପ ଦ୍ୱାରା ନିଜ ଶରୀରର ସମସ୍ୟାକୁ ଜାଣି ଆପଣ ନିଜକୁ ନିରୋଗୀ ରଖି ପାରିବେ l