ନିମାପଡା,୧୦ା୨ା :ବସ ମାଲିକ ଭୁଜାଲି ମାଡରେ ଜଣେ ବସ ଡ୍ରାଇଭର ଗୁରୁତର ଆହତ ହୋଇଛି ।ଆହତ ଡ୍ରାଇଭର ଜଣକ ହେଲେ ମିରଜା ଜୁମା ବେଗ(୩୫)ାଅଭିଯୁକ୍ତ ବସ ମାଲିକକୁ ତୁରନ୍ତ ଗିରଫ କରିବା ପାଇଁ ପୁରୀ ଜିଲ୍ଲା ଡ୍ରାଇଭର ମହାସଂଘ ଦାବୀ କରିଛି ।ଏହି ଆକ୍ରମଣ ପ୍ରତିବାଦରେ ଆଜି ସଂଧ୍ୟାରେ ନିମାପଡା ଥାନା ସମ୍ମୁଖରେ ଶତାଧିକ ଡ୍ରାଇଭର ରାସ୍ତାରୋକ କରିଥିଲେ ।ପ୍ରକାଶ ଯେ,ଗତ ୯ ତାରିଖ ଅପରାହ୍ନରେ ଟାଇମ୍ଷ୍ଟାର ବସ୍ ଭୁବନେଶ୍ୱରରୁ ଯାତ୍ରୀମାନଙ୍କୁ ନେଇ କାକଟପୁର ଯାଉଥିଲା ।ସମୟ ସାରଣୀକୁ ନେଇ ଟଭାଦେବୀ ବସର ମାଲିକ ସନ୍ତୋଷ କୁମାର ସେନାପତି ନିମାପଡା-କାକପଟପୁର ରାସ୍ତାର ଖେଦରପୁର ଛକରେ ଟାଇମ ଷ୍ଟାର ବସକୁ ଅଟକାଇ ବସର ଡ୍ରାଇଭର ମିର୍ଜା ଜୁମାବେଗ୍ ଙ୍କୁ ମାଡମାରିବା ସହିତ ଭୁଜାଲି ସାହାର୍ଯ୍ୟରେ ଆକ୍ରମଣ କରିଥିଲେ ।ଡ୍ରାଇଭର ଜୁମାବେଗ୍ ନିମାପଡା ମେଡିକାଲରେ ଚିକିସôିତ ହେବା ସହିତ ଏନେଇ ଥାନାରେ ଅଭିଯୋଗ କରିଥିଲେ ।ଅଭିଯୋଗକୁ ଭିତିକରି ପୁଲିସ ଏକ ମାମଲା ରୁଜୁ କରିଥିଲା ।ଅଭିଯୁକ୍ତକୁ ଗିରଫ ଦାବୀ କରି ଶତାଧିକ ଡ୍ରାଇଭର ଆଜି ସଂଧ୍ୟାରେ ଅଧଘଂଟା ଧରି ଥାନା ସମ୍ମୁଖରେ ରାସ୍ତାରୋକ କରିଥିଲେ । ଏସ୍ଡିପିଓ ଦେବାଶିଷ ମିଶ୍ରଙ୍କ ହସ୍ତକ୍ଷେପ ଫଳରେ ରାସ୍ତାରୋକ୍ ହଟିଥିଲା ।(ଫଟୋ)
