ବୁଗୁଡ଼ା : ତା ୨୪/୦୧/୨୨ : ଆଗାମୀ ତ୍ରିସ୍ତରୀୟ ପଞ୍ଚାୟତ ନିର୍ବାଚନକୁ ଶାନ୍ତି ଶୃଙ୍ଖଳାର ସହ ଶେଷ କରିବାକୁ ପୋଲିସ ପକ୍ଷରୁ ରୋଡ଼ ମ୍ୟାପ ପ୍ରସ୍ତୁତ କରାଯାଇଛି l ବୁଗୁଡ଼ା ଥାନା ଅଞ୍ଚଳରେ ବୁଗୁଡ଼ା ବ୍ଲକର ୨୮୭ ବୁଥ , ଆସିକା ବ୍ଲକ ଗହଙ୍ଗୁ ପଞ୍ଚାୟତର ୮ ଓ ଜଗନ୍ନାଥପ୍ରସାଦ ବ୍ଲକ ମରେଇପଲ୍ଲୀ ପଞ୍ଚାୟତ ଅନ୍ତର୍ଗତ ନିମପଦର ଗ୍ରାମର ୯ ଟି ବୁଥକୁ ମିଶାଇ ସମୁଦାୟ ୩୦୪ଟି ବୁଥ ରହିଥିବା ବେଳେ ସେଥି ମଧ୍ୟରୁ ୧୫ଟି ବୁଥକୁ ଉତ୍ତେଜନା ପ୍ରବଣ ଭାବେ ଚିହ୍ନଟ କରାଯାଇଥିବା ଜଣା ପଡିଛି l ବୁଗୁଡ଼ା ବ୍ଲକ ଅନ୍ତର୍ଗତ ପାଙ୍ଗିଡ଼ି ପଞ୍ଚାୟତର ପାଙ୍ଗିଡ଼ି ଓ ବେଲପଡା ବୁଥକୁ ଉତ୍ତେଜନା ପ୍ରବଣ ଭାବେ ଚିହ୍ନଟ କରାଯାଇଥିବା ବେଳେ ଅନ୍ତରପଡା ପଞ୍ଚାୟତର ଏକଡାଳ, କରଚୁଲି ପଞ୍ଚାୟତର କରଚୁଲି, ସିଙ୍ଗିପୁର କଲୋନୀ, ଓ କିରିଆମ୍ବା, କରସିଂ ପଞ୍ଚାୟତର ରାବଗଡ଼, ବିରଞ୍ଚିପୁର ପଞ୍ଚାୟତର ପଙ୍କଳସାହି, ଗୋଲିଆ ପଞ୍ଚାୟତର ବାଦୁଆ, ଗୋଲିଆ, ତାଳସର ଓ ଗୋଲିଆ ନୁଆଁ ସାହି, ଭାମସ୍ୟାଳି ପଞ୍ଚାୟତର ଚଡିଆପଲ୍ଲୀ, ସଂକୁରୁ ପଞ୍ଚାୟତର ଘୋଳପୁର ସମେତ ଜଗନ୍ନାଥପ୍ରସାଦ ବ୍ଲକ ମରେଇପଲ୍ଲୀ ପଞ୍ଚାୟତ ଅନ୍ତର୍ଗତ ନିମପଦର ବୁଥ ଏବଂ ଆସିକା ବ୍ଲକର ଗହଙ୍ଗୁ ବୁଥକୁ ଉତ୍ତେଜନା ପ୍ରବଣ ଭାବେ ଚିହ୍ନଟ କରାଯାଇଥିବା ନେଇ ଆଇଆଇସି ଚିତ୍ତ ରଞ୍ଜନ ବେହେରା ସୂଚନା ଦେଇଛନ୍ତି l
