ସାଲେପୁର ବ୍ଲକ୍ ପିକୋଳ ପଞ୍ଚାୟତ ବଣହରା ଦେଉଳି ପାଟଣା ଗ୍ରାମର କୁଞ୍ଜ ମଲ୍ଲିକଙ୍କ ପୁଅ ଗଗନ ବିହାରୀ ମଲ୍ଲିକ (୫୦) ଆଜି ଦିନ ୧୧ଟାରେ ଧାନ ବିଳକୁ ଯାଉଥିବା ବେଳେ ବିଲକୁ ଓହଳି ଥିବା ୧୧ କେଭି ବିଦ୍ୟୁତ୍ ତାର ମୁଣ୍ଡରେ ବାଜିବାରୁ ଘଟଣା ସ୍ଥଳରେ ଗୁରୁତର ହୋଇଥିଲେ । ବିଦ୍ୟୁତ୍ ଆହତରେ ଆକ୍ରାନ୍ତ ଗଗନକୁ ଚିକିତ୍ସା ପାଇଁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା । ତେବେ ଅବସ୍ଥା ଅତ୍ୟନ୍ତ ଗୁରୁତର ଥିବାରୁ ତାଙ୍କୁ କଟକ ବଡ଼ମେଡ଼ିକାଲକୁ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସା ହେଉଥିବା ବେଳେ ଅପରାହ୍ନରେ ତାଙ୍କର ମୃତ୍ୟୁ ହୋଇଯାଇଥିଲା । କଟକରୁ ଶବ ଆସିବା ପରେ ସ୍ଥାନୀୟ ଅଞ୍ଚଳରେ ଅସନ୍ତୋଷ ଓ ଉତ୍ତେଜନା ପ୍ରକାଶ ପାଇଥିଲା । ସେସୁର ଖାମଖିଆଲି ନିତି ଯୋଗୁ ଏଭଳି ଘଟଣା ଘଟିଲା ବୋଲି ଜଣାପଡ଼ିବା ପରେ କଟକ ଚାନ୍ଦବାଲି ରାସ୍ତାର କୁଳିଆ ବଜାର ଠାରେ ମୃତକର ଶବ ରଖି ସ୍ଥାନୀୟ ଅଞ୍ଚଳବାସୀ କ୍ଷତିପୂରଣ ଦାବିକରି ରାସ୍ତାରୋକ କରି ପ୍ରତିବାଦ କରିଥିଲେ । ସେସୁର ଏଭଳି ଖାମଖିଆଲି ନିତିକୁ ସ୍ଥାନୀୟ ଅଞ୍ଚଳବାସୀ ତିବ୍ରନିନ୍ଦା କରିଥିଲେ । ପ୍ରକାଶଥାଉକି ଓହଳି ଥିବା ବିଦ୍ୟୁତ୍ ତାରକୁ ଉପରକୁ ଟାଣିବା ପାଇଁ ସ୍ଥାନୀୟ ସେସୁ କାର୍ଯ୍ୟାଳୟରେ ଏକାଧିକ ଥର ଅଭିଯୋଗ କରାଯାଇଥିଲେ ମଧ୍ୟ କାର୍ଯ୍ୟକାରୀ ହୋଇନଥିବା ଅଭିଯୋଗ ହୋଇଛି ।
