ଖୋର୍ଦ୍ଧା ରୋଡ୍ (ଜଟଣୀ), 31.07.2025 : ଖୋର୍ଦ୍ଧା ରୋଡ଼ ରେଳ ମଣ୍ଡଳ ମୁଖ୍ୟାଳୟରେ ଅନୁଷ୍ଠିତ ଏକ ହୃଦୟସ୍ପର୍ଶୀ ଅବସରକାଳୀନ ସମ୍ବର୍ଦ୍ଧନା ସମାରୋହରେ ପୂର୍ବତଟ ରେଳପଥ ଖୋର୍ଦ୍ଧା ରୋଡ୍ ରେଳ ମଣ୍ଡଳରୁ ଦୁଇ ଅଧିକାରୀଙ୍କ ସମେତ କୋଡ଼ିଏ ଜଣ ରେଳ କର୍ମଚାରୀଙ୍କୁ ସମ୍ବର୍ଦ୍ଧନା କରାଯାଇଅଛି ।
ଏହି କାର୍ଯ୍ୟକ୍ରମରେ ଅତିରିକ୍ତ ମଣ୍ଡଳ ରେଳବାଇ ପ୍ରବନ୍ଧକ (ପରିଚାଳନା) ଶ୍ରୀ ପ୍ରଦୀପ କୁମାର ବେହରା ଏବଂ ଅତିରିକ୍ତ ମଣ୍ଡଳ ରେଳବାଇ ପ୍ରବନ୍ଧକ (ଭିତ୍ତିଭୂମି) ଶ୍ରୀ ଶୁଭ୍ରଜ୍ୟୋତି ମଣ୍ଡଳ ଯୋଗ ଦେଇ ଅବସରପ୍ରାପ୍ତ କର୍ମଚାରୀମାନଙ୍କୁ ସମ୍ମାନିତ କରିଥିଲେ ଏବଂ ସେମାନଙ୍କୁ ସେମାନଙ୍କର ପେନସନ୍ ପେମେଣ୍ଟ ଅର୍ଡର (ପିପିଓ) ପ୍ରଦାନ କରିଥିଲେ ।
ଅତିରିକ୍ତ ମଣ୍ଡଳ ରେଳବାଇ ପ୍ରବନ୍ଧକ ମାନେ ଅବସରପ୍ରାପ୍ତ କର୍ମଚାରୀଙ୍କ ଦ୍ୱାରା ସେମାନଙ୍କର ବର୍ଷ ବର୍ଷର ସେବା ସମୟରେ ପ୍ରଦର୍ଶନ କରାଯାଇଥିବା ସମର୍ପଣ, କଠିନ ପରିଶ୍ରମ ଏବଂ ସତର୍କତାକୁ ପ୍ରଶଂସା କରିଥିଲେ । ସେମାନେ ସୁରକ୍ଷିତ ଏବଂ ଦକ୍ଷ ରେଳ ପରିଚାଳନା ସୁନିଶ୍ଚିତ କରିବାରେ କର୍ମଚାରୀମାନଙ୍କ ଦ୍ୱାରା ଦିଆଯାଇଥିବା ଅମୂଲ୍ୟ ଅବଦାନକୁ ସ୍ୱୀକାର କରିଥିଲେ ।
ଏହି ସମାରୋହକୁ ସମ୍ବୋଧିତ କରି ଏଡିଆରଏମମାନେ ଅବସରପ୍ରାପ୍ତ କର୍ମଚାରୀମାନଙ୍କୁ ସକାରାତ୍ମକ ଭାବରେ ସେମାନଙ୍କର ଅବସର ପରବର୍ତ୍ତୀ ଜୀବନକୁ ଗ୍ରହଣ କରିବାକୁ ଉତ୍ସାହିତ କରିବା ସହ ସେମାନଙ୍କୁ ସେମାନଙ୍କର ସମୟକୁ ଫଳପ୍ରଦ ଭାବରେ ବ୍ୟବହାର କରିବାକୁ ଏବଂ ଏକ ସୁଖୀ ଏବଂ ପରିପୂର୍ଣ୍ଣ ଜୀବନ ବିତାଇବାକୁ ପରାମର୍ଶ ଦେଇଥିଲେ ।
ଖୋର୍ଦ୍ଧା ରୋଡ଼ ରେଳମଣ୍ଡଳରୁ ଅବସର ଗ୍ରହଣ କରିଥିବା ରେଳବାଇ କର୍ମଚାରୀ ମାନେ ହେଲେ ପୁରୀର ବରିଷ୍ଠ କୋଚିଂ ଡିପୋ ଅଧିକାରୀ ଶ୍ରୀ ସୁରେନ୍ଦ୍ର କୁମାର ପାଢ଼ୀ, ସହାୟକ ବାଣିଜ୍ୟିକ ପ୍ରବନ୍ଧକ ଶ୍ରୀ ବଶିଷ୍ଠ କୁମାର ପ୍ରଧାନ, ବାଣିଜ୍ୟିକ ବିଭାଗରୁ ଶ୍ରୀ ଏମ୍ ରାମାରାଓ, ବାସୁଦେବ ସାହୁ; ମେକାନିକାଲ୍ ବିଭାଗରୁ ଶ୍ରୀ ଆର. କେ. ବେହେରା, ଏ. ରାମା, ଏସ. ମହମ୍ମଦ, ଏମ୍ ଆର ଦାସ, ବି. ସି. ପଟ୍ଟନାୟକ; ଇଞ୍ଜିନିୟରିଂ ବିଭାଗରୁ ଶ୍ରୀ ଏମ୍ ସୋରେନ୍, ଏନ୍ ସିଂହ, ବି. ସି ମହାରଣା, ଜେ ସାହୁ, ଆର. କେ. ଜାନି; ବୈଦ୍ୟୁତିକ ବିଭାଗରୁ ଜି. ବି. ରାଉତ, ପି. ପାତ୍ର, ଜି. ସେଠି; ପରିଚାଳନା ବିଭାଗରୁ ଏନ. କେ. ଦାସ, ଡି. ପି. ରୟଙ୍କ ସହ ; ଆରପିଏଫ୍ ଇନ୍ସପେକ୍ଟର ଶ୍ରୀ ବି. କେ. ଜେନା ଅନ୍ତର୍ଭୁକ୍ତ ଅଟନ୍ତି ।
ଭାରତୀୟ ରେଳବାଇରେ ପ୍ରଶଂସନୀୟ ସେବା ପାଇଁ ଅବସରପ୍ରାପ୍ତ କର୍ମଚାରୀମାନଙ୍କୁ ହାର୍ଦ୍ଦିକ ଶୁଭେଚ୍ଛା ଏବଂ କୃତଜ୍ଞତା ସହିତ ସମାରୋହ ସମାପନ କରାଯାଇଥିଲା । ମଣ୍ଡଳ କାର୍ମିକ ଅଧିକାରୀ ଅଧିକାରୀ ଶ୍ରୀ ପ୍ରମୋଦ କୁମାର ବେହେରା କାର୍ଯ୍ୟକ୍ରମର ସଂଯୋଜନା କରିଥିଲେ ଏବଂ କାର୍ଯ୍ୟକ୍ରମକୁ ସୁଗମ ପରିଚାଳନା ସୁନିଶ୍ଚିତ କରିଥିଲେ ।
