ଏହି ବର୍ଷ ମଧ୍ୟରେ ମେରାମଣ୍ଡଳୀ, ବୈତରଣୀ ରୋଡ୍, କୋରାଇ ଏବଂ ତାପଙ୍ଗ ଷ୍ଟେସନରେ ନୂତନ ଇଣ୍ଟରଲକିଂ ବ୍ୟବସ୍ଥା ସଫଳତାର ସହ କାର୍ଯ୍ୟକାରୀ କରାଯାଇଛି। ଏହି ଅତ୍ୟାଧୁନିକ ବ୍ୟବସ୍ଥା ଟ୍ରେନ୍ ଚଳାଚଳକୁ ସୁରକ୍ଷିତ କରିବା ସହ ବର୍ଦ୍ଧିତ ଟ୍ରେନ୍ ଯାତାୟାତକୁ ସୁଚାରୁରୂପେ ପରିଚାଳନା କରିବାରେ ସହାୟକ ହେବ।
ଲେଭଲ୍ କ୍ରସିଂଗୁଡ଼ିକରେ ସୁରକ୍ଷା ବ୍ୟବସ୍ଥାକୁ ସୁଦୃଢ଼ କରିବା ପାଇଁ ୧୮ଟି ଗେଟ୍ରେ ଇଣ୍ଟରଲକିଂ ବ୍ୟବସ୍ଥା କରାଯାଇଛି। ଏହାଦ୍ୱାରା ଗେଟ୍ ସମ୍ପୂର୍ଣ୍ଣ ବନ୍ଦ ହେବା ପରେ ହିଁ ଟ୍ରେନ୍ ଯାତାୟାତ କରିପାରିବ। ଏହା ସହିତ ୩୪ଟି ଗେଟ୍ରେ ‘ସ୍ଲାଇଡିଂ ବୁମ୍ ବ୍ୟାରିଅର୍’ ଏବଂ ୨୫ଟି ଗେଟ୍ରେ ‘ବୈଦ୍ୟୁତିକ ଲିଫ୍ଟିଂ ବ୍ୟାରିଅର୍’ ଲଗାଯାଇଛି, ଯାହା ସୁରକ୍ଷା ସହ ସାଧାରଣ ଯାତାୟାତକୁ ସହଜ କରିବ।
ଆଧୁନିକୀକରଣ ପଦକ୍ଷେପ ସ୍ୱରୂପ କଟକ-ପାରାଦୀପ ସେକ୍ସନରେ ‘ଅଟୋମେଟିକ୍ ବ୍ଲକ୍ ସିଗନାଲିଂ’ ବ୍ୟବସ୍ଥା କାର୍ଯ୍ୟକାରୀ ହୋଇଛି। ଏହାଦ୍ୱାରା କମ୍ ସମୟ ବ୍ୟବଧାନରେ ଏକାଧିକ ଟ୍ରେନ୍ ଚଳାଚଳ ସମ୍ଭବ ହେବ ଏବଂ ଲାଇନ୍ କ୍ଷମତା ବୃଦ୍ଧି ପାଇବ।
ଯାତ୍ରୀମାନଙ୍କ ସୁରକ୍ଷା ପାଇଁ ତାଳଚେର ଷ୍ଟେସନରେ ସିସିଟିଭି (CCTV) ବ୍ୟବସ୍ଥା କରାଯାଇଛି। ସେହିପରି ଯାତ୍ରୀମାନଙ୍କୁ ସଠିକ୍ ସୂଚନା ପ୍ରଦାନ ପାଇଁ କେନ୍ଦୁଝରଗଡ଼ ଏବଂ ଭୁବନେଶ୍ୱର ନିୟୁ ଷ୍ଟେସନରେ ‘ଅଟୋମେଟିକ୍ ଆନାଉନ୍ସମେଣ୍ଟ ସିଷ୍ଟମ’ ସ୍ଥାପନ କରାଯାଇଛି।
ଉନ୍ନତ ରକ୍ଷଣାବେକ୍ଷଣ ଏବଂ ନୂତନ ଜ୍ଞାନକୌଶଳର ବ୍ୟବହାର ଯୋଗୁଁ ସିଗନାଲ୍ ବିଫଳତା (Signal Failure) କ୍ଷେତ୍ରରେ ପ୍ରାୟ ୩୦% ହ୍ରାସ ପରିଲକ୍ଷିତ ହୋଇଛି,
ଏହି ସମସ୍ତ ସଫଳତା ଖୋର୍ଦ୍ଧା ରୋଡ଼ ମଣ୍ଡଳର ଅତ୍ୟାଧୁନିକ ପ୍ରଯୁକ୍ତିବିଦ୍ୟା ଆପଣାଇବା, ସୁରକ୍ଷିତ ରେଳ ଚଳାଚଳ ଏବଂ ଯାତ୍ରୀମାନଙ୍କୁ ଉନ୍ନତ ସେବା ଯୋଗାଇଦେବାର ପ୍ରୟାସକୁ ଦର୍ଶାଉଛି।
