ଵ୍ରହ୍ମପୁର : ସଡକ ସୁରକ୍ଷା ମାସ ଅବସରରେ ଗଞ୍ଜାମ ଜିଲ୍ଲାରେ ସଡକ ସୁରକ୍ଷା ସପ୍ତାହ କାର୍ଯ୍ୟକ୍ରମ ଜାରି ରହିଛି। ଏହି ଅବସରରେ ପୋଲିସ ପକ୍ଷରୁ କଲେଜ ଛାତ୍ରଛାତ୍ରୀ ଏବଂ ଏନ୍. ସି. ସି କ୍ୟାଡେଟ୍ ମାନଙ୍କୁ ନେଇ ସଡକ ସୁରକ୍ଷା ଜୀବନ ରକ୍ଷା ସଚେତନତାର ବାର୍ତା ଜନସାଧାରଣଙ୍କୁ ପ୍ରଦାନ କରାଯାଉଛି । ଏହି ସପ୍ତାହ ପାଳନର ଦ୍ଵିତୀୟ ଦିନରେ ଵ୍ରହ୍ମପୁର ଟ୍ରାଫିକ ପୋଲିସ ପକ୍ଷରୁ ସଡକ ସୁରକ୍ଷା ନେଇ ପଥପ୍ରାନ୍ତ ନାଟକ ସହ ବାଇକ ରାଲି ଅନୁଷ୍ଠିତ ହୋଇଥିଲା । ଏଥିରେ ବ୍ରହ୍ମପୁର ଏସ୍ ପି ପିନାକ୍ ମିଶ୍ର ସବୁଜ ପତାକା ଉଡ଼ାଇ ଏହି କଯ୍ୟକ୍ରମ ର ଶୁଭ ଆରମ୍ଭ କରିଛନ୍ତି ।ଭୁବନେଶ୍ୱର ଥିଏଟର ରୁ ଆସିଥିବା କଳାକାର ମାନେ ସ୍ଥାନୀୟ ପୁରୁଣା ବସଷ୍ଟାଣ୍ଡ ଠାରେ ପ୍ରଥମେ “ଯମ ହାତରେ ଜୀବନ” ନେଇ ଏକ ନାଟକ ପରିବେଷଣ କରିଥିଲେ ଏବଂ ଏହି ଅବସରରେ ନିଆରା ସଚେତନାବାର୍ତ୍ତା ଦେଇଛନ୍ତି ଯମ ବେଶୀ କଳାକାର ।
ଯମ ବେଶରେ ଏହି କଳାକର ତାଙ୍କର ଅଭିନୟ ପ୍ରଦର୍ଶନ କରିଛନ୍ତି । ଏଥିରେ ଯମପୁରରୁ ମର୍ତ୍ତ୍ୟମଣ୍ଡଳକୁ ଯମରାଜ ଆସି ବାଣ୍ଡୁଛନ୍ତି ସଡକ ସୁରକ୍ଷାର ବାର୍ତ୍ତା । ଏହି ନାଟକ ଜରିଆରେ ରାସ୍ତାରେ ଯାତାୟତ ବା ଗାଡି ଚଳେଇଲା ବେଳେ କିଭଳି ସତର୍କତା ଅବଲମ୍ବନ ସହ ଟ୍ରାଫିକ ନିୟମ ମାନି ଗାଡି ଚଳାଇବେ ସେ ନେଇଜନସାଧାରଣଙ୍କୁ ଅବଗତ କରାଇଥିଲେ କଳାକାର ମାନେ । ଗାଡି ଚଳାଇଲା ବେଳେ ହେଲମେଟ ବ୍ୟବହାର କରିବା, ଚଳନ୍ତା ଗାଡ଼ିରେ ମୋବାଇଲ ବ୍ୟବହାର ନକରିବା, ମଦ୍ୟପାନ କରି ଗାଡି ନଚଳାଇବା,ଚାରିଚାକିଆ ଯାନ ରେ ସିଟ୍ ବ୍ୟାଲଟ ବ୍ୟବହାର କରିବା, ଦ୍ରୁତ ଗତିରେ ଗାଡି ନଚଳାଇବା,ଗାଡିର କ୍ଷମତା ଠାରୁ ଅଧିକ ପରିବହନ ନକରିବା ଇତ୍ୟାଦି ନେଇ ଏହି ନାଟକ ଜରିଆରେ ସଚେତନ କରାଯାଇଥିଲା ।
ପରେ ଏହି ସଚେତନତା ରାଲିରେ ସହରର ବିଭିନ୍ନ ଗାଡି ସୋ ରୁମ ଯଥା – ଟିଭିଏସ, ହିରୋ, ହୋଣ୍ଡା, ସୁଜୁକି ,ୟାମା ,ଆଦି କମ୍ପାନୀ କର୍ମଚାରୀ ମାନଙ୍କୁ ସାମିଲ କରାଯାଇଥିଲା। ପୁରୁଣା ବସଷ୍ଟାଣ୍ଡ ଠାରୁ ଏହି ରାଲି ବାହାରି ସହରର ବିଭିନ୍ନ ମୁଖ୍ୟ ଅଂଚଳ ପରିକ୍ରମା କରିବା ସହ ସଡକ ସୁରକ୍ଷାର ବାର୍ତା ନେଇ ସାଧାରଣ ଲୋକଙ୍କୁ ସଚେତନ କରାଯାଇଥିଲା। ସେହିପରି ବୈଦ୍ୟନାଥପୁର ଥାନା ପୋଲିସ ପକ୍ଷରୁ ହେଲମେଣ୍ଟ ପିନ୍ଧିଥିଲେ ଚକେଲେଟ୍ ନ ପିନ୍ଧି ଥିଲେ ଗୋଲାପ ଫୁଲ ଦେଇ ସଚେତନତା କରୁଛନ୍ତି ଥାନା ଅଧିକାରୀ ସାରଦା ପ୍ରସନ୍ନ ଦାସ ।
ଦ୍ଵିତୀୟ ଦିନରେ ଟ୍ରାଫିକ ପୋଲିସ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଵ୍ରହ୍ମପୁର ଟ୍ରାଫିକ ଡ଼ିଏସପି ବିମଳକାନ୍ତ ନାୟକ , ଟ୍ରାଫିକ୍ ଆଇ.ଆଇ.ସି ସୁନୀଲ କୁମାର ବେହେରା,ଏସ୍ ଆଇ ଗୁଣନିଧି ମଲ୍ଲିକ,ଏଏସ୍ଆଇ ନରସିଂହ ପାଣି ,ହାବିଲଦାର ସାଇ ଜୀବନ ପାତ୍ର ,ଦେବେନ୍ଦ୍ର ପ୍ରଧାନ, କେ. କେ ରାଓ ,କନେଷ୍ଟବଳ ପିଣ୍ଟୁ ବେହେରା, ଅନିଲ କୁମାର ପାତ୍ର ,ବାଳକୃଷ୍ଣ ବେହେରା ,ପ୍ରଶାନ୍ତ କୁମାର ସ୍ୱାଇଁ ,ଦିଲୀପ କୁମାର ଗୌଡ଼, ଶିବାନୀ ଲେଙ୍କା ,ଏସ୍ .ଶୈଳଜା ,ଦୀପିକା ମହାରଣା ,ସନ୍ତୋଷି ଗୌଡ଼ ,ରୋଜାଳିନୀ ନାୟକ ,ଏସ୍. ଭାରତୀଦେବୀ, ହୋମଗାର୍ଡ ବୁଲୁ ଦାସ ,ପ୍ରଦୀପ ମହାପାତ୍ରଙ୍କ ସମେତ ଅନ୍ୟାନ୍ୟ ପୋଲିସ କର୍ମଚାରୀ ଉପସ୍ଥିତ ଥିଲେ । ସେହିପରି ଵ୍ରହ୍ମପୁର ସହରର ବିଭିନ୍ନ ଥାନା ଅଂଚଳରେ ପୋଲିସ ପକ୍ଷରୁ ଟ୍ରାଫିକ ନିୟମ ନେଇ ଗାଡି ଚାଳକଙ୍କୁ ସଚେତନ କରାଯାଉଛି ।
