ରାୟଗଡା,୧୯ ।୧ : ରାୟଗଡ଼ା ଜିଲ୍ଲା ଏବଂ ଗଜପତି ଜିଲ୍ଲା ସୀମାନ୍ତରେ ହୋଇଥିବା ୭୦ ଏକର ପାହାଡିଆ ଜମିରେ ଆନୁମାନିକ ୮ କୋଟି ୪୦ଲକ୍ଷ ଟଙ୍କାର ଗଞ୍ଜେଇ ଚାଷକୁ ନଷ୍ଟ କରିଛି ଜିଲ୍ଲା ପ୍ରଶାସନ । ଗୁଣୁପୁର ଉପଖଣ୍ଡ ପଦ୍ମପୁର ବ୍ଲକର ରାଇପଙ୍କା ଅଞ୍ଚଳ ଅନ୍ତର୍ଗତ ରିଡିଁଗୁଡା ଅଞ୍ଚଳରେ ବ୍ୟାପକ ପରିମାଣର ଗଞେଇ ଚାଷ ହୋଇଥିବା ଦେଖିବକୁ ମିଳିଛି । ଗୁଣୁପୁର ଏସଡିପିଓ ରାଜ କିଶୋର ଦାସଙ୍କ ତତ୍ତ୍ୱାବଧାନରେ ଓ ନିଦେ୍ର୍ଧଶ କ୍ରମେ ପଦ୍ମପୁର ଥାନା ପୋଲିସ, ଜଙ୍ଗଲ ବିଭାଗ ଓ ଅବକାରୀ ବିଭାଗ ମିଳିତ ଭାବେ ଉକ୍ତ ଅଞ୍ଚଳରେ ଚଢାଉ କରି ୭୦ ଏକର ଜମିରେ ହୋଇଥିବା ୭୦ ହଜାରରୁ ଉର୍ଦ୍ଧ୍ୱ ଗଞ୍ଜେଇ ଗଛକୁ ନଷ୍ଟ କରିଛନ୍ତି ।
ଯାହାର ଆନୁମାନିକ ମୂଲ୍ୟ ୮ କୋଟି ୪୦ ଲକ୍ଷ ଟଙ୍କାରୁ ଉର୍ଦ୍ଧ୍ୱ ହେବ ବୋଲି ପ୍ରଶାସନ ପକ୍ଷରୁ ସୂଚନା ଦେଇଛନ୍ତି । ଏ ନେଇ ପଦ୍ମପୁର ଥାନା ରେ ୧୮ ତାରିଖ ରବିବାର ଦିନ ୦୭/୨୦୨୧ ରେ ଏକ କେଶ୍ ରୁଜ୍ଜୁ ହୋଇଛି । ସେହିଭଳି ଗୁଣୁପୁର ଅବକାରୀ ବିଭାଗ ପକ୍ଷରୁ ମଧ୍ୟ ୧୨୪/୨୦୨୧ ରେ ଏକ କେଶ୍ ରୁଜ୍ଜୁ ହୋଇଥିବା ଜଣାପଡ଼ିଛି । ଏ ନେଇ ପୁଣି ପୋଲିସ୍ ଓ ଅବକାରୀ ବିଭାଗ ପକ୍ଷରୁ ଅଧିକ ତଦନ୍ତ ଜାରି ରହିଥିବା ଗୁଣୁପୁର ଏସଡିପି ଓ ପ୍ରକାଶ କରିଛନ୍ତି ।
