ଫିଲ୍ମ “ଓ୍ୱାର’ରୁ ବଲିଉଡ୍ ଡେବୁ୍ୟ କରିଥିବା ଜରିନ୍ ଖାନ୍ ସଫଳ ଷ୍ଟାର ହୋଇପାରିନାହାନ୍ତି । ଫିଲ୍ମରେ ସୁପରଷ୍ଟାର୍ ସଲମାନ୍ ଖାନ୍ ରହିବା ପରେ ମଧ୍ୟ ଦର୍ଶକଙ୍କ ହୃଦୟ ଜିତିପାରିନାହାନ୍ତି ଜରିନ୍ । କିନ୍ତୁ ଜରିନ୍ଙ୍କୁ ବହୁତ ସୁଯୋଗ ଦେଇଛନ୍ତି ସଲମାନ । ସଲମାନଙ୍କୁ ସବୁ ଶ୍ରେୟ ଦେଇଛନ୍ତି ଜରିନ୍ କାରଣ ସେ ତାଙ୍କୁ ଇଣ୍ଡଷ୍ଟ୍ରୀରେ ଲଞ୍ଚ୍ କରିଥିଲେ । ଜରିନ୍ କହିଛନ୍ତି, “ଏହି ଯାତ୍ରାରେ ବହୁ ଉତ୍ଥାନ, ପତନ ଆସିଛି । ମୁଁ ଇଣ୍ଡଷ୍ଟ୍ରୀକୁ ଆସିବା ପାଇଁ କେବେ ବି ସ୍ୱପ୍ନ ଦେଖି ନ ଥିଲି । ମୋତେ ଏପରି ସୁଯୋଗ ଦେଇଥିବାରୁ ସଲମାନଙ୍କୁ ଧନ୍ୟବାଦ । ମୁଁ କେବେ ଭାବି ନ ଥିଲି ଯେ ସଲମାନଙ୍କ ବିନା ଇଣ୍ଡଷ୍ଟ୍ରୀରେ ତିଷ୍ଠିପାରିବି । ଫିଲ୍ମରେ ଆସିବା ପାଇଁ ସଂଘର୍ଷ କରିବାକୁ ପଡ଼ି ନ ଥିଲେ ମଧ୍ୟ ଇଣ୍ଡଷ୍ଟ୍ରୀର ଅଂଶୀଦାର ହେବା ପରେ ଆରମ୍ଭ ହୋଇଥିଲା ଅସଲ ସଂଘର୍ଷ । ଇଣ୍ଡଷ୍ଟ୍ରୀରେ ଦଶ ବର୍ଷ ପରେ ବି ବହୁତ କିଛି ଶିଖିବାର ଅଛି ।
