– ରଜ ରାଜକୁମାରୀ ପ୍ରତିଯୋଗିତା ପାଇଁ ନାମ ପଞ୍ଜିକରଣ ଆହ୍ୱାନ କରାଯାଉଛି
– ପ୍ରତିଯୋଗିତା ୨୦୨୨, ୦୪ ଜୁନ୍ ରୁ ୧୯ ଜୁନ୍ ପର୍ଯ୍ୟନ୍ତ ଚାଲିବ
ଭୁବନେଶ୍ୱର: ରିଲାଏନ୍ସ ରିଟେଲ୍ର ଅଂଶ ତଥା ଭାରତର ସର୍ବବୃହତ୍ ଏବଂ ଦ୍ରୁତତମ ଅଭିବୃଦ୍ଧିଶୀଳ ପୋଷାକ ଏବଂ ଆସେସୋରିଜ୍ ସ୍ପେଶାଲିଟି ଚେନ୍ ଟ୍ରେଣ୍ଡ୍ସ୍, ଓଡ଼ିଶାରେ ରଜ ମହୋତ୍ସବ ପାଳନ ନିମନ୍ତେ ଅନନ୍ୟ ରଜ ରାଜକୁମାରୀ ପ୍ରତିଯୋଗିତା ୨୦୨୨ ଆରମ୍ଭ ହୋଇଥିବା ଘୋଷଣା କରିଛି । ଓଲିଉଡ ତାରକା ଦମ୍ପତି ସମ୍ବିତ ଆଚାର୍ଯ୍ୟ ଏବଂ ଶିବାନି ସଙ୍ଗୀତା ଏହି ପ୍ରତିଯୋଗିତା ସହିତ ସେଲିବ୍ରିଟି ବ୍ରାଣ୍ଡ୍ ଆମ୍ବାସାଡର ଭାବରେ ଯୋଡି ହୋଇଛନ୍ତି ।
ରଜ ନାରୀତ୍ୱକୁ ପାଳନ କରିବାର ଏକ ଉତ୍ସବ ଏବଂ ଏହା ଅତ୍ୟନ୍ତ ଆନନ୍ଦ, ଉତ୍ସାହ ଓ ଉଦ୍ଦୀପନାର ସହିତ ମହିଳାମାନଙ୍କ ଦ୍ୱାରା ପାଳନ କରାଯାଇଥାଏ ଯେଉଁ ସମୟରେ ସେମାନେ ନୂତନ ବସ୍ତ୍ର ପରିଧାନ କରନ୍ତି, ଦୋଳିରେ ଝୁଲନ୍ତି, ସେମାନଙ୍କୁ ସୁସ୍ୱାଦୁ ଖାଦ୍ୟ ପରଷାଯାଏ, ମଜାଦାର ଖେଳ ଖେଳନ୍ତି ଏବଂ ଏହି ଉତ୍ସବକୁ ପାଳନ କରିବା ନିମନ୍ତେ ଲୋକଗୀତ ଗାଇ ମଉଜ ମଜଲିସ କରନ୍ତି ।
ଟ୍ରେଣ୍ଡ୍ସ୍ ପକ୍ଷରୁ ୧୬ ଦିନ ବ୍ୟାପୀ ରଜ ରାଜକୁମାରୀ ପ୍ରତିଯୋଗିତାକୁ ଅତି ନିଖୁଣ ଭାବରେ ପ୍ରସ୍ତୁତ କରାଯାଇଛି ଯାହା ୨୦୨୨ ଜୁନ୍ ୪ରୁ ଆରମ୍ଭ ହୋଇ ଜୁନ୍ ୧୯ ପର୍ଯ୍ୟନ୍ତ ଚାଲିବ ଏବଂ ଏହି ସମୟରେ ଖୋଲା ପଡିଆରେ, ଆବାସିକ ସୋସାଇଟିଗୁଡିକରେ, ଗଣମାଧ୍ୟମରେ ବହୁବିଧ କାର୍ଯ୍ୟକ୍ରମ ସହିତ ମଲ୍ଗୁଡିକରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯିବ ଏବଂ ଏହାର ଫିନାଲେ ୨୦୨୨ ଜୁନ୍ ୨୬ରେ ଅନୁଷ୍ଠିତ ହେବ । ଟ୍ରେଣ୍ଡ୍ସ୍ ର ଏହି ରଜ ରାଜକୁମାରୀ ପ୍ରତିଯୋଗିତା ମଧ୍ୟରେ ରହିଛି ଦୁଇଟି ପୃଥକ ପ୍ରତିଯୋଗିତା, ଯଥା- ରଜ ସମ୍ପର୍କିତ ଲୋକଗୀତ ପ୍ରତିଯୋଗିତା ଏବଂ ବନ୍ଧୁ ବାନ୍ଧବ ଓ ସମ୍ପର୍କୀୟଙ୍କ ସହିତ ରଜ ସେଲ୍ଫି ପ୍ରତିଯୋଗିତା ।
ଏହି ପ୍ରତିଯୋଗିତାର ସାମିଲ୍ ହୋବା ପାଇଁ ଅଂଶଗ୍ରହଣକାରୀଙ୍କୁ ସେମାନଙ୍କ ବନ୍ଧୁବାନ୍ଧବ ଓ ସମ୍ପର୍କୀୟଙ୍କ ସହିତ ନିଆଯାଇଥିବା ସେଲ୍ଫି ପଠାଇବାକୁ ହେବ ଅଥବା ରଜ ସମ୍ପର୍କିତ ଗୀତ ଗାଇ ତାହାର ଏକ ମିନିଟର ଭିଡିଓ କ୍ଲିପ୍ କରି ତାହାକୁ ଏକ ହ୍ୱାଟ୍ସ୍ ଆପ୍ ନମ୍ବର (୮୯୦୮୦୨୦୧୦୪)ରେ ସେୟାର କରିବାକୁ ହେବ କିମ୍ବା ତାହା ୱେବସାଇଟ www.trendsrajarajakumari.com ରେ ଅପ୍ଲୋଡ କରିବାକୁ ପଡିବ ।
ଏହି ପ୍ରତିଯୋଗିତାରେ ଭାଗନେଉଥିବା ପ୍ରତ୍ୟେକ ଅଂଶଗ୍ରହଣକାରୀଙ୍କୁ ପ୍ରତ୍ୟେକ ୫୦୦ ଟଙ୍କା ମୂଲ୍ୟର ଦୁଇଟି ରଜ ସ୍ପେଶାଲ ରିହାତି କୁପନ୍ ମିଳିବ । ବିଶିଷ୍ଟ ବିଚାରକମଣ୍ଡଳୀ ପ୍ରତ୍ୟେକ ବିଭାଗରୁ ୩ଜଣ କରି ମୋଟ ଛଅଜଣ ବିଜେତାଙ୍କୁ ମନୋନୀତ କରିବେ । ପ୍ରତି ବିଭାଗର ଶ୍ରେଷ୍ଠ ତିନିଜଣ ବିଜେତାଙ୍କୁ ଯଥାକ୍ରମେ ୩୧,୦୦୦ ଟଙ୍କା, ୨୧,୦୦୦ ଟଙ୍କା ଓ ୧୧,୦୦୦ ଟଙ୍କାର ପୁରସ୍କାର ପ୍ରଦାନ କରାଯିବ ।
ଓଲିଉଡ ସେଲିବ୍ରିଟି ଦମ୍ପତି ସମ୍ବିତ ଓ ସଙ୍ଗୀତା ପ୍ରତିଯୋଗିତା ସହିତ ଯୋଡି ହୋଇ ଅତ୍ୟନ୍ତ ଉଲ୍ଲସିତ ଅଛନ୍ତି ଏବଂ କହିଛନ୍ତି, “ଟ୍ରେଣ୍ଡ୍ସ୍ ଭଳି ଏକ ଫାଶନ ଡେଷ୍ଟିନେସନ ଦ୍ୱାରା ଏଭଳି ଅନନ୍ୟ ପ୍ରତିଯୋଗିତାର ଅଂଶ ବିଶେଷ ହୋଇ ଆମେ ଅତ୍ୟନ୍ତ ଆନନ୍ଦିତ ଅନୁଭବ କରୁଛୁ । ରଜ ପାଳନ ନିମନ୍ତେ ଏହା ଏକ ଅନନ୍ୟ ପ୍ରୟାସ ହୋଇଛି । ଆମେ ରଜ ରାଜକୁମାରୀ ପ୍ରତିଯୋଗିତାର ଅଂଶଗ୍ରହଣକାରୀଙ୍କ ସହିତ ମିଶି ରଜ ଉତ୍ସବ ପାଳନକୁ ଅପେକ୍ଷା କରିଛୁ । ରଜ କିଣାକିଣି ପାଇଁ ଆପଣଙ୍କର ନିକଟସ୍ଥ ଟ୍ରେଣ୍ଡ୍ସ୍ ଷ୍ଟୋରକୁ ଯାଆନ୍ତୁ ଏବଂ ସବୁରି ମୁହଁରେ ଚର୍ଚ୍ଚାରେ ରୁହନ୍ତୁ ।”
ଟ୍ରେଣ୍ଡ୍ସ୍ ଏହାର ପରିବ୍ୟାପ୍ତିକୁ ସୁଦୃଢ କରି ଦେଶରେ ମେଟ୍ରୋଠାରୁ ଆରମ୍ଭ କରି ମିନି ମେଟ୍ରୋ ଏବଂ ଟିୟର-୧ ଓ ଟିୟର-୨ ସହରଗୁଡିକରେ ଉପସ୍ଥିତି ସୁନିଶ୍ଚିତ କରିବା ସହିତ ଗ୍ରାହକଙ୍କ ସହିତ ସଂଯୁକ୍ତ ହୋଇ ବାସ୍ତବରେ ଭାରତରେ ଫାଶନର ସାର୍ବଜନୀନକରଣ କରୁଛି ଏବଂ ଭାରତର ପସନ୍ଦଯୋଗ୍ୟ ଫାଶନ ସପିଙ୍ଗ ଡେଷ୍ଟିନେସନ ପାଲଟିଛି । ଏଠାରେ ଚମତ୍କାର ବର୍ଗର ଉତମ ଗୁଣମାନର ଫାଶନ ସାମଗ୍ରୀ ରହିଛି ଯାହା ପ୍ରତ୍ୟେକ ଅବସର ପାଇଁ ସମ୍ପୂର୍ଣ୍ଣ ଖାପଖୁଆଇବା ଭଳି ହୋଇଛି ଏବଂ ଏହାର ମୂଲ୍ୟ ସୁଲଭ ଏବଂ ଏହା ତାହାର ମୂଲ୍ୟ ତୁଳନାରେ ଯଥେଷ୍ଟ ଅଧିକ ମୂଲ୍ୟବାନ ବିବେଚିତ ହେଉଛି ।
ଟ୍ରେଣ୍ଡ୍ସ୍ ସମ୍ପର୍କରେ
ଟ୍ରେଣ୍ଡ୍ସ୍ ଭାରତର ସର୍ବବୃହତ ଏବଂ ଦ୍ରୁତତମ ଅଭିବୃଦ୍ଧିଶୀଳ ଫାଶନ୍ ଡେଷ୍ଟିନେସନ ଯାହାର ୫୦୦ରୁ ଅଧିକ ସହରରେ ସମସ୍ତ ଫର୍ମାଟ୍ରେ ୧୫୦୦ରୁ ଅଧିକ ଷ୍ଟୋର୍ ବିଶିଷ୍ଟ ବିଶାଳ ନେଟୱର୍କ ରହିଛି । ଏଠାରେ ମଧ୍ୟ ୧୦୦ରୁ ଅଧିକ ଜାତୀୟ ଓ ଆନ୍ତର୍ଜାତିକ ପୋଷାକ ଏବଂ ଆସେସୋରିଜ୍ ବ୍ରାଣ୍ଡ୍ ସହିତ ପୁରୁଷ, ମହିଳା ଓ ପିଲାଙ୍କ ପୋଷାକ ବର୍ଗରେ ନିଜସ୍ୱ ୨୦ଟି ବ୍ରାଣ୍ଡ୍ ପ୍ରତ୍ୟେକ ଗ୍ରାହକଙ୍କ ଆବଶ୍ୟକତା ପୂରଣ ନିମନ୍ତେ ରହିଛି ।
ଟ୍ରେଣ୍ଡ୍ସ୍ ମାଲିକାନାରେ ଥିବା ବ୍ରାଣ୍ଡ୍ଗୁଡିକ ମଧ୍ୟରେ ରହିଛି, ଆଭାସା- ଭାରତୀୟ ମହିଳା ପୋଷାକ ବର୍ଗ ଯେଉଁଥିରେ ସାଲୱାର କର୍ତା ସେଟ୍, ଚୁଡିଦାର ସେଟ୍ର ସୁନ୍ଦରତମ ସମ୍ଭାର ରହିଛି ଏବଂ ତାହାସହିତ ଦ୍ରୁତ ପରିବର୍ତନଶୀଳ ମିକ୍ସ-ଏନ୍-ମ୍ୟାଚ୍ ବର୍ଗର ପୋଷାକ ବର୍ଗ, ରିଓ- ଯୁବତୀମାନଙ୍କ ପାଇଁ ଆକର୍ଷଣୀୟ ଡିଜାଇନର ଦମ୍ଦାର ବର୍ଗ, ଏଫଆଇଜି- ସୁନ୍ଦରତାକୁ ପସନ୍ଦ କରୁଥିବା, ସ୍ୱାଧୀନ ଏବଂ କାର୍ଯ୍ୟରତ ମହିଳାଙ୍କ ପାଇଁ ଫାଶନ ୱିୟର, ଫ୍ୟୁଜନ- ମହିଳାଙ୍କ ପାଇଁ ଫ୍ୟୁଜନ ୱିୟର୍ର ଏକ ବର୍ଗ ଯେଉଁଥିରେ ପ୍ରାଚ୍ୟ ଓ ପାଶ୍ଚାତ୍ୟ ଷ୍ଟାଇଲ ଓ ଆରାମର ସଠିକ ସମ୍ମିଶ୍ରଣ ଘଟିଛି, ନେଟ୍ୱର୍କ- ବର୍ଗରେ ଫର୍ମାଲ ଅଫିସ ପୋଷାକ ଉଭୟ ପୁରୁଷ ଓ ମହିଳାଙ୍କ ପାଇଁ ରହିଛି, ନେଟ୍ପ୍ଲେ- ଏହି ବର୍ଗରେ ପରିବର୍ତିତ କାର୍ଯ୍ୟସ୍ଥଳ ପାଇଁ ଏକ ସ୍ମାର୍ଟ କାଜୁଆଲ୍ ପୋଷାକ ସମ୍ଭାର ସ୍ଥାନପାଇଛି, ଡିଏନ୍ଏମଏକ୍ସ- ଏହା ଭାରତର ଯୁବବର୍ଗଙ୍କ ବର୍ଗ, ଯାହା ସେମାନଙ୍କ ପାଇଁ ଡେନିମ୍, ଟି ସାର୍ଟ ଆଦି ଭଳି ସ୍ୱତନ୍ତ୍ର ଭାବରେ ପ୍ରସ୍ତୁତ ଫାଶନ ପୋଷାକ ଉପଲବ୍ଧ କରାଉଛି ଏବଂ ପରଫରମାକ୍ସ- ଏହା ସ୍ୱତନ୍ତ୍ର ଭାବରେ ପ୍ରସ୍ତୁତ ଆକ୍ଟିଭ ୱିୟର ବ୍ରାଣ୍ଡ୍ ଯାହା କ୍ରୀଡା କ୍ଷେତ୍ରରେ ପ୍ରଦର୍ଶନକୁ ସମର୍ଥନ କରୁଛି ।
