କ୍ୟାନ୍ସର ନେଇଗଲା ସୁଗ୍ରୀବଙ୍କ ଜୀବନ, ଶ୍ରଦ୍ଧାଞ୍ଜଳି ଜଣାଇଲେ ରାମାୟଣର ସବୁ କଳାକାର

ମୁମ୍ବାଇ: ଛୋଟ ପରଦାରେ ଇତିହାସ ସୃଷ୍ଟି କରିଥିବା ରାମାୟଣ ଧାରାବାହିକର ସୁଗ୍ରୀବ ଭୂମିକାରେ ଅଭିନୟ କରିଥିବା କଳାକାରଙ୍କର ଦେହାନ୍ତ ହୋଇଯାଇଛି | ରାମାୟଣରେ ସୁଗ୍ରୀବ ଭୂମିକାରେ ଅଭିନୟ କରି ପ୍ରଭୁ ଶ୍ରୀରାମଙ୍କ ପାଖେପାଖେ ଥିବା ଶ୍ୟାମ ସୁନ୍ଦରଙ୍କର ପରଲୋକ ହୋଇଯାଇଛି | ଏହି ଖବର ପାଇବା ପରେ ରାମାୟଣରେ ରାମ ଭୂମିକାରେ ଅଭିନୟ କରିଥିବା ଅରୁଣ ଗୋଭିଲ ଟ୍ୱିଟ କରି ତାଙ୍କ ଆତ୍ମା ​​ଶାନ୍ତି ପାଇଁ କାମନା କରିଛନ୍ତି।

ଅରୁଣ ଗୋବିଲଙ୍କ ଏହି ଟ୍ୱିଟରେ ପ୍ରଶଂସକମାନେ ମଧ୍ୟ ଅନେକ ଟୁଇଟ୍ କରିଛନ୍ତି। ରାମାୟଣରେ ଲକ୍ଷ୍ମଣ ଭୂମିକାରେ ଅଭିନୟ କରୁଥିବା ସୁନୀଲ ଲାହିରୀ ମଧ୍ୟ ଟ୍ୱିଟ୍ କରି ଶ୍ୟାମ ସୁନ୍ଦରଙ୍କ ଆତ୍ମାର ଶାନ୍ତି କାମନା କରିଛନ୍ତି।

ସୁନୀଲ ଲେଖିଛନ୍ତି ଯେ “ରାମାୟଣରେ ବଳି ଏବଂ ସୁଗ୍ରୀବଙ୍କ ଭୂମିକାରେ ଅଭିନୟ କରିଥିବା ଆମର ସହକର୍ମୀଙ୍କ ହଠାତ୍ ଦେହାନ୍ତ ହୋଇଥିବାର ଶୁଣି ଖୁବ ଦୁଃଖ ଲାଗୁଛି | ଭଗବାନ ତାଙ୍କ ପରିବାରକୁ ଶକ୍ତି ଦିଅନ୍ତୁ। ସୂଚନା ଥାଉ କି ଶ୍ୟାମ ସୁନ୍ଦର ହରିୟାନାର ପିଞ୍ଜୋରର ଲାଲକା ହାଉସିଂ ବୋର୍ଡ କଲୋନୀର ବାସିନ୍ଦା ଥିବାବେଳେ ସେ ଦୀର୍ଘ ଦିନ ଧରି କର୍କଟ ରୋଗରେ ପୀଡିତ ଥିଲେ |