ମାଛୁଆତି କରୋନା ପଜିଟିଭ୍ ଯୁବକଙ୍କ କଣ୍ଟାକ୍ଟରେ ଆସିଥିବା ୯ଜଣଙ୍କୁ ଚିହ୍ନଟ କରାଯିବା ସହ ୫ଟି ୱାର୍ଡକୁ ସାନିଟାଇଜ୍ କରାଗଲା

ସାଲେପୁର : ଗତକାଲି ସାଲେପୁର ବ୍ଲକ୍ର ବାଲିସାହି ପଞ୍ଚାୟତ ମାଛୁଆତି ଗ୍ରାମର ହୋମ୍ କ୍ୱାରେଣ୍ଟାଇନ୍ରୁ ଜଣେ ଯୁବକ ପଜିଟିଭ୍ ଚିହ୍ନଟ ହେବାପରେ ଆଜି ପ୍ରଶାସନ ପକ୍ଷରୁ ଏହି ଯୁବକଙ୍କ ସଂସ୍ପର୍ଶରୋ ଆସିଥିବା ଲୋକମାନଙ୍କ କଣ୍ଟାକ୍ଟ ଟ୍ରେସିଂ ଆରମ୍ଭ ହୋଇଛି । ଆଜି ସୁଦ୍ଧା ସଂପୃକ୍ତ ଯୁବକର ପରିବାର ସମେତ ୯ଜଣଙ୍କୁ ପ୍ରଶାସନ ପକ୍ଷରୁ ଚିହ୍ନଟ କରାଯାଇ ସେମାନଙ୍କୁ ହୋମ୍ କ୍ୱାରେଣ୍ଟାଇନ୍ରେ ରହିବାପାଇଁ ପରାମର୍ଶ ଦିଆଯାଇଥିବା ପ୍ରଶାସନ ପକ୍ଷରୁ ସୂଚନା ମିଳିଛି ।

ପ୍ରକାଶ ଯେ ମାଛୁଆତି ଅଞ୍ଚଳର ଏହି ଯୁବକ ଜଣକ ବାଙ୍ଗାଲୋରରୁ ଆସି ଘରେ ହୋମ୍ କ୍ୱାରେଣ୍ଟାଇନ୍ରେ ଥିବାବେଳେ ତାର ସ୍ୱାବ୍ ପରୀକ୍ଷା ନିମନ୍ତେ ପଠାଯାଇଥିଲା । ସଂପୃକ୍ତ ଯୁବକର କୌଣସି ଲକ୍ଷଣ ନଥାଇ ଗତକାଲି ତାଙ୍କର ରିପୋର୍ଟ ପଜିଟିଭ୍ ଆସିଥିଲା । ଅପର ପକ୍ଷରେ ଆଜି ବାଲିସାହି ପଞ୍ଚାୟତ ପକ୍ଷରୁ ସରପଞ୍ଚଙ୍କ ପ୍ରତିନିଧି ଜୟରାମ ବେହେରାଙ୍କ ଉପସ୍ଥିତିରେ ସଂପୃକ୍ତ ଯୁବକ ରହୁଥିବା ୱାର୍ଡ ସମେତ ଆଖପାଖର ୫ଟି ୱାର୍ଡକୁ ସାନିଟାଇଜ୍ କରାଯାଇଥିବାବେଳେ ଲୋକମାନଙ୍କୁ ସାମାଜିକ ଦୂରତ୍ୱ ବଜାୟ ରଖି କାର୍ଯ୍ୟ କରିବାକୁ ପରାମର୍ଶ ଦିଆଯାଇଛି