ସାଲେପୁର,୨୭/୧୦:-ପରଟାରେ ଜଗନ୍ନାଥଙ୍କ ଛବି ଦେଖି ଭାବବିହ୍ଵଳ ହୋଇଥିବା ଦେଖିବାକୁ ମିଳିଛି କଣ୍ଟାସାହି ଗ୍ରାମରେ।ସୂଚନା ମୁତାବକ ସାଲେପୁର ବ୍ଲକ ଅନ୍ତର୍ଗତ ଶିଶୁଆ ପଞ୍ଚାୟତର ସପନପୁର କଣ୍ଟାସାହି ଗ୍ରାମର ଦୁଷ୍ମନ୍ତ ଦାଶଙ୍କ ବୋହୂ ପ୍ରିୟଦର୍ଶିନୀ ଦାଶ ଆଜି ଖାଇବା ପାଇଁ ପରଟା କରୁଥିବା ବେଳେ ପରଟା ଉପରେ ପ୍ରଭୂ ଜଗନ୍ନାଥଙ୍କ ଛବି ଦେଖାଯାଇଥିଲା।ଏହାପରେ ସେ ତାଙ୍କ ସ୍ବାମୀ ଅଶୋକ କୁମାର ଦାଶ ଓ ପରିବାର ଲୋକଙ୍କୁ ଡାକି ଦେଖାଇଥିଲେ।ସମସ୍ତେ ଏହା ଦେଖି ଆଶ୍ଚର୍ଯ୍ୟ ହୋଇ ଯାଇଥିଲେ ଏବଂ ଏହା ପ୍ରଭୁଙ୍କ ଅପୂର୍ବ ଲୀଳା।ଯାହାହେଉ ଆଜି ପରଟା ଉପରେ ପ୍ରଭୁ ଜଗନ୍ନାଥ ଆମକୁ ଦେଖାଦେଲେ ବୋଲି ପରିବାର ଲୋକେ ପ୍ରକାଶ କରିଛନ୍ତି।ଉକ୍ତ ପରଟାକୁ ତୁଳସୀ, ଫୁଲ, ଧୂପ,ଦୀପ ଦେଇ ପୂଜାର୍ଚ୍ଚନା କରୁଥିବା ଦେଖିବାକୁ ମିଳିଥିଲା।ଏହି ଜଗନ୍ନାଥଙ୍କ ଛବି ଥିବା ପରଟାକୁ ଦେଖିବାକୁ ତାଙ୍କ ଘରେ ଲୋକଙ୍କ ଭିଡ ଲାଗିଥିଲା।ଅପରପକ୍ଷରେ ଅଶୋକ ଦାସଙ୍କ କହିବା କଥା ଦୁଇ ଦିନ ହେଲା ତାଙ୍କ ସ୍ତ୍ରୀ ପ୍ରିୟଦର୍ଶିନୀ ଦାଶ ତାଙ୍କୁ କହୁଥିଲେ ପୁରୀ ଯାଇ ପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିବା ପାଇଁ।ଆଜି ନିଜ ଘରେ ପରଟା ଉପରେ ପ୍ରଭୂ ଜଗନ୍ନାଥଙ୍କୁ ଦେଖି ଭାବବିହ୍ଵଳ ହୋଇପଡିଛନ୍ତି।
