ସାକ୍ଷୀଗୋପାଳ : ସତ୍ୟବାଦୀ ଥାନା ଅନ୍ତର୍ଗତ ସାଣ୍ଢରା ଶାସନ ପଞ୍ଚାୟତର ଏକ ଗ୍ରାମରେ ଆଜି ଭୋର ସମୟରେ ସ୍ନାନ କରୁଥିବା ଜନୈକା ମହିଳାଙ୍କୁ ଜନୈକ ନାବାଳକ ଛୁରୀ ଦେଖାଇ ମହିଳାଙ୍କୁ ଅସଦାଚରଣ କରିଥିଲେ ବୋଲି ସତ୍ୟବାଦୀ ଥାନାରେ ଅଭିଯୋଗ ହୋଇଛି । ଅଭିଯୋଗ ଅନୁଯାୟୀ 23 ବର୍ଷ ବୟସ୍କା ମହିଳା ଜଣକ ଆଜି ଭୋର ସାଢେ 4 ଟା ସମୟରେ ନିଜ ଘର ବାରିପଟେ ନଳ କୂପ ନିକଟରେ ସ୍ନାନ କରୁଥିବା ବେଳେ ପଡୋଶୀ ଘରର ଜନୈକ ନାବାଳକ ସେଠାରେ ପହଞ୍ଚି ଛୁରୀ ଦେଖାଇ ଭୟଭୀତ କରି ଅସଦାଚରଣ କରିଥିଲେ । ମହିଳା ଜଣକ ଏହାର ବିରୋଧ କରିବା ସହ ଜୋରରେ ଡାକ ପକାଇଥିଲେ । ତାଙ୍କ ଡାକ ଶୁଣି ତାଙ୍କ ବୋଉ ଙ୍କ ସହ ଅନ୍ୟ ଜଣେ ପଡୋଶୀ ଘଟଣା ସ୍ଥଳରେ ପହଞ୍ଚି ଯୁବକଙ୍କୁ କାବୁ କରି ସତ୍ୟବାଦୀ ଥାନା କୁ ଖବର ଦେଇଥିଲେ । ଖବର ପାଇ ସତ୍ୟବାଦୀ ପୋଲିସ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତ ନାବାଳକଙ୍କୁ ଆଣି ତଦନ୍ତ କରୁଥିବା ବେଳେ ପୀଡିତା ଙ୍କ ଅଭିଯୋଗ କୁ ଭିତ୍ତି କରି 354 ଦଫାରେ ଏକ ମୋକଦ୍ଦମା ରୁଜୁ କରାଯାଇଛି ଓ ମୋକଦ୍ଦମା ନମ୍ବର ୩୫୫/୨୩ ବୋଲି ସତ୍ୟବାଦୀ ଥାନା ଅଧିକାରୀ ବିଜୟ କେତନ ବେହେରା ସୂଚନା ଦେଇଛନ୍ତି। ଅଭିଯୁକ୍ତ ଜଣକ ଜଣେ 17 ବର୍ଷ ବୟସ୍କ ନାବାଳକ ବୋଲି ଜଣା ପଡିଛି । ପୂର୍ବରୁ ଉଭୟ ପରିବାର ମଧ୍ୟରେ ପାରିବାରିକ ବିବାଦ ରହିଅଛି ବୋଲି ସତ୍ୟବାଦୀ ପୋଲିସ ସୂତ୍ରରୁ ଜଣା ପଡିଛି l
