ବାସୁଦେବପୁର : ବାସୁଦେବପୁର ବ୍ଲକର ବିଦେଇପୁର ପଞ୍ଚାୟତର କ୍ୱରେଣ୍ଟାଇନ କେନ୍ଦ୍ରରେ ଅବ୍ୟବସ୍ଥା ଯୋଗୁଁ ବିଳମ୍ବିତ ରାତ୍ରିରେ ପହଞ୍ଚଥିବା ପ୍ରବାସୀ ଓଡିଆଙ୍କୁ ଫାଟକ ନଖୋଲିବାରୁ ରାତିଯାକ ମୁନି ପଡିଆରେ କଟାଇବା ପରେ ସକାଳେ ବିଦେଇପୁର-ନାୟକାଣୀଡିହି ରାସ୍ତାକୁ ଅବରୋଧ କରିଦେଇଥିଲେ । ଏହି ଘଟଣାକୁ ନେଇ ସ୍ଥାନୀୟ ଲୋକମାନଙ୍କ ମଧ୍ୟରେ ଉତ୍ତେଜନା ଦେଖା ଦେଇଥିଲା ।
ବିଦେଇପୁର ସରପଞ୍ଚଙ୍କ ବିୟୋଗ ପରେ ପଞ୍ଚାୟତ ପରିଚାଳନା କ୍ଷେତ୍ରରେ ଅବ୍ୟବସ୍ଥା ଲାଗି ରହିଛି । ଏସମ୍ପର୍କରେ ଗଣମାଧ୍ୟମର ପ୍ରତିନିଧି ଭଦ୍ରକ ଜିଲ୍ଲା ପ୍ରକଳ୍ପ ନିର୍ଦ୍ଧେଶକ ମଧୁସୂଦନ ଦାସ,ବିଡିଓ ପ୍ରଣବ କୁମାର ବେହେରାଙ୍କ ଦୃଷ୍ଟି ଆକର୍ଷଣ କରିବା ପରେ ପ୍ରବାସୀଙ୍କ ରହିବା ପାଇଁ ବ୍ୟବସ୍ଥା କରାଯାଇଥିଲା । ଏଠାରେ ଅତି ନିମ୍ନମାନର ଖାଦ୍ୟ ପରିବେଷଣ କରାଯାଉଥିବାର ଅଭିଯୋଗ ହେଉଛି ।
