ପୋଲସରା ୦୯/୦୬/୨୦୨୦ : ପୋଲସରା ଅଞ୍ଚଳରେ ବଜ୍ରପାତ ଘଟି ଆଜି ଜଣେ ମୃତ୍ୟୁ ମୁଖରେ ପଡିଥିବା ବେଳେ ଅନ୍ୟ ଦୁଇଜଣ ଆହତ ହୋଇଛନ୍ତି। ମିଳିଥିବା ସୂଚନା ଅନୁଯାୟୀ ପୋଲସରା ବ୍ଳକ ଅନ୍ତର୍ଗତ ପାଣ୍ଡିରିପଡା ଗ୍ରାମର ପଞ୍ଚୁ ଗୌଡ ଙ୍କ ଦୁଗ ପୁଅ ଦିପକ (୧୭ ବର୍ଷ) ଏବଂ କୈଳାସ ଛେଳି ଚରାଇବା ପାଇଁ ଧନେଇ ନଦୀ କୁଳକୁ ଯାଇଥିଲେ। ନଦୀ କୁଳରେ ଛେଳି ଚଳାଇବା ସମୟରେ ବଜ୍ରାଘାତ ହେବାରୁ ଦିପକ ର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଥିଲା। ପାଖରେ ଥିବା କୈଳାସ ମଧ୍ୟ ସାମାନ୍ୟ ଆହତ ହୋଇଛି।
ବଜ୍ରାଘାତ ଖବର ପାଇ ଦିପକ ର ପରିବାର ଲୋକମାନେ ସଂଗେ ସଂଗେ ଉଭୟଙ୍କୁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ଆଣିଥିଲେ ତେବେ ଡାକ୍ତର ଦିପକ କୁ ମୃତ ଘୋଷଣା କରିଥିବା ବେଳେ କୈଳାସ ର ଚିକିତ୍ସା କରୁଛନ୍ତି । କୈଳାସ ର ସ୍ୱାସ୍ଥ୍ୟାବସ୍ଥା ଭଲ ଥିବା ତାକୁ ଚିକିତ୍ସା କରୁଥିବା ଡାକ୍ତର କହିଛନ୍ତି।
ଅନ୍ୟ ଏକ ଘଟଣାରେ ପୋଲସରା ପୋଲସରା ବ୍ଳକ ଅଧିନସ୍ଥ ରୁମାଗଡ ଗ୍ରାମର ଜୟନ୍ତୀ ନାୟକ ତାଙ୍କ ଘର ବାରଣ୍ଡାରେ ବସିଥିବା ସମୟରେ ବଜ୍ରଘାତ
ହେବାରୁ ସାମାନ୍ୟ ଆହତ ହୋଇଛି। ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ରେ ଜୟନ୍ତୀ ଓ କୈଳାସ ର ଚିକିତ୍ସା ଚାଲିଛି । ଉଭୟେ ସୁସ୍ଥ ଥିବା ଡାକ୍ତର ମାନେ କହିଛନ୍ତି। ବଜ୍ରାଘାତ ରେ ପୋଲସରା ବିଜ୍ଞାପିତ ଅଞ୍ଚଳ ପରିଷଦର କେତେକ ସ୍ଥାନରେ ମଧ୍ୟ ଘର ର ଛାତ ପ୍ରଭୃତି ଫାଟିଥିବା ମଧ୍ୟ ଖବର ମିଳିଛି।
