ବାରିପଦା/କରଞ୍ଜିଆ, : ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି, ଜଣେ ମାନସିକ ବିକାରଗ୍ରସ୍ତ କାମୁକ ଯୁବକଙ୍କୁ ଅଞ୍ଚଳବାସୀ ବିଦୁ୍ୟତ୍ ଖୁଣ୍ଟରେ ବାନ୍ଧି ନିର୍ଧୁମ ଛେଞ୍ଚିଛନ୍ତି । ଘଟଣାରୁ ପ୍ରକାଶ ଯେ, ଜ୍ୟୋତିରଞ୍ଜନ ମହାନ୍ତ(୨୨) ନାମକ ଜଣେ ଯୁବକ ବୁଧୁବାର ପୂର୍ବାହ୍ନରେ ଶେଖର କଲୋନୀରେ ପଶି ବିଭିନ୍ନ ଘରୁ ମହିଳାଙ୍କ ଅନ୍ତବସ୍ତ୍ର ଗୁଡିକ ଚୋରି କରିନେଇ ଯାଉଥିବାବେଳେ ସ୍ଥାନୀୟ ଅଞ୍ଚଳବାସୀ ଏହି କାମୁକ ଯୁବକଙ୍କୁ କାବୁ କରିନେଇଥିଲେ । ପରେପରେ ଏକ ବିଦୁ୍ୟତ୍ ଖୁଣ୍ଟରେ ବାନ୍ଧି ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ କରଞ୍ଜିଆ ପୋଲିସ ପହଞ୍ଚି ଉକ୍ତ ଯୁବକଙ୍କୁ ଉଦ୍ଧାର କରି ଥାନାକୁ ଆଣି ପଚାରାଉଚୁରା କରିଥିଲେ । ପୋଲିସ ପ୍ରାଥମିକ ତଦନ୍ତରୁ ଜଣାପଡିଥିଲା ଯେ, ଏହି ଯୁବକ ପୂର୍ବରୁ ମଧ୍ୟ ବହୁବାର ବିଭିନ୍ନ ସମୟରେ ମହିଳାଙ୍କ ଅନ୍ତବସ୍ତ୍ର ଚୋରି କରୁଥିଲେ ତଥା ମାନସିକ ବିକାରଗ୍ରସ୍ତ ବୋଲି ଜଣାପଡିଥିଲା । ଏନେଇ କରଞ୍ଜିଆ ପୋଲିସ ଉକ୍ତ ଯୁବକଙ୍କୁ ଥାନାରେ ଅଟକ ରଖି ଘଟଣା ତଦନ୍ତ କରୁଛନ୍ତି ।
