ପାରାଦୀପ : ପାରାଦୀପ ଆଦର୍ଶ ଥାନା ପୋଲିସ ଜଣେ ଯୁବକକୁ ବ୍ରାଉନ ସୁଗାର ବିକ୍ରି ଅଭିଯୋଗରେ ଗିରଫ କରି କୋର୍ଟ ଚାଲାଣ କରିଥିବା ଜଣାପଡ଼ିଛି | ତାଙ୍କ ନାମ ସାଗର ପୋଦାର ଓ ସେ ସ୍ତାନୀୟ ଅଠରବାଙ୍କୀ ଅଞ୍ଚଳର ବୋଲି ଜଣାପଡିଛି | ତାଙ୍କ ପାଖରୁ 11.51 ଗ୍ରାମର ବ୍ରାଉନ ସୁଗାର ଜବତ ହୋଇଛି | ଏକ ବିଶେଷ ସୁତ୍ରରୁ ଖବର ପାଇ ଆଦର୍ଶ ଥାନାର ଥାନା ଅଧିକାରୀ କାବୁଲି ବାରିକ ଙ୍କ ନିର୍ଦ୍ଦେଶ କ୍ରମେ ଏସଆଇ ରମେଶ ଚନ୍ଦ୍ର ସାଇନ ସାଗର କୁ ଲକ ପଡା ଓ କେବିନ ମାର୍କେଟ ରାସ୍ତାରେ ଅଟକାଇ ଜାଞ୍ଜ କରିବା ବେଳେ ତା ନିକଟରୁ ଏହି ବ୍ରାଉନ ସୁଗାର ବାହାରିଥିଲା | ପୋଲିସ ତାକୁ ଏହି ଅଭିଯୋଗ ରେ ଗିରଫ କରି କୋର୍ଟ ଚାଲାଣ କରିଥିବା ଆଜି ଅପରାହ୍ନରେ ଜଗତସିଂହପୁର ଜିଲ୍ଲା ଆରକ୍ଷୀ ଅଧିକ୍ଷକ ଭବାନୀ ଶଙ୍କର ଉଦ୍ଗାତା ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି | ନୂତନ ଥାନା ଅଧିକାରୀ କାବୁଲି ବାରିକ ନୂତନ ଭାବେ ପାରାଦୀପ ଆଦର୍ଶ ଥାନାରେ ଯୋଗଦାନ ପରେ ନିଶା ବେପାରୀ ଙ୍କୁ ଧରିବା ପାଇଁ ଜୋରସୋରରେ ଉଦ୍ୟମ ଆରମ୍ଭ କରିଥିବା ଜଣାପଡିଛି | ପାରାଦୀପ ଆଦର୍ଶ ଥାନାରେ ଏହି ସଂକ୍ରାନ୍ତରେ କେଶ ନମ୍ବର 304 ରେ ଏକ ମାମଲା ରୁଜୁ କରାଯାଇଛି |
