ପାରାଦୀପ୍ : ମହମ୍ମଦ ଙ୍କ ୧୪୪୫ତମ ଜନ୍ମଜୟନ୍ତୀ ଉପଲକ୍ଷେ ପାରାଦୀପ ଜାମା ମସଜିଦ ପକ୍ଷରୁ ବିଶେଷ କାର୍ଯ୍ୟକ୍ରମ ଗୁରୁବାର ଅନୁଷ୍ଠିତ ହୋଇଛି। ମୁସଲମାନ ଭାଇମାନେ ମସଜିଦ ପରିସରରେ ସମୂହ ପ୍ରାର୍ଥନା କରିବା ପରେ ଏକ ଶାନ୍ତି ଶୋଭାଯାତ୍ରା ରେ ମଧୁବନ କବରଖାନା ପର୍ଯ୍ୟନ୍ତ ଯାଇଥିଲେ ।ଶୋଭାଯାତ୍ରା ବଡପଡିଆ ଠାରୁ ଆରମ୍ଭ ହୋଇ ବ୍ୟାଙ୍କ ଛକ ଦେଇ କବରଖାନା ପର୍ଯ୍ୟନ୍ତ ଯାଇଥିଲା।ସେଠାରେ ପୂର୍ବପୁରୁଷଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ପରେ ସେହି ଶୋଭାଯାତ୍ରା ଶିବମନ୍ଦିର ଛକ ଦେଇ ବଡପଡିଆ ଜାମା ମସଜିଦ ପର୍ଯ୍ୟନ୍ତ କରାଯାଇଥିଲା।ଏହି ଜୟନ୍ତୀ ଉପଲକ୍ଷେ ଆସନ୍ତା ଅକ୍ଟୋବର ୭ ତାରିଖରେ ବଡପଡିଆ ଜାମା ମସଜିଦ ପରିସରରେ ସ୍ବତନ୍ତ୍ର କାର୍ଯ୍ୟକ୍ରମ ରଖାଯାଇଛି।ଯଥା ସେଦିନ ସନ୍ଧ୍ୟାରେ ଦେଶର ବିଭିନ୍ନ ରାଜ୍ୟର ମୌଲାନା, ଶାୟର ମାନେ ଯୋଗ ଦେବାର ବ୍ୟବସ୍ଥା କରାଯାଇଛି।
