ପାଣିକୋଇଲି, ୬ା୭ : ଜାଳେନୀ ସଂଗ୍ରହ ବେଳେ ହୋଇଛି ମରଣାନ୍ତକ ଆକ୍ରମଣ । ଆକ୍ରମଣ ପରେ ଥାନାରେ ଅଭିଯୋଗ କଲେ ମଧ୍ୟ ନ୍ୟାୟ ମିଳିବା ତ ଦୂରର କଥା ତଦନ୍ତ ବି ହେଲା ନାହିଁ । ଫଳରେ ଶେଷରେ ନିରାଶ ହୋଇ ଏସପିଙ୍କ ଦ୍ୱାରସ୍ଥ ହୋଇଛନ୍ତି ପିଡତ ପରିବାର । ଏଭଳି ଏକ ଅଭାବନୀୟ ଘଟଣା ଘଟିଛି ଯାଜପୁରରୋଡ ଥାନା ଅନ୍ତର୍ଗତ ଲକ୍ଷ୍ମୀନଗର ଗ୍ରାମରେ ।
ଅଭିଯୋଗ ମୁତାବକ ଯାଜପୁରରୋଡ ଥାନା ଲକ୍ଷ୍ମୀନଗର ଗ୍ରାମର ପ୍ରଶାନ୍ତ ପଣ୍ଡାଙ୍କ ସ୍ତ୍ରୀ ନିର୍ମଳାଙ୍କ ଅଭିଯୋଗ ମୁତାବକ ଗତ ଶନିବାର ତାଙ୍କ ସ୍ୱାମମୀଙ୍କ ଅନୁପସ୍ଥିତିରେ ତାଙ୍କର ଦୁଇ ପୁଅ ବାଡିରୁ ଜାଳେନୀ କାଠ ଗୋଟାଉଥିବା ବେଳେ ଏଥିରେ ଉତକ୍ଷôପ୍ତ ହୋଇ ତାଙ୍କ ଦେଢଶୁର ପ୍ରମୋଦ ପଣ୍ଡା, ଯାଆ ସଂଯୁକ୍ତା ଓ ତାଙ୍କ ପୁଅ ସ୍ମୃତି ରଂଜନ ଝିଅ ରାଜଶ୍ରୀ ମଳିତ ଭାବେ ଆକ୍ରମଣ କରିଥିଲେ ।
ଏମିତିକି ମରଣାନ୍ତକ ଆକ୍ରମଣ କରି ଥାନାରେ ଅଭିଯୋଗ କଲେ ତାଙ୍କ ସ୍ୱମାୀକୁ ଜୀବନରୁ ମାରି ଦେବାକୁ ଧମକ ଦେଇଥିଲେ । ଏନେଇ ନିର୍ମଳା ଯାଜପୁରରୋଡ ଥାନାରେ ଲିଖିତ ଅଭିଯୋଗ କରିଥିଲେ ହେଁ ପୁଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବା ତ ଦୂରର କଥା ଏଯାଏ ତଦନ୍ତ ବି କଲା ନାହିଁ । ଫଳରେ ପାଣିକୋଇଲିସ୍ଥିତ ଜିଲ୍ଲା ପୁଲିସ କାର୍ଯ୍ୟାଳୟରେ ପହଂଚି ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ସହ ଉପଯୁକ୍ତ ନ୍ୟାୟ ପ୍ରଦାନ କରିବାକୁ ଏସପିଙ୍କୁ ଗୁହାରୀ କରିଛନ୍ତି ପିଡତ ପରିବାର ।
