ହିନ୍ଦୁ ଧର୍ମରେ ପ୍ରତେକ ପୂଜାର ଗୋଟିଏ ଅଲଗା ନିୟମ ଓ ସଂସ୍କାର ରହିଥାଏ । ଆମେ ପ୍ରତେକ ଦେବଦେବୀଙ୍କୁ ପୂଜା କରିବା ସମୟରେ କିଛି ବିଶେଷ। ଜିନିଷ ଅର୍ପଣ କରିଥାଉ । ଯେପରିକି ମହାଦେବଙ୍କୁ ବେଲପତ୍ର ,ବିଷ୍ଣୁଙ୍କୁ ତୁଳସୀ ,ଗଣେଶଙ୍କୁ ଓ ହନୁମାନଙ୍କୁ ନାଲି ରଙ୍ଗର ପୁଷ୍ପ ଇତ୍ୟାଦି ।କିନ୍ତୁ ସମସ୍ତ ଦେବଦେବୀଙ୍କୁ ଆମେ ବିଶେଷ ପୂଜା କରିବା ସମୟରେ ପାନ ଅର୍ପଣ କରିଥାଉ । ଏହି ପାନକୁ ଅର୍ପଣ କରିବ ଦ୍ବାରା କୁହାଯାଏ ଯେ ଆମ ଜୀବନରୁ ସମସ୍ତ ସଙ୍କଟ ଦୂର ହୋଇ ଯାଇଥାଏ । ଆସନ୍ତୁ ଆଜି ଜାଣିବା କେଉଁ ଦେବଦେବୀଙ୍କୁ ପାନ ଚଢ଼ାଇବା ଦ୍ବାରା କଣ ଲାଭ ମିଳିଥାଏ ।
* ଶାସ୍ତ୍ର ଅନୁସାରେ ଯଦି ଆପଣ ହନୁମାନ ଓ ଗଣେଶଙ୍କୁ ପାନ ଅର୍ପଣ କରିବେ ତେବେ ଆପଣଙ୍କ ଜୀବନରୁ ସମସ୍ତ ସଙ୍କଟ ଦୂର ହୋଇଯିବ । କୁହାଯାଏ ଯେ ପାନ ଭୋଗ ହନୁମାନ ଓ ଗଣେଶଙ୍କୁ ଚଢ଼ାଇଲେ ଜୀବନରୁ ବିପଦ ଦୂର ହୋଇଯାଇଥାଏ । ଶନିବାର ଦିନ ହନୁମାନଙ୍କୁ ପୂଜା କରିବା ସମୟରେ ୨୭ ଟି ପାନ ଚଢାଇବା ଦ୍ବାରା ସମସ୍ତ ସଙ୍କଟ ଦୂର ହୋଇଥାଏ ।
* ଜ୍ୟୋତିଷ ଶାସ୍ତ୍ର ଅନୁସାରେ ଓ ହିନ୍ଦୁ ଧର୍ମ ଶାସ୍ତ୍ର ଅନୁସାରେ ମହାଦେବଙ୍କର ଅତି ପ୍ରିୟ ଅଟେ । ସେଥିପାଇଁ ସୋମବାର ଦିନ ଶିବ ଲିଙ୍ଗରେ ପାନ ଅର୍ପଣ କରାଯାଏ । ମାନ୍ୟତା ରହିଛି ଯେ ଏପରି କରିବା ଦ୍ବାରା ଭୋଳାନାଥ ତାଙ୍କର ଭକ୍ତ ମାନଙ୍କର ସମସ୍ତ ଇଚ୍ଛା ପୂର୍ଣ୍ଣ କରି ଥାଆନ୍ତି ।କିନ୍ତୁ ଏପରି କରିବା ପୂର୍ବରୁ ବିଧିବିଧାନ ଭାବରେ ମହାଦେବଙ୍କୁ ପୂଜା କରିବା ଉଚିତ୍ ।
* ରବିବାର ଦିନ ବିଷ୍ଣୁଙ୍କୁ ପୂଜା ସମୟରେ ପାନ ଅର୍ପଣ କରାଯାଏ । କିନ୍ତୁ ବିଷ୍ଣୁଙ୍କର ପ୍ରାସାଦରେ ଯଦି ଆପଣ ବିଡିଆ ପାନ ଅର୍ପଣ କରନ୍ତି ତେବେ ସେ ସନ୍ତୁଷ୍ଟ ହୋଇଥାନ୍ତି । ବିଡ଼ିଆ ପାନରେ ଗୁଆ ,ଖାଇର, ପାନ ମଧୁରି ଓ ଅର୍କ ଇତ୍ୟାଦି ଲଗାଇ ସମର୍ପଣ କରିବା ଦ୍ୱାରା ଦାରିଦ୍ର୍ୟ ନାଶ ହୋଇଥାଏ ।
* ଶାସ୍ତ୍ର ଅନୁସାରେ ଯଦି ବ୍ୟବସାୟରେ କ୍ଷତି ହେଉଛି ତେବେ ମା ଭଗବତୀ ଙ୍କୁ ବୀଡ଼ିଆ ପାନ ଚଢ଼ାଇବ ଆବଶ୍ୟକ । ସେଥିପାଇଁ ଆପଣ ମନ୍ଦିରକୁ ନଯାଇ ଘରେ ଦୁର୍ଗାଙ୍କ ନିକଟରେ ବିଡିଆ ପାନ ପ୍ରସ୍ତୁତ କରି ଅର୍ପଣ କରି ପାରିବେ ।ମା ଦୁର୍ଗାଙ୍କୁ ବିଡ଼ିଆ ପାନ ଅର୍ପଣ କଲେ ବ୍ୟବସାୟରେ ଉନ୍ନତି ହେବ ସହିତ ଜୀବନରେ ସଫଳତା ଅର୍ଜନ କରିବେ ।
Comments are closed.