ନୂଆଦିଲ୍ଲୀ : ଯୌନ ଉତ୍ପୀଡ଼ନ ଓ ବଳାତ୍କାର କେଶ ରେ ଆରୋପି ସ୍ୱଘୋଷିତ ସ୍ୱାମୀ ନିତ୍ୟାନନ୍ଦ ଆଉଥରେ ପୁଣି ଚର୍ଚାରେ l ନିତ୍ୟାନନ୍ଦ ସ୍ୱାମୀ ଦକ୍ଷିଣ ଆମେରିକୀୟ ଦେଶ ଇକୱାଡୋର ଓ ତ୍ରିନିଦାନ ନିକଟରେ ଗୋଟିଏ ଟାପୁ କିଣିଛି l ନିତ୍ୟାନନ୍ଦ ଏହି ଟାପୁ କୁ ଗୋଟିଏ ନୂଆ ଦେଶ ଘୋଷଣା କରି ଏହାକୁ କୈଳାଷା ର ନାମ ଦେଇଛି l ନିତ୍ୟାନନ୍ଦ ନିଜ କଥିତ ଦେଶ କୈଳାସl ର ଗୋଟିଏ ପ୍ରତିନିଧି ମଣ୍ଡଳ କୁ ସଂଯୁକ୍ତ ରାଷ୍ଟ୍ର ର ବୈଠକ କୁ ପଠାଇ ଥିବାର ଫଟୋ ଓ ଭିଡିଓ ନିକଟରେ ଭାଇରଲ ହୋଇଥିଲା, ଯେଉଁଥିରେ ଏହା ଦାବୀ କରାଯାଇଥିଲା ଯେ ନିତ୍ୟାନନ୍ଦ ନିଜର ନୂଆ ଦେଶ କୁ ବିଶ୍ୱ ଆଗରେ ସ୍ଥାପନ କରିବାକୁ ଚାହୁଁଛି l
ନିତ୍ୟାନନ୍ଦ ର ଦେଶ କୈଳାଷା ପକ୍ଷରୁ ଜଣେ ମହିଳା ସାଧବୀ ବିଜୟପ୍ରିୟା ଜେନେଭା ଠାରେ ହୋଇଥିବା ସଂଯୁକ୍ତ ରାଷ୍ଟ୍ର ସମାରୋହ ରେ ସାମିଲ ହୋଇଥିଲେ l କୈଳାଷା ର ୱେବସାଇଟ ଅନୁସାରେ ନିତ୍ୟାନନ୍ଦ ନିଜ ଫଲୋଅର୍ଶ ମାନଙ୍କୁ ଆଧ୍ୟାତ୍ମିକ ନାଗରିକତା ମଧ୍ୟ ଦେଉଛି l କୈଳାଷା ର ଗୋଟିଏ ତ୍ରିକୋଣାକାର ପତାକା ମଧ୍ୟ ସୋସିଆଲ ମିଡିଆରେ ଜାରି କରାଯାଇଛି l ଯାହାର ନାମ ରୁଷଭଧ୍ୱଜ ରଖାଯାଇଛି l ନିତ୍ୟାନନ୍ଦ ଆହୁରି ମଧ୍ୟ ଦାବି କରିଛି ଯେ ସେ କୈଳାଷା ପାଇଁ ସ୍ୱତନ୍ତ୍ର କରେନସି ଜାରି କରିଛି l ଏହାଛଡା ଗୋଟିଏ ରିଜର୍ଭ ବ୍ୟାଙ୍କ ସ୍ଥାପନ ପାଇଁ ମଧ୍ୟ କହିଛି l ନିତ୍ୟାନନ୍ଦ ୨୦୧୯ ରେ ଭାରତରୁ ପଳାୟନ କରିଥିଲା ଓ ପରେ ସେ କୈଳାଷା ଦେଶ ସ୍ଥାପନ କରିବା ପାଇଁ ଦାବି କରିଥିଲା l
କୈଳାଷା ଏହି ଦେଶ ଟି କେଉଁଠି ଏହି ବିଷୟରେ କୌଣସି ସଠିକ ତଥ୍ୟ ମିଳିନାହିଁ l ମଥାରେ ପଗଡି ଓ ଭାରି ଆଭୂଷଣ ମେକ ଅପ ସହିତ ଜଣେ ତପସ୍ୱିନୀ ବେଶରେ ସଜ୍ଜିତ ମହିଳା ସଂଯୁକ୍ତ ରାଷ୍ଟ୍ର ମହାସଭାରେ ୟୁନାଇଟେଡ଼ ଷ୍ଟେଟ୍ସ ଅଫ କୈଳାଷା ର ପ୍ରତିନିଧିତ୍ବ କରି ନିଜକୁ ବିଜୟ ପ୍ରିୟା ନିତ୍ୟାନନ୍ଦ ର ପରିଚୟ ଦେଇଥିଲେ l ବିଜୟପ୍ରିୟା ଏହି ସଭାରେ କହିଥିଲେ ଯେ କୈଳାଷା ପ୍ରାଚୀନ ହିନ୍ଦୁ ନୀତି ଓ ସ୍ବଦେଶୀ ସାଧନ କୁ ଲାଗୁ କରୁଛି l ସେ ଆହୁରି ମଧ୍ୟ କହିଥିଲେ ଯେ ଏଠାରେ ଜୀବିକା ନିର୍ବାହ କରିବା ପାଇଁ ଆବଶ୍ୟକତା ଭୋଜନ, ଆଶ୍ରୟ, ପୋଷାକ, ଶିକ୍ଷା, ଚିକିତ୍ସା ସବୁକିଛି ମାଗଣାରେ ସମସ୍ତ ନାଗରିକ ମାନଙ୍କ ପାଇଁ ଉପଲବ୍ଧ କରାଯାଉଛି l
