ନିରାକାରପୁର : ଖୋର୍ଦ୍ଧା ଜିଲ୍ଲା ମଳିପଡ଼ା ବାଙ୍ଗୁର ଶିକ୍ଷା ସଦନ ପରିସରରେ କୋଭିଡ଼ ୧୯ ନିୟମକୁ ପାଳନ କରି ଆଇଓସିଏଲ ପାଇପ ଲାଇନ ଭୁବନେଶ୍ୱରଙ୍କ ଦ୍ୱାରା ଆଇଓସିଏଲ ପ୍ରଶିକ୍ଷଣ ଗୃହକୁ ବିଦ୍ୟାଳୟକୁ ହସ୍ତାନ୍ତର ଓ ଝୋଟ ପ୍ରଶିକ୍ଷଣ ଦ୍ୱାରା ଦକ୍ଷତା ହାସଲ କରିଥିବା ୧୫ଜଣ ମହିଳାଙ୍କୁ ଦକ୍ଷିଣ ପୂର୍ବାଞ୍ଚଳର କାର୍ଯ୍ୟ ନିର୍ବାହୀ ଅଧିକାରୀ ପିସି ଚୈାବେ ଓ ଶ୍ରୀଯୁକ୍ତ ରାହୁଲ ରାଜ ମଳିପଡ଼ାରେ ଆଇଓସିଏଲ ଦ୍ୱାରା ନିର୍ମିତ ଦକ୍ଷତା ବିକାଶ କେନ୍ଦ୍ରରେ ସ୍ୱୀକୃତୀ ପତ୍ର ଓ ୩ମାସର ପ୍ରୋତ୍ସାହନ ରାଶି ପ୍ରଦାନ କରିଥିଲେ ।
ପ୍ରଧାନ ଶିକ୍ଷକ ଡ଼. ଗୈାରହରୀ ମିଶ୍ରଙ୍କ ସଭାପତିତ୍ୱରେ ଅତିଥିଭାବେ ଆଇଓସିଏଲ ଦକ୍ଷିଣପୂର୍ବାଞ୍ଚଳ ନିର୍ବାହୀ ଅଧିକାରୀ ଶ୍ରୀଯୁକ୍ତ ଚୈାବେ, ମୁଖ୍ୟ ପରିଚାଳକ ରାହୁଲ ରାଜ, ମଳିପଡ଼ା ସରପଞ୍ଚ ସୁକାନ୍ତ ସେଠୀ, ଆତ୍ମା ଖୋର୍ଦ୍ଧା ବ୍ଲକ ସଭାପତି ପ୍ରଦ୍ୟୁମ୍ନ ହରିଚନ୍ଦନ ଓ ଶିକ୍ଷାବିତ ପାଣୁ ପାହାଡ଼ାସିଂହ ପ୍ରମୁଖ ଯୋଗଦେଇ ପ୍ରଶିକ୍ଷିତା ମହିଳାମାନଙ୍କୁ ଦକ୍ଷତା ପ୍ରମାଣ ପତ୍ର ବଣ୍ଟନ କରିଥିଲେ । ଏହି ଅବସରରେ ପ୍ରଶିକ୍ଷଣ ସମୟର ଅନୁଭୁତିକୁ ପ୍ରଶିକ୍ଷଣ ଗ୍ରହଣ କରୁଥିବା ଅଳ୍ପନା ଖଣ୍ଡୟତରାୟ ଓ ମମତା ଦଳେଇ ବର୍ଣ୍ଣନା କରିଥିଲେ । ଶେଷରେ ଶିକ୍ଷୟତ୍ରୀ ପୂରବୀ ଶ୍ରୀଚନ୍ଦନ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମକୁ ସମାଜସେବୀ ଅନୁଭବ ଦାସ ପରିଚାଳନା କରିଥିବାବେଳେ ଦାଶରଥି ବାରିକ ଓ କେଶବ ସିଂ ପ୍ରମୁଖ ସହଯୋଗ କରିଥିଲେ ।
