ନୀଳଗିରି : ପୁଣି ଜଣେ ପୁଲିସ କନଷ୍ଟେବଳଙ୍କ ବିରୋଧରେ ଆସିଛି ସାଂଘାତିକ ଅଭିଯୋଗ । ବିଭାହର ୩ବର୍ଷ ପରେ କନଷ୍ଟେବଳ ଜଣଙ୍କ ଅନ୍ୟ ଜଣେ ମହିଳାଙ୍କ ସହିତ ସମ୍ପର୍କ ରଖିଥିବା ଜାଣି ଏହି ଘଟଣାକୁ ତାଙ୍କର ସ୍ତ୍ରୀ ବିରୋଧ କରିବାରୁ ସେ ତାଙ୍କୁ ନିର୍ଯାତନା ଦେବା ସହ ଜୀବନରୁ ମାରିଦେବାକୁ ଉଦ୍ୟମ କରିଥିଲେ । ମହିଳା ଜଣଙ୍କ ନିଜ ବାପା ମା ଓ ଭାଇଙ୍କ ଦ୍ୱାରା ଉଦ୍ଧାର ହୋଇ ଗତ ୨୦୧୮ ମସିହା ଜୁଲାଇ ମାସ ୧୭ ତାରିଖ ଦିନ ନୀଳଗିରି ଥାନାରେ ଅଭିଯୋଗ କରିଥିଲେ ।
ପୋଲିସ ଏହି ଘଟଣାରେ ଅଭିଯୁକ୍ତ କନଷ୍ଟେବଳ ବିଟୁସାହି ଗ୍ରାମର ସଞ୍ଜୟ କୁମାର ସିଂଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ । ଶ୍ରୀ ସିଂ ଜାମିନରେ ଆସି ଡୁ୍ୟଟି କରୁଥିବା ବେଳେ ୨ ବର୍ଷ ପରେ ଆଜି ଅଭିଯୁକ୍ତ ସଞ୍ଜୟ ଦ୍ୱିତୀୟ ବିବାହ କରିବାକୁ ଯିବା ସମୟରେ ଖବର ପାଇ ପ୍ରଥମ ସ୍ତ୍ରୀ ଜଣକ ନିଜ ଛୁଆ ସହ ନୀଳଗିରି ଥାନାର ଦ୍ୱାରସ୍ଥ ହୋଇଛନ୍ତି । ଏ ନେଇ ପୁଲିସ ପକ୍ଷରୁ ତଦନ୍ତ ଜାରି ରହିଥିବା କଥା ସୂଚନା ଦେଇଛନ୍ତି ଥାନା ଅଧିକାରୀ
