ନୟାଗଡ଼ : ନୟାଗଡ଼ ସହରରାଞ୍ଚଳର ୩ଟି ୱାର୍ଡ କୁ ଜିଲ୍ଲା ପ୍ରଶାସନ କଣ୍ଟେନ୍ମେଣ୍ଟ ଜୋନ୍ ମୁକ୍ତ କରିଛି । ୧୧ ନମ୍ବର, ୧୨ ନମ୍ବର ଏବଂ ୨ନମ୍ବର ୱାର୍ଡ ଅଞ୍ଚଳରୁ କଣ୍ଟେନ୍ମେଣ୍ଟହଟାଇ ଦିଆଯାଇଛି । ସେହିପରି ଓଡ଼ଗାଁ ବିଜ୍ଞାପିତ ଅଞ୍ଚଳ ପରିଷଦର କଣ୍ଟେନ୍ମେଣ୍ଟ ଅଞ୍ଚଳକୁ ମୁକ୍ତ କରା ଯାଇଥିବା ଜଣାପଡ଼ିଛି ।
କରୋନା ମୁକାବିଲା ଓ ପରିଚାଳନା ଦୃଷ୍ଟିରୁ ଜିଲ୍ଲା ପ୍ରଶାସନ ଉପଯୁକ୍ତ ସମୟରେ ବିଭିନ୍ନ ସ୍ଥାନକୁ କଣ୍ଟେନ୍ମେଣ୍ଟ ଜୋନ୍ ଘୋଷଣା କରୁଛି । ଅନେକ ସ୍ଥାନରେ କରୋନା ସଂକ୍ରମଣ ଭୟ କମିବା ପରେ ସଂପୃକ୍ତ ଅଞ୍ଚଳକୁ କଣ୍ଟେନ୍ମେଣ୍ଟଅଞ୍ଚଳ ମୁକ୍ତ କରା ଯାଇଥିବା ସୂଚନା ମିଳିଛି । ଜିଲ୍ଲାପାଳଙ୍କ ଘୋଷଣା ଅନୁଯାୟୀ ରବିବାର ସନ୍ଧ୍ୟାରୁ ନୟାଗଡ଼ ସହର ୧୧ନମ୍ବର ଓ ୧୨ ନମ୍ବର ୱାର୍ଡକୁ କଣ୍ଟେନ୍ମେଣ୍ଟ ଜୋନ ମୁକ୍ତ କରାଯାଇଛି ।
ସେହିପରି ୨ନମ୍ବର ୱାର୍ଡ ଦିଆନବନ୍ଧ ସାହିରୁ କଣ୍ଟେନ୍ମେଣ୍ଟକଟକଣା ହଟାଇ ଦିଆଯାଇଛି । ଏହି ସବୁ ଅଞ୍ଚଳରେ କରୋନା ସଂକ୍ରମଣ ଦେଖା ଦେଇଥିବାରୁ ୧୦ ଦିନ ପୂର୍ବେ କଣ୍ଟେନ୍ମେଣ୍ଟ ଘୋଷଣା କରାଯାଇଥିଲା । ଅନ୍ୟପକ୍ଷେ ଓଡ଼ଗାଁ ଏନ୍ ଏ ସିର ୧ରୁ ୧୫ ନମ୍ବର ୱାର୍ଡ ସୋମବାର ସନ୍ଧ୍ୟାରୁ କଣ୍ଟେନ୍ମେଣ୍ଟ ମୁକ୍ତ ହୋଇଥିବା ଜଣାପଡ଼ିଛି । କଣ୍ଟେନ୍ମେଣ୍ଟ ପ୍ରତ୍ୟାହାର ପରେ ଲୋକମାନେ ପୂର୍ବପରି ସ୍ୱାଭାବିକ ଚଳ ପ୍ରଚଳ କରି ପାରିବା ନେଇ ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।
