ବାରିପଦା : ତାମିଲନାଡୁରୁ ପ୍ରବାସୀମାନଙ୍କୁ ନେଇ ମଙ୍ଗଳବାର ଅପରାହ୍ନରେ ବାରିପଦା ଭଞ୍ଜପୁର ରେଲୱେ ଷ୍ଟେସନରେ ପହଞ୍ଚିଥିଲା ଏକ ସ୍ୱତନ୍ତ୍ର ଟ୍ରେନ । ଏଥିଲାଗି ପୂର୍ବରୁ ଜିଲ୍ଲାପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଓ ତଦାରଖ କାର୍ଯ୍ୟ ମଧ୍ୟ ଶେଷ ହୋଇଥିଲା । ଟ୍ରେନଟି ପହଞ୍ଚିବା ମାତ୍ରେ ଜିଲ୍ଲାପ୍ରଶାସନର ଉଚ୍ଚପଦସ୍ତ ଅଧିକାରୀମାନଙ୍କ ପକ୍ଷରୁ ପ୍ରବାସୀମାନଙ୍କୁ ସ୍ୱାଗତ କରାଯିବା ସହ ସେମାନଙ୍କୁ ସେନିଟାଇଜ ମଧ୍ୟ କରାଯାଇଥିଲା । ଏଥିସହ ଷ୍ଟେସନରେ ପୋଲିସ ଫୋର୍ସ ମୃତୟନ ହେବା ସହ ଭଞ୍ଜପୁର ରେଲୱେ ଷ୍ଟେସନରୁ ୫ଶହମିଟର ପରିସୀମାରେ ୧୪୪ ଧାରା ଜାରି କରାଯାଇଥିଲା । ମୟୂରଭଞ୍ଜ ଜିଲ୍ଲାକୁ ମୋଟ୍ ୨୧୮ଜଣ ଶ୍ରମିକ ଏହି ଟ୍ରେନରେ ଆସିଥିଲେ । ଏମାନଙ୍କ ସହ ସୁନ୍ଦରଗଡ ଜିଲ୍ଲାକୁ ମଧ୍ୟ ୬୬ଜଣ ଶ୍ରମିକ ଆସିଥିଲେ ।
ଏହି ଟ୍ରେନରେ କୁଳିଆଣା ବ୍ଲକକୁ ୬୯ଜଣ ଶ୍ରମିକ, ବାରିପଦା, ସାରସକଣା, କୁସୁମୀ ବ୍ଲକକୁ ୧୫ଜଣ ଲେଖାଏଁ ଶ୍ରମିକ, ଠାକୁରମୁଣ୍ଡା ବ୍ଲକକୁ୧୪ଜଣ ଶ୍ରମିକ, ବାଙ୍ଗିରିପୋଷି ବ୍ଲକକୁ ୯ଜଣ ଶ୍ରମିକ, ବହଳଦା ଓ ଉଦଳାକୁ ୮ଜଣ ଲେଖାଏଁ ଶ୍ରମିକ, ଖୁଣ୍ଟାକୁ ୭ଜଣ ଶ୍ରମିକ, ବିଜାତଳା ବ୍ଲକକୁ ୫ଜଣ ଶ୍ରମିକ, ବେତନଟୀ, କରଞ୍ଜିଆ, ଶୁକୃଳି ଓ ଶୁଳିଆପଦା ବ୍ଲକକୁ ୪ଜଣ ଲେଖାଏଁ ଶ୍ରମିକ, ଜାମଦା, ରାଇରଙ୍ଗପୁର ବ୍ଲକକୁ ୩ଜଣ ଲେଖାଏଁ ଶ୍ରମିକ, ଯଶିପୁର, ବଡସାହି, ବିଶୋଇ, ମୋରଡା ବ୍ଲକକୁ ୨ଜଣ ଲେଖାଏଁ ଶ୍ରମିକ ସେହିପରି କପ୍ତିପଦା, ରାସଗୋବିନ୍ଦପୁର ଓ ତିରିଂ ବ୍ଲକକୁ ଜଣେ ଲେଖାଏଁ ଶ୍ରମିକ ଫେରିଥିଲେ । ତାମିଲନାଡୁରୁ ୨୧୮ଜଣ ଫେରନ୍ତାଙ୍କୁ ଜିଲ୍ଲାପ୍ରଶାସନ ପକ୍ଷରୁ ପୂର୍ବରୁ ପ୍ରସ୍ତୁତ ହୋଇଥିବା ଯାନବାହାନରେ ନେଇ ନିଜ ନିଜ ବ୍ଲକ ନିକଟସ୍ଥ ଟିଏମସି କ୍ୱାରାଣ୍ଟାଇନ୍ କେନ୍ଦ୍ରରେ ରଖାଯିବା ସହ ସେମାନଙ୍କର କୋଭିଡ୍ ପରୀକ୍ଷା କରାଯିବାର ମଧ୍ୟ ବ୍ୟବସ୍ଥା କରାଯାଇଛି ।
