ହାତିଆ ଗ୍ରାମରେ ଡକାୟତି ଉଦ୍ୟମ, ଧରାପଡିଲେ ୪ଜଣ ଡକାୟତ : ଗ୍ରାମବାସୀ ମାନେ ଡକାୟତଙ୍କୁ ଘେରିଯାଇ କାବୁ କଲେ ତାପରେ ….

ମାର୍ଶାଘାଇ (ଶୁଭେନ୍ଦୁ ପ୍ରକାଶ ଦାସ,ମାର୍ଶାଘାଇ  ) : ମାର୍ଶାଘାଇ ଥାନା ହାତିଆ ଗ୍ରାମରେ ଡକାୟତି ଉଦ୍ୟମ କରୁଥିବା ବେଳେ ଧରାପଡି ୪ଜଣ ଡକାୟତଙ୍କୁ ମାର୍ଶାଘାଇ ପୋଲିସ ଗୁରୁବାର ଗିରଫ କରିଛି । ପୋଲିସ ସୁତ୍ରରୁ ପ୍ରକାଶ,ହାତିଆ ଗ୍ରାମର ମନୋରଂଜନ ମହାରଣା ବୁଧବାର ରାତିରେ ତାଙ୍କ ଘର ପାଖରେ ଛିଡା ହୋଇ ମୋବାଇଲରେ କଥା ହେଉଥିବା ବେଳେ ତାଙ୍କୁ ଛୁରି,ଖେଳନା ବନ୍ଧୁକ ଏବଂ ପଂଚ୍ ମାରଣାସ୍ତ୍ର ଦେଖାଇ ଭୟଭୀତ କରିବା ସହିତ ମାଡ ମାରି ମୋବାଇଲ ଛଡାଇ ଥିଲେ । ସେହି ସମୟରେ ଗ୍ରାମବାସୀ ମାନେ ଡକାୟତଙ୍କୁ ଘେରିଯାଇ କାବୁ କରି ଉତମ ମଧ୍ୟମ ଦେଇ ମାର୍ଶାଘାଇ ପୋଲିସକୁ ଜିମା ଦେଇଥିଲେ ।

ଗିରଫ ୪ ଜଣ ହେଲେ ମାର୍ଶାଘାଇ ଥାନା ହିନ୍ଦୁଳିଆ ଗ୍ରାମର କୁନା ଓରଫ୍ ସୁଶୀଲ କୁମାର ମଲିକ(୨୨),ମୁନା ଓରଫ ସୁଶାନ୍ତ କୁମାର ମଲିକ(୨୮),କୁଜଙ୍ଗ ଥାନା ସାହାରା ଡିହା ଗ୍ରାମର ଜିତ୍ ଓରଫ ରାଜକିଶୋର ମଲିକ(୨୨) ଏବଂ ବୁଲୁ ଓରଫ୍ ପ୍ରଭାତ କୁମାର ମଲିକ(୩୦) ।ୠିରଫ ଅଭିଯୁକ୍ତଙ୍କ ପାଖରୁ ମଟର ସାଇକେଲ,ଏକ ଛୁରୀ,ଏକ ଖେଳନା ବନ୍ଧୁକ,ହାତମୁଠା ପଂଚ୍ ମାରଣାସ୍ତ୍ର ଏବଂ ୫ଟା ମୋବାଇଲକୁ ପୋଲିସ ଜବତ କରିଛି । ମାର୍ଶାଘାଇ ପେଟୋ୍ରଲ ପମ୍ପରୁ ଡକାୟତି ଘଟଣାରେ ସୁଶିଲ ସଂପୃକ୍ତ ଥାଇ ଦୀର୍ଘ ଦିନ ହେବ ପୋଲିସକୁ ଚକମା ଦେଇ ବୁଲୁଥିଲା । ଗିରଫ ୪ଜଣଙ୍କ ନାମରେ ମାର୍ଶାଘାଇ ଏବଂ କୁଜଙ୍ଗ ଥାନା ସମେତ ଅନ୍ୟାନ୍ୟ ଥାନାରେ ମାମଲା ରହିଥିବା ନେଇ ମାର୍ଶାଘାଇ ଥାନାଧିକାରୀ କାଳନ୍ଦୀ ବେହେରା ସୂଚନା ଦେଇଛନ୍ତି ।ଏ ନେଇ ୧୭୦/୨୦ରେ ମାମଲା ରୁଜୁ କରାଯାଇଛି