ବର୍ଷା ଋତୁ ଆସିବା ମାତ୍ରେ ଚାରିଆଡେ ମାଛି ଉଡ଼ିବା ଆରମ୍ଭ ହୋଇ ଯାଇଥାଏ । ଆପଣ ଯେତେ ସଫା ସୁତୁରା ରଖିଲେ ମଧ୍ୟ ମାଛି ଘରେ ଉଡୁଥିବାର ଦେଖିବାକୁ ମିଳିଥାଏ । ଖାଇବା ଜିନିଷରୁ ନେଇ ସବୁ ଆଡ଼େ ଉଡ଼ିବାର ଦେଖିବାକୁ ମିଳିଥାଏ । ବେଳେ ବେଳେ ପାଇଖାନା ରେ ମଧ୍ୟ ଦେଖା ଯାଇ ଥାଆନ୍ତି । ଖାଦ୍ୟ ପଦାର୍ଥ ଉପରେ ବସି ଖାଦ୍ୟକୁ ଦୂଷିତ କରି ଥାଆନ୍ତି ।
ମାଛି ମାନଙ୍କ ଦାଉରୁ ରକ୍ଷା ପାଇବା ପାଇଁ ଆପଣେଇ ବା କିଛିଟା ଘରୋଇ ଉପାୟ –
* ତୁଳସୀ ପତ୍ର – ତୁଳସୀ ପତ୍ରର ସୁଗନ୍ଧ ମାଛି ମାନଙ୍କୁ ପସନ୍ଦ ହୋଇ ନଥାଏ । ମାଛି ମାନଙ୍କ ଦାଉରୁ ରକ୍ଷା ପାଇବା ପାଇଁ ତୁଳସୀ ପତ୍ରକୁ ପାଣିରେ ଫୁଟାଇ ସ୍ପ୍ରେ ଭଳି ବ୍ୟବହାର କରନ୍ତୁ ।
* ଲବଙ୍ଗ ତେଲ – ଲବଙ୍ଗ ତେଲ ବିଭିନ୍ନ ରୋଗରୁ ଆରାମ ପାଇବା ପାଇଁ ମଧ୍ୟ ବ୍ୟବହାର କରାଯାଏ । ଯେତେବେଳେ ଘରେ ମାଛି ହେଉଛନ୍ତି ସେତେବେଳେ ଗୋଟିଏ ସ୍ପ୍ରେ ବୋତଲରେ ଦୁଇ କପ୍ ପାଣି ଓ ଦୁଇ କପ୍ ଧଳା ଭିନେଗର ମିଶାନ୍ତୁ ଏଥିରେ ଲବଙ୍ଗ ତେଲ ୧୦୦ ଏମ ଏଲ ମିଶାନ୍ତୁ ଏବଂ ଭଲରେ ଫେଣ୍ଟି ନିଅନ୍ତୁ । ମାଛି ହେଉଥିବା ସ୍ଥାନରେ ସ୍ପ୍ରେ କରନ୍ତୁ ।
* କର୍ପୂର – କର୍ପୂର ସୁଗନ୍ଧ ମାଛି ମାନଙ୍କୁ ଆଦୌ ଭଲ ଲାଗି ନଥାଏ । ମାଛି ମାନଙ୍କୁ ଭଗେଇବା ପାଇଁ କର୍ପୂର ସ୍ପ୍ରେ ଖୁବ୍ ଭଲ ଅଟେ । ଏଥିପାଇଁ ୧୦ଟି ଆଳତି କର୍ପୂର କୁ ଗୁଣ୍ଡ କରନ୍ତୁ । ଏହାପରେ ଏଥିରେ ଗୋଟିଏ କପ୍ ପାଣି ମିଶାନ୍ତୁ । ଏହାପରେ ମାଛି ମାନଙ୍କ ଉପରେ ସ୍ପ୍ରେ କରନ୍ତୁ ।
* କମଳା ଚୋପା – କମଳା ଚୋପକୁ ଶୁଖାଇ ଜଳାନ୍ତୁ ମାଛି ଏହାର ଦୁର୍ଗନ୍ଧ ରେ ଦୂରେଇ ଯିବେ ।
* ଡାଲଚିନି ଗୁଣ୍ଡ – ମାଛି ମାନଙ୍କୁ ଡାଲଚିନି ସୁଗନ୍ଧ ପସନ୍ଦ ନୁହେଁ । ଯେଉଁ ସ୍ଥାନରେ ମାଛି ବସିଛନ୍ତି ସେଠାରେ ଡାଲଚିନି ଗୁଣ୍ଡ ଛିଞ୍ଚି ଦିଅନ୍ତୁ ମାଛି ଦୂରେଇ ଯିବେ ।
Comments are closed.