ଆଜି ହେଉଛି ଶ୍ୟାମାକାଳୀ ପୂଜା ଓ ପବିତ୍ର ଦୀପାବଳୀ ଅମାବାସ୍ୟା ଘରର କେଉଁ ସ୍ଥାନରେ କିଭଳି ଦୀପ ଜଳାଇବା ଜରୁରୀ

ଅକ୍ଟୋବର ୩୧ ତାରିଖ ଗୁରୁବାର ଦିନ ଶ୍ୟାମାକାଳୀ ପୂଜା ସହିତ ଦୀପ ଦାନ ଉତ୍ସବ ମଧ୍ୟ ପାଳନ କରାଯିବ, ହିନ୍ଦୁ ମାନ୍ୟତା ଅନୁସାରେ ଏହିଦିନ ଶ୍ୟାମାକାଳୀ ପୂଜା ସହିତ ଦୀପାବଳୀ ପାଳନ କରିବା ଦ୍ୱାରା ଜୀବନର ଅନେକ କଷ୍ଟ ଦୂର ହୋଇଥାଏ l

ଏହିଦିନ ପୂଜାରେ ଉଭୟ ଘିଅ ଓ ତେଲ ଦୀପ ଜଳାଇବାର ମହତ୍ୱ ରହିଛି , ଆଜିର ଦିନରେ ଉଭୟ ଘିଅ ଓ ତେଲ ଦୀପ ର ବ୍ୟବହାର ହୋଇଥାଏ l ହିନ୍ଦୁ ପଞ୍ଚାଙ୍ଗ ଅନୁସାରେ ଘରର ଇଷ୍ଟ ଦେବଦେବୀ ଙ୍କ ନିକଟରେ ଘିଅ ଦୀପ ଅର୍ପଣ କରାଯାଇ ଥାଏ l

ଆଜିର ଦିନରେ ଘରର ଅନ୍ୟ ସ୍ଥାନରେ ତେଲ ଦୀପ ଜଳାଇ ରଖାଯାଏ l ଏହାଦ୍ୱାରା ଶନି ଙ୍କ ଅଶୁଭ ପ୍ରଭାବ କମ ହୋଇଥାଏ l ଆଜି ଘିଅ , ରାଶି ତେଲ ଓ ସୋରିଷ ଟେଲର ଦୀପ ଘରର ବିଭିନ୍ନ ସ୍ଥାନରେ ଅର୍ପଣ କରାଯାଏ l ଯଦି ଆମେ ଅଳସି ତେଲ ର ଦୀପ ମାତା ଲକ୍ଷ୍ମୀଙ୍କୁ ଅର୍ପଣ କରିଥାଉ ତେବେ ଲକ୍ଷ୍ମୀ କୃପା ଲାଭ କରିଥାଉ l ଏବଂ ଜାତକ ରେ ରlହୁ ଓ କେତୁ ଙ୍କ ପ୍ରଭାବ ହ୍ରାସ ହୋଇଥାଏ l

ଦୀପାବଳୀ ରେ ଘରେ ଅତି କମ ରେ ୧୩ ଟି ଦୀପ ନିହାତି ଜଳାଇ ରଖନ୍ତୁ , ଏଥିରୁ ଅଧିକ ଓ କମ ମଧ୍ୟ ରଖି ପାରିବେ l ଏବଂ ଦୀପ ର ମୁଖ ସର୍ବଦା ପୂର୍ବ ଦିଗକୁ ହେବା ଜରୁରୀ l ଏହାଦ୍ୱାରା ଆଶୀର୍ବାଦ ଲାଭ ହୋଇଥାଏ l

ଦୀପାବଳୀ ଦିନ ତୁଳସୀ ଓ ଓସ୍ତ ବୃକ୍ଷ ନିକଟରେ ନିହାତି ଦୀପ ଦାନ କରନ୍ତୁ l ଏହାଦ୍ୱାରା ସୁଖ ସମୃଦ୍ଧି ବୃଦ୍ଧି ହୋଇଥାଏ l ସୂର୍ଯ୍ୟାସ୍ତ ପୂର୍ବରୁ ଏହି ଦୁଇ ସ୍ଥାନରେ ଦୀପ ଜଳାଇବା ଜରୁରୀ l ନିଜ ସ୍ୱାମୀଙ୍କ ଦୀର୍ଘାୟୁ କାମନା କରି ଦୀପାବଳୀ ଅମାବାସ୍ୟା  ରେ ଘରର ଠାକୁରଙ୍କ ନିକଟରେ ମହୁଆ ତେଲ ର ଦୀପ ନିହାତି ଜଳାନ୍ତୁ l ଏହାଛଡା ସମ୍ପର୍କ ମଧ୍ୟ ମଧୁର ହୋଇଥାଏ l