ଖଇରା : ବାଲେଶ୍ୱର ଜିଲ୍ଲାର ଏକ ପ୍ରମୁଖ ପର୍ଯ୍ୟଟନ କ୍ଷେତ୍ର ଭାବେ ପରିଗଣିତ କୁପାରୀରେ ଏକ ନାଟ ମଣ୍ଡପ ନିର୍ମାଣ ଲାଗି ପ୍ରସ୍ତୁତି ଆରମ୍ଭ ହୋଇଛି । ସୋମବାର ପର୍ଯ୍ୟଟନ ସଂସ୍କୃତି ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀଙ୍କ ସମେତ ତହସିଲଦାର ପ୍ରଦୀପ କୁମାର ସାହୁ,ବିଡିଓ ଦେବେନ୍ଦ୍ର ପ୍ରସାଦ ବଳ,ବ୍ଲକ ଉପାଧକ୍ଷ ଜୟନ୍ତ କୁମାର ରାଉତ ପ୍ରମୁଖ କୁପାରୀ ଚଣ୍ଡୀ ମନ୍ଦିର ନିକଟସ୍ଥ ସରକାରୀ ଜମି ଚିହ୍ନଟ କରିଥିଲେ ।
ଏହା ଉପଯୁକ୍ତ ସ୍ଥାନ ଭାବେ ବିବେଚନା କରାଯିବା ସହ କାର୍ଯ୍ୟ ଆରମ୍ଭ ପାଇଁ ମନ୍ତ୍ରୀ ଅଧିକାରୀମାନଙ୍କୁ ନିଦେ୍ର୍ଦଶ ଦେଇଥିଲେ । ସ୍ଥାନୀୟ ସରପଞ୍ଚ ଭବଜ୍ୟୋତ୍ସ୍ନା ନାୟକ,ଗଡପୋଖରୀ ସରପଞ୍ଚ ଗଜେନ୍ଦ୍ର ପରିଡା,ବିଶିଷ୍ଟ ସଂଗଠକ ଶରତ କୁମାର ବିଶ୍ୱାଳ,କୁପାରୀ ଆରଆଇ ରବି ନାରାୟଣ ସିଂ ପ୍ରମୁଖ ଉପସ୍ଥିତ ଥିଲେ । ୫୦ ଲକ୍ଷ ଟଙ୍କା ବ୍ୟୟରେ ନାଟ ମଣ୍ଡପ ନିର୍ମାଣ କାର୍ଯ୍ୟ ହେବ ବୋଲି ମନ୍ତ୍ରୀ ପାଣିଗ୍ରାହୀ ସୂଚନା ଦେଇଥିଲେ ।
