କେନ୍ଦୁଝର : ପବିତ୍ର ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ଅବସରରେ ଘସିପୁରା ବ୍ଲକ କଂଗ୍ରେସ ପକ୍ଷରୁ ହସନପୁର କଲ୍ୟାଣ ମଣ୍ଡପରେ ଆଜି ଏକ ବିଶାଳ ରକ୍ତଦାନ ଶିବିର ଅନୁଷ୍ଠିତ ହୋଇଛି। ବ୍ଳକ କଂଗ୍ରେସ ସଭାପତି ସୁବ୍ରତ କୁମାର ଚକ୍ର ଓ ଆମ ଓଡ଼ିଶା ସଂଯୋଜକ ଶତ୍ରୁଘ୍ନ ସାହୁଙ୍କ ସଂଯୋଜନା ରେ ଅନୁଷ୍ଠିତ ଏହି ଶିବିର କୁ ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ ଅନୁଷ୍ଠାନିକ ଭାବେ ଉଦଘାଟନ କରିଥିଲେ। ଏହି ଶିବିରରେ ଘସିପୁରା ନିର୍ବାଚନ ମଣ୍ଡଳୀ ର ଅନେକ ଅଞ୍ଚଳରୁ ଶତାଧିକ କଂଗ୍ରେସ କର୍ମୀ ଯୋଗଦେଇ ରକ୍ତଦାନ କରିଛନ୍ତି। ଏପରି ମହତ କାର୍ଯ୍ୟ ପାଇଁ ବ୍ଲକ କଂଗ୍ରେସ କର୍ମୀ ମାନଙ୍କୁ ପୂର୍ବତନ ପିସିସି ସଭାପତି ପ୍ରଶଂସା କରିଛନ୍ତି। ଏହି ଶିବିର ରେ ପୂର୍ବତନ ବ୍ଲକ ଅଧ୍ୟକ୍ଷ ଚତୁର୍ଭୁଜ ନାୟକ, ମିଡିଆ ସେଲ ସଂଯୋଜକ ତାରିଣୀ ପଟ୍ଟନାୟକ, ଲକୀ କୁମାର ସ୍ୱାଇଁ, ପ୍ରଶାନ୍ତ ବିଶ୍ୱାଳ, ତ୍ରିଲୋଚନ ପରିଡା, ସୌମ୍ୟ ରଞ୍ଜନ ରାଉତ, ସତ୍ୟଜିତ ଜେନା, ଦୀପକ ରାଉତ, ଆଶୁତୋଷ ମାଝୀ, ସୁକାନ୍ତ ଜେନା, ଚିତ୍ତରଞ୍ଜନ ପରିଡା, ସୁବ୍ରତ କୁଅଁର, ପୁର୍ବତନ ବ୍ଳକ ସଭାପତି ଦିଲ୍ଲୀପ ଜେନା .ପିଙ୍କନ ଜେନା ପ୍ରମୁଖ ଶିବିର ପରିଚାଳନା କରିଥିଲେ। ମୋଟ ୧୦୧ ଇୟୂନିଟ ରକ୍ତ ସଂଗ୍ରହ ହୋଇଥିଲା
