କେନ୍ଦ୍ରାପଡା: କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅଧିନ ନରସିଂହପୁର ପଂଚାୟତର ୱାର୍ଡ ସଭ୍ୟ ସଭ୍ୟା ମାନେ ସରପଂଚ ପ୍ରଭାତ ସେଠୀଙ୍କ ଜନ ବିରୋଧୀ କାର୍ଯ୍ୟକଳାପରେ ଅସନ୍ତୁଷ୍ଟ ହୋଇ ଅନାସ୍ଥା ପ୍ରସ୍ତାବ ଆଗତ କରିଛନ୍ତି । ଏନେଇ ସଭ୍ୟ ସଭ୍ୟା ମାନେ ଉପ ଜିଲ୍ଲାପାଳ ଜ୍ୟୋତି ଶଙ୍କର ମହାପାତ୍ରଙ୍କୁ ଭେଟି ଅଭିଯୋଗ କରିବା ସହ ଅନାସ୍ଥା ପ୍ରସ୍ତାବ ଆଗତ କରିଥିଲେ ।
ସରପଂଚ ଶ୍ରୀ ସେଠୀଙ୍କ ବ୍ୟବହାର ରେ ଅତିଷ୍ଠ ହୋଇଥିବା ସଭ୍ୟ ମାନେ ନାନାଦି ଅଭିଯୋଗ କରି ସରପଂଚଙ୍କ କାର୍ଯ୍ୟକଳାପ କୁ ବିରୋଧ କରିଛନ୍ତି । ପଂଚାୟତର ୧୫ ଜଣ ୱାର୍ଡ ସଭ୍ୟଙ୍କ ମଧ୍ୟରୁ ୧୪ ଜଣ ସରପଂଚଙ୍କ ଜନ ବିରୋଧୀ କାର୍ଯ୍ୟ, ପ୍ରିୟାପ୍ରୀତି ତୋଷଣ, ଆର୍ଥିକ ଅନିୟମିତତା ଆଦି ଅଭିଯୋଗ କରିବା ସହ ଗୃହ ଆବଣ୍ଟନ ରେ ବ୍ୟାପକ ଦୁର୍ନିତି କରିଥିବା ଅଭିଯୋଗ ଆଣିଛନ୍ତି । ୱାର୍ଡ ସଭ୍ୟା ବବିତା ଦାସ (ନାୟବ ସରପଂଚ), ତରୁଣ ମଲ୍ଲିକ, ଭରତ ସେଠୀ, ସରସ୍ୱତୀ ଦାସ, ବିଦୁଲତା ମଲ୍ଲିକ, ନଳିତା ନାୟକ, କଳ୍ପନା ସେଠୀ, ବାସୁଦେବ ଗିରି ପ୍ରମୁଖ ଉପସ୍ଥିତ ଥିଲେ ।
