କେନ୍ଦ୍ରାପଡା-୧୧/୦୫ କେନ୍ଦ୍ରାପଡା ପୈାରାଂଚଳ ମଧ୍ୟରେ କରା ଯାଇଥିବା ସଂଗରୋଧ ଶିବିର ମଧ୍ୟରୁ କେତେକ ଶିବିର ଗାଁ ମଝିରେ ଥିବାରୁ ଏହାକୁ ନେଇ ସ୍ଥାନୀୟ ଅଂଚଳରେ ଅସନ୍ତୋଷ ତୀବ୍ର ହେବାରେ ଲାଗିଛି । ଗାଁ ମଝିରେ ଥିବା ସ୍କୁଲ ଗୁଡିକୁ ସଂଗରୋଧ ଶିବିର ରେ ପରିବର୍ତିତ କରା ଯାଇଥିବାରୁ ସଂକ୍ରମଣ ଭୟରେ ପାଖ ପଡିଶା ମାନେ ଆତଙ୍କିତ ଅବସ୍ଥାରେ ଜୀବନ ଯାପନ କରୁଛନ୍ତି । ସହର ର ନସଡିପୁର ଗ୍ରାମରେ ଥିବା ଅଭୟା ସଂସ୍କୃତ ବିଦ୍ୟାଳୟ ମଧ୍ୟରୁ ଜଳ ନିଷ୍କାସନ ପାଇଁ ଥିବା ବାଟଟି ରାସ୍ତାକୁ ବାହାରି ଥିବାରୁ ଏହି ବାଟେ ସଂଗରୋଧ ଶିବିର ର ଅନ୍ତେବାସୀ ମାନଙ୍କ ଗାଧୁଆ ଓ ପରିଶ୍ରା ପାଣି ରାସ୍ତା ଉପରେ ପ୍ରବାହିତ ହେଉଛି । ଏହା ସଂସ୍ପର୍ଷରେ ଆସୁଥିବା ଶହ ଶହ ବ୍ୟକ୍ତି ଓ ଛୋଟ ପିଲାମାନେ ସଂକ୍ରମଣ ହେବାର ଆଶଙ୍କା ବୃଦ୍ଧି ପାଉଛି ।
