କଣିହାଁ,୨୬/୫: କଣିହାଁ ପ୍ରେସ୍ କ୍ଲବ ପକ୍ଷରୁ କଣିହାଁ ବ୍ଲକ ଅଂଚଳର ଅସହାୟ ଗରିବ ଲୋକଙ୍କୁ ଚୁଡା, ଚିନି, ସାବୁନ, ଓ ମାସ୍କ ସାମଗ୍ରୀ ବିତରଣ କରାଯାଇଛି । ରବିବାର ପ୍ରେସ କ୍ଲବର କର୍ମକର୍ତା କଣିହାଁ ବ୍ଲକ ହନୁମାନପୁର ପଂଚାୟତ ଅଧିନସ୍ଥ ଭଜିପୁର,ବାଲିପଶି ପଂଚାୟତ ଅଧିନସ୍ଥ ଅନ୍ଧାରୀ ଗ୍ରାମ ଗସ୍ତ କରି ଗ୍ରାମରେ ବସବାସ କରୁଥିବା ଅସହାୟ, ଗରିବ, ଓ ଭିନ୍ନକ୍ଷମ ବ୍ୟକ୍ତି ମାନଙ୍କୁ ଚୁଡା, ଚିନି, ସାବୁନ, ସାନିଟାଇଜର, ମାକ୍ସ ବିତରଣ କରିଥିଲେ । ସାମ୍ପ୍ରତିକ କରୋନା ମହାମାରୀକୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ତାଲାବନ୍ଦ ଜାରି ହୋଇଥିବାବେଳେ ଏହି ବସ୍ତି ଗୁଡିକରେ ବସବାସ କରୁଥିବା ଅସହାୟ, ଗରିବଙ୍କ କାମଧନ୍ଦା ବନ୍ଦ ହୋଇଯାଇଛି ।
ଲକଡାଉନ୍ ଯୋଗୁ ସେମାନଙ୍କ ଜୀବନ ଜୀବିକା ଉପରେ ବିଶେଷ ପ୍ରଭାବ ପଡୁଥିବାରୁ କଣିହାଁ ପ୍ରେସ୍ କ୍ଲବର ସଦସ୍ୟ ମାନେ ଏଭଳି ଦୁର୍ଦିନ ସମୟରେ ତାଙ୍କ ପାଖରେ ପହଁଚି ଥିଲେ ଓ ବିଭିନ୍ନ ସମସ୍ୟା ସଂପର୍କରେ ପଚାରି ବୁଝିଥିଲେ । ପରେ କ୍ଲବର ସଦସ୍ୟ ମାନେ କରୋନା ଭୁତାଣୁ ଠାରୁ ଦୁରେଇ ରହିବା ପାଇଁ ହେଲେ ସମସ୍ତେ ସାବୁନ ବ୍ୟବହାର ହାତ ଧୋଇବା ସହ ମାସ୍କ ବ୍ୟବହାର କରି ସାମାଜିକ ଦୂରତା ବଜାୟ ରଖିବା ପାଇଁ ବସ୍ତିବାସିନ୍ଦାଙ୍କୁ ବୁଝାଇଥିଲେ । ଦୁଇ ଶହରୁ ଉଦ୍ଦ୍ୱର୍ ଲୋକଙ୍କୁ ପ୍ରେସ୍କ୍ଲବର ର ସଦସ୍ୟ ମାନେ ଉକ୍ତ ସାମଗ୍ରି ବିତରଣ କରିଥିଲେ । ଉକ୍ତ ସମସ୍ତ କାର୍ଯ୍ୟକ୍ରମରେ କଣିହାଁ ପ୍ରେସ୍ କ୍ଲବ ସଭାପତି ଭୂପେନ ଗଡନାୟକ, ସାଧାରଣ ସଂପାଦକ ରଂଜନ କୁମାର ମିଶ୍ର, ଉପସଭାପତି ଟୁନା ସାହୁ, କଷ୍ଟୁ ସାମଲ ଜ୍ୟୋତିରଂଜନ ଧର, ସଚ୍ଚିଦାନନ୍ଦ ପ୍ରଧାନ, ନିଳକଣ୍ଠ ବେହେରା, ଅଲେଖ ଭୂତିଆ, ମହେଶ୍ୱର ନାଏକ ପ୍ରମୁଖ ଗଣମାଧ୍ୟମ ପ୍ରତିନିଧି ଉପସ୍ଥିତ ଥିଲେ । କାର୍ଯ୍ୟକ୍ରମରେ ସରପଂଚ ନିଶାକର ବିଶ୍ୱାଳ ଉପସ୍ଥିତ ରହି ସହଯୋଗ କରିଥିଲେ ।
